Hagai 2:5 - ÎVUKU RÎA ÛVORO MWARO

⁵ Rîrîa mwaumire Misiri nînamwîrîîre atî ngethagîrwa nîrî namue tene na tene. Kwoguo, nîrî vamwe namue, mûtikamake.

Hagai 2:5 ပူးပေါင်းရင်းမြစ်များ

2Maû 20:17

Mûtikaavatara kûrûa mbaararî îno. Thiîni mûkeevarîria na mwetere na nîmûkoona Ngai-Mûnene akîmûvootanîra. Mue andû a Juda na a Jerusalemu mûtigetigîre na mûtikegue guoya. Mûkaathiî mûkatharîkîre andû acio na Ngai-Mûnene nîakethîrwa arî vamwe namue!”

Nehemia 9:20

Nîwamathomithirie maûndû na njîra ya Roho waku mwaro, na nîwamavaithirie na irio cia maana, na ûkîmava manjî ma kûnyua.

Nehemia 9:30

Îvinda rîa mîaka mîngî nîwamakirîrîrie, na nîwavere arathi Roho waku nîguo makaanie andû acio. Nwatî matiakûthikîrîria. Kwoguo nîwamarekererie kûrî andû a ndûrîrî ciîngî.

Ntha 19:4

“Mue nîmwonire ûrîa nie Ngai-Mûnene nekire andû a Misiri na ngîmûkuua ta ûrîa nderi îkuuaga tûcui twayo na mathagu na ngîmûrete varî nie.

Ntha 19:6

andû nyamûrîrîtwe na mûndungatagîre mûrî athînjîri-Ngai.”

Ntha 24:3

Musa nîwacokire akînyûrûrûka na akîthiî akîra andû maûndû monthe marîa Ngai-Mûnene aamwîrire na maathani monthe. Nao andû onthe nîmaacokirie marî vamwe atîrî, “Nîtûgeka ûrîa wonthe Ngai-Mûnene augîte.”

Ntha 24:8

Musa nîwocire nthakame îrîa yarî mbakûrirî na akîmîminjîria andû na akiuga atîrî, “Îno nîyo nthakame ya kîrîkanîro kîrîa Ngai-Mûnene aarîkanîre namue kîgiî maûndû mama monthe.”

Ntha 34:10

Ngai-Mûnene nîwerire Musa atîrî, “Rîu nîngûrûtha kîrîkanîro na andû a Isiraeli. Nîngeka maûndû ma magegania methorî mao, maûndû matarî manonwa nthî yonthe vûrûrirî wana ûrîkû. Andû onthe nîmakoona maûndû manene marîa nie, Ngai-Mûnene nîngîvota gwîka, nîûndû nîngeka maûndû ma gwîtigîrwa nîûndû waku.

Ntha 34:8

Musa nîwenamîrîrie ûthiû wake nthî na îvenya na akîgooca Ngai-Mûnene.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 41:13

Nîûndû nie Ngai-Mûnene Ngai waku, nîngûnyitaga njara yaku ya ûrîo, na ngakwîra atî: ‘Tiga gwîtigîra, nîngûgûtethia.’ ”

Zakaria 4:6

Nake mûraika ûcio nîwambîrire nginyîrie Zerubabeli ndûmîrîri îno yumîte kûrî Ngai-Mûnene mwene vinya wonthe nîmwîre atîrî, “Ndûkaavootana nîûndû wa vinya kana ûvoti waku, nwatî ûkaavotithua nî Roho wakwa.”

Zakaria 8:13

Mue andû a Juda na a Isiraeli, kavinda kavîtûku andû a ndûrîrî methîrîtwe makîmwona mûrî andû agwate nî kîrumi. Nîngaamûvonokia na nîmûgaatuîka kîrathimo. Kwoguo îyûmîrîrieni na mûtigetigîre.”

Zakaria 8:15

Rîu nînduîte mavinda mama gwîka Jerusalemu maûndû maro wa vamwe na nyomba ya Juda. Kwoguo mûtigetigîre.

Mathaayo 28:5

Nake mûraika nîwerire aka acio atîrî, “Tigani gwîtigîra, nîûndû nîmbîcî mûracaria Jesû ûrîa wambirwe mûtharavarî.

Ciîko 27:24

na ambîra atîrî, ‘Tiga kwîgua guoya, Paûlo! We nwanginya ûrûngame mbere ya mûthamaki wa Roma. Ngai nîûndû wa wega wake akaavonokia mîoyo ya andû onthe arîa mûthiîcanîtie nao mûrî merirî.’

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”

Josh 8:1

Ngai-Mûnene nîwerire Joshua atîrî, “Oca athigari onthe unûkie ûthiî Ai. Ndûkamake kana wîtigîre. Nîngûtûma ûvoote mûthamaki wa Ai na andû ake, îtûûra na vûrûri wake ûtuîke waku.

Kûguû 1:17

Rîrîa namwonire, nînegwîthirie nthî mbere yake ta mûndû mûkuû. Nwatî mûndû ûcio nîwakûnjûrire njara yake akîmbigîrîra na akîmbîra atîrî, “Ndûgetigîre! Nie nî nie wa mbere na wa mûthiia.

1Sam 12:20

Samueli nîwerire andû acio atîrî, “Tigani kûmaka, wana ethîrwa nîmwîkîte wîvia wa mûthemba ûcio, mûtigatiganîrie Ngai-Mûnene, nwatî mûmûtungatîreni na ngoro yonthe.