Hagai 2:22 - ÎVUKU RÎA ÛVORO MWARO

²² kûgarûrania mothamaki na kûthiria mavinya mao. Nîmûgaacûkangia ikaari ciao cia mbarathi na atwarithia a cio, nao nîmakaaûragana o ene kwa ene.

Hagai 2:22 ပူးပေါင်းရင်းမြစ်များ

2Maû 15:6

Kwarî na mbûkanîrîro nyîngî. Vûrûri nîwatharîkagîra vûrûri ûrîa wîngî, narîo îtûûra rîkatharîkîra îtûûra rîrîa rîngî, nîûndû Ngai nîwamareterete mathîna ma mîthemba yonthe.

2Maû 20:22

Rîrîa maambîrîrie kwina, Ngai-Mûnene nîwatûmire athigari a mbaara a Aamoni, Moabu na a Edomu arîa maaûkîte kûtharîkîra andû a Juda mavîngîcîke na nîmaavootirwe.

2Maû 20:23

Andû a Aamoni na a Moabu nîmaatharîkîre athigari a Edomu na makîmaûraga onthe. Marîkia kûraga andû a Edomu, nîmaacokire makîambîrîria kûragana o ene.

Thaburi 46:9

Nîathiragia mbaara kûndû kuonthe gûkû nthî, nîaunangaga mota, na agacûkangia matumû, na nîavîvagia ngo na mwaki.

Thaburi 76:6

Rîrîa wamagûkirie, we Ngai wa Jakovu, mbarathi ciao na arîa mathiîcaga maitwîte nîmaagwîre na magîkua.

Ntha 14:17

Nanie nîngûmia ngoro cia andû a Misiri nîguo mamûrûmîrîrie, na nîngûgîa na gîtîîo nîûndû wa kûvoota mûthamaki wa Misiri, athigari a mbaara, ngari ciake cia mbarathi, na andû ake arîa mathiîcaga matwîte mbarathi.

Ntha 14:28

Manjî nî maacokire magîkunîkîra ngari cia mbarathi, atwari a cio, na athigari a mbaara onthe arîa marûmîrîrîtie andû a Isiraeli îriarî. Gûtirî wana ûmwe watigarire.

Ntha 15:19

Vîndî îrîa ngari cia mbarathi cia andû a Misiri, mbarathi ciacio na arîa maitwaraga ciakinyire îriarî, Ngai-Mûnene nîwatûmire manjî macokanîrîre magîkunîkîrwa nîmo. Nwatî andû a Isiraeli maavîtûkîrîre nthî nyûmû gatagatî ka îria.

Ntha 15:4

“Ke nîwaikirie athigari a mbaara a Misiri na ngari ciao cia mbarathi îriarî; anene arîa aro mûno a mbaara maaûrîîre manjîrî ma Îria Îtune.

Isaia 19:2

Ngai-Mûnene augîte atîrî, “Nie nîngaatûma andû a Misiri marûe o ene: wa mûndû nîmakaarûa na mûrwang'ina, wa mûndû marûe na ûrîa mariganîtie nake, wa îtûûra rîrûe na îtûûra rîrîa rîngî, na mûthamaki nîakaarûa na mûthamaki ûrîa wîngî.

Isaia 60:12

Nwatî ndûrîrî kana ûthamaki ûrîa ûtagaagûtungatîra, nîkwa ikaathirua viû.

Isaia 9:19

Marakara ma Ngai-Mûnene mwene vinya wonthe, nîmatûmîte vûrûri ûvîvue na mwaki, nao andû nîta ngû cia gûwakania; gûtirî mûndû ûracaîra mûndû ûrîa wîngî.

Ezek 21:27

Nîngûcûkangia îtûûra rîu viû na rîtigacoka kwonwa rîngî. Nwatî ndigwîka ûguo nginya agaûka ûrîa mwagîrîru nîrînenganîre kûrî ke.

Ezek 26:16

Athamaki onthe a mavûrûri marîa marî rûtere rwa îria nîmakaauma itîîrî ciao cia ûthamaki. Nao nîmakaaruta nguo ciao irîa ndaca wa vamwe na nguo ciao irîa ng'emie waro. Nîmakaagwatwa nî guoya na nîmagekaraga nthî makinainaga vîndî cionthe mamakîte nîûndû wa maûndû marîa mekîkîte kûrî we.

Ezek 38:21

Nîngaatûma Gogu agîe na maûndû ma kûmûmakia ma mîthemba yonthe. Andû aku nîmagaaûkanîrîra wa mûndû arûe na mûndû ûrîa wîngî. Nînie Mwathani Ngai-Mûnene mbugîte ûguo.

Ezek 39:20

Nîigeekara nthî metharî yakwa irîe na ivae nyama cia mbarathi na cia andû arîa mathiîcaga matûîte mbarathi, na cia athigari na andû njamba a mbaara. Nînie Mwathani Ngai-Mûnene mbugîte ûguo.”

