Hosea 1:1 - ÎVUKU RÎA ÛVORO MWARO

¹ Ndûmîrîri ya Ngai-Mûnene nîyakinyîre Hosea mûvîcî wa Beeri vîndî îrîa Uzia, Jothamu, Ahazi na Hezekia maarî athamaki a Juda, nake Jeroboamu mûvîcî wa Joashi arî mûthamaki wa Isiraeli.

Hosea 1:1 ပူးပေါင်းရင်းမြစ်များ

2Atha 13:13

Joashi nîwakwire na akîthikwa mbîrîrarî cia athamaki kûu Samaria, nake Jeroboamu wa kaîrî nîwatuîkire mûthamaki vuva wake.

2Atha 14:16

Jehoashi nîwakwire na akîthikwa mbîrîrarî cia athamaki a Isiraeli kûu Samaria; nake mûvîcî, Jeroboamu nîwatuîkire mûthamaki vuva wake.

2Atha 14:23

Mwakarî wa îkûmi na îtano Amazia, mûvîcî wa Joashi arî mûthamaki wa Juda, Jeroboamu mûvîcî wa Joashi nîwatuîkire mûthamaki wa Isiraeli na nîwathanire arî Samaria îvinda rîa mîaka mîrongo îna na ûmwe (41).

2Atha 15:32

Mwakarî wa kaîrî Peka, mûvîcî wa Remalia arî mûthamaki wa Isiraeli, Jothamu mûvîcî wa Uzia nîwatuîkire mûthamaki wa Juda

2Atha 15:5

Ngai-Mûnene nîwaverithirie mûthamaki Azaria na njîra ya gûtûma anyitwe nî mûrimû mûcûku wa ngothi, ûrîa aarwarire nginya vîndî îrîa aakwire. Aatûûraga nyomba arî wenga. Mûvîcî Jothamu ûrîa warûngamagîrîra mûciî wa mûthamaki nîke watongoragia andû a vûrûri ûcio.

2Atha 15:7

Uzia nîwakwire na akîthikwa mbîrîrarî cia athamaki kûu îtûûrarî rînene rîa Daudi. Mûvîcî Jothamu nîwatuîkire mûthamaki vuva wake.

2Maû 27:1

Jothamu aatuîkire mûthamaki arî na ûkûrû wa mîaka mîrongo îîrî na îtano (25), na aathanire arî Jerusalemu îvinda rîa mîaka îkûmi na îtandatû (16). Ng'ina eetagwa Jerusha mwarî wa Zadoku.

2Maû 28:1

Ahazi aatuîkire mûthamaki arî na ûkûrû wa mîaka mîrongo îîrî (20) na nîwathanire îvinda rîa mîaka îkûmi na îtandatû (16) arî Jerusalemu. Ahazi ndeeka maûndû marîa maakenagia Ngai-Mûnene ta ûrîa îthe, Daudi eekîte.

2Maû 29:33

Nyamû cia kûrîthua irîa ciamûrirwe irî cia matega ciarî: ndegwa magana matandatû (600) na ng'ondu ngiri ithatû (3,000).

Isaia 1:1

Ino nî cioneki irîa Ngai aaguûrîrie Isaia, mûvîcî wa Amozu, ciîgiî Juda na Jerusalemu vîndî îrîa Uzia, Jothamu, Ahazi na Ezekia maarî athamaki a Juda.

Isaia 7:1

Rîrîa mûthamaki Ahazi, mûvîcî wa Jothamu aathanaga Juda, Jothamu aarî mûvîcî wa Uzia, Rezini mûthamaki wa Sîria na Peka mûvîcî wa Remalia, mûthamaki wa Isiraeli, nîmaatharîkîre îtûûra rîa Jerusalemu, nwatî matiarîvoota.

Jeremia 1:2

Ngai-Mûnene nîwaririe na Jeremia mwaka wa îkûmi na kathatû vîndî ya wathani wa Josia mûvîcî wa Amoni mûthamaki wa Juda.

Jeremia 1:4

Ndûmîrîri ya Ngai-Mûnene nîyanginyîre ngîrwa atîrî,

Ezek 1:3

nie mûthînjîri-Ngai Ezekieli mûvîcî wa Buzi nînakinyîrwe nî ndûmîrîri ya Ngai-Mûnene nîrî vûrûrirî wa Akalidei vakuvî na rûnjî rwa Kebari na ngîgua nagîa na vinya wake.

Joeli 1:1

Îno nî ndûmîrîri ya Ngai-Mûnene îrîa yaûkire kûrî Joeli mûvîcî wa Pethueli.

Amosi 1:1

Ino nîcio ciugo cia Amosi. Amosi aarî ûmwe wa arîthi a kuuma îtûûra rîa Tekoa. Mîaka îîrî mbere ya kîthingithia, rîrîa Uzia aarî mûthamaki wa Juda, na Jeroboamu mûvîcî wa Joashi arî mûthamaki wa Isiraeli, Ngai nîwaguûrîrie Amosi maûndû mama megiî Isiraeli.

Jona 1:1

Mûthenya ûmwe Ngai-Mûnene nîwerire Jona mûvîcî wa Amitai atîrî,

Mika 1:1

Ndûmîrîri ya Ngai-Mûnene nîyakinyîre Mika vîndî îrîa Jothamu, Ahazi, na Hezekia maarî athamaki a vûrûri wa Juda. Mûrathi Mika aarî wa kuuma îtûûra rîa Moreshethi, na nîwaguûrîrue maûndû marîa maarî mekîke Samaria na Jerusalemu.

Zakaria 1:1

Mwerirî wa kanana mwaka wa kaîrî kuuma Dario atuîka mûthamaki, Ngai-Mûnene nîwarîrie mûrathi Zakaria mûvîcî wa Berekia, Berekia mûvîcî wa Ido na akîmwîra atîrî,

Johana 10:35

Tue nîtuicî atî mandîko matheru maugaga ûma vîndî cionthe. Nake Ngai nîwetire andû acio maavunjîrue ndûmîrîri îo yake ngai cia mîvuanano.

Aroma 9:25

Wata ûrîa kwandîkîtwe nî mûrathi Hosea: Ngai aaugire atîrî, “Andû arîa mataarî akwa, nîo ngeeta, ‘Andû akwa.’ Na vûrûri ûrîa ndendeete nîguo ngeeta, ‘Mûrata wakwa.’

2Pet 1:21

Nîûndû gûtirî ûrathi wanaumana na wendi wa mûndû, nwatî andû managîrîra ndûmîrîri kuuma kûrî Ngai matongoretue nî Roho Mûtheru.