Danieli 8:25

Nîakaavootanaga maûndûrî marîa ageekaga nîûndû wa wara wake. Nîakaatharîkîra andû engî wana atamamenyithîtie na aregane na mûthamaki ûrîa mûnene gûkîra onthe; nwatî nîagaacûkangua nî vinya ûtarî wa mûndû.

Amosi 2:15

Andû arîa makuuaga moota matigetirîria, nao arîa marî îvenya mûno matikevonokia, wana arîa mathiîcaga mekarîrîte mbarathi matikavonokia mîoyo yao.

Mika 5:10

Ngai-Mûnene arauga atîrî, “Vîndî îo nîngathengutia mbarathi kuuma gatagatîrî kenyu, na njûkangie ikaari cienyu cia mbaara.

Mika 5:15

Nîûndû wa marakara makwa meengî, nîngaaverithia mavûrûri marîa mataambathîkîra.”

Mika 5:8

“Andû a Isiraeli arîa magatigara marî mwoyo, marî mavûrûrirî marîa mengî, makeethagîrwa mekariî ta mûnyambû ûrî gatagatî ka nyamû cia kîthaka, kana ta kaana ka mûnyambû karî ndîthiîra ya ng'ondu. Kathiîcaga na gakaûraga na gûtamburûranga kîrîa kaûragîte, na gûtirî mûndû wa kûivonokia.

Mika 5:9

Andû a Isiraeli nîmakaavoota nthû ciao, na maithirie cionthe.”

Mika 7:16

Nacio ndûrîrî ciona maûndû mau nîigaaconoka, wana ethîrwa marî na vinya. Nîmakaanyitwa nî kîmako na makunîke tûnyua twao na makire ta andû mategucaga.

Zefania 3:8

Ngai-Mûnene nîwaugire atîrî, “Mbetererete mûthenya ûrîa ngarûngama nîrî mûira. Nînduîte ciira atî nîngûngania mavûrûri na mothamaki. Nthî yonthe nîgaacûkangua nî mwaki wa marakara ma Ngai-Mûnene.

Zakaria 10:11

Makaavîtûkîrîra îriarî rîa mathîna, na makûmbî ma manjî ma îriarî nîngaatûma mavwe, na ndûme manjî marîa ma rûnjîrî rûrîa rûrikîru rwa Nailo mavwe. Mwîtîîo wa vûrûri wa Asîria nîngaaûthiria, naguo wathani wa Misiri ndûme ûthire.

Zakaria 10:5

Andû a Juda magekara ta athigari njamba marî mbaararî, irîa irangagîrîria nthû ciao ta ndaka njîrarî. Makaarûaga nîûndû Ngai-Mûnene akethagîrwa arî vamwe nao, na nîmagaaconorithia athigari arîa mathiîcaga matwîte mbarathi.

Zakaria 12:9

Na vîndî îo nîngaacûkangia vûrûri wonthe ûrîa ûkaatharîkîra Jerusalemu.

Zakaria 14:3

Ngai-Mûnene nîagaacoka atharîkîre ndûrîrî icio arûe nacio ta ûrîa aarûîte nacio mbere.

Zakaria 4:6

Nake mûraika ûcio nîwambîrire nginyîrie Zerubabeli ndûmîrîri îno yumîte kûrî Ngai-Mûnene mwene vinya wonthe nîmwîre atîrî, “Ndûkaavootana nîûndû wa vinya kana ûvoti waku, nwatî ûkaavotithua nî Roho wakwa.”

Zakaria 9:10

Ngai mûnene nîakaathengutia ikaari cia mbaara ciume Efiraimu, na athengutie mbarathi cia mbaara ciume Jerusalemu, naguo ûta ûrîa ûvûthagîrwa vîndî ya mbaara nîûkaaunangwa. Mûthamaki nîagaatûma ndûrîrî igîe na thayû, wathani wake ûkaauma îriarî kûthiî nginya îriarî, na kuuma rûnjîrî nginya mîthiia ya nthî.

Mathaayo 24:7

Mavûrûri nîmakaarûa, namo mothamaki mathithûkanîre. Nîgûkaagîa na yûra kûndû kwîngî na kûgîe na ithingithia.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Atir 7:22

Vîndî wa îo andû a Gideoni maavuvaga tûrumbeta, Ngai-Mûnene nîwatûmire andû a Midiani matemangane na mviû ciao. Nîmaathiîre merekerete Zarethani nginya magîkinya Bethishita, na îtûûrarî rîa Abeli-mehola vakuvî na Tabathi.

1Sam 14:16

Nao arangîri a Saûlo marî Gibea kûu vûrûrirî wa Benjamini nîmoonire Afilisiti makîvinyûra mîena yonthe marî avîngîcîku.