Hagai 2:17 - ÎVUKU RÎA ÛVORO MWARO

¹⁷ Nînatûmire rûkûngi rûnene na ndavaîki na mbura ya mbembe ciûke icûkangie indo cionthe irîa mwageragia kûrîma, nwatî kûnarî ûguo mue mûtianjokerera, ûguo nîguo Ngai-Mûnene arauga.

Hagai 2:17 ပူးပေါင်းရင်းမြစ်များ

Kîam 42:23

Josefu nîwataûkîrwe nî ûrîa maaugaga, nwatî o matiamenyaga kana Josefu nîwataûkagîrwa nîûndû makîmwarîria nîkwa maataûragîrwa nî mûndû.

Kîam 42:27

Marî varîa maararire, ûmwe wao nîwatumûrire ngunia yake nîguo arûmie mvunda yake irio. Rîrîra aaroririe, nîwonire mbeca ciake irî vau mûromorî wa ngunia.

Kîam 42:6

Vîndî îo Josefu nîke warî mûnene wa maûndû monthe vûrûrirî wa Misiri na nîke wendagîria andû onthe a vûrûri ûcio irio. Kwoguo aa mûrwang'ina nîmaathiîre mbere yake na magîturumithia mothiû mao nthî.

1Atha 8:37

“Vûrûri ûyû ûngîkaagîa yûra kana mûrimû mûcûku, kana ndavaîki kana ikundi cia ngige kana mûgariû, kana andû aku matharîkîrwe nî nthû ciao, kana kûgîe na mûthiro kana mûrimû gatagatîrî kao,

2Maû 28:22

Îvinda rîu mûthamaki Ahazi aarî na mathîna mengî, nîrîo aatuîkire mûndû ûtarî mwîvokeku kûrî Ngai-Mûnene mûno makîria.

2Maû 6:28

“Vîndî îrîa gûkaagîa yûra vûrûrirî ûyû kana milideu, kana ndavaîki, kana ngige, kana igunyû, kana andû matharîkîrwe nî nthû ciao, kana kwîthîrwe na mûthiro, kana mûrimû wa wonthe,

Ayubu 36:13

“Andû arîa matarî na ûngai, mendaga kûrakara, wana rîrîa makûverithua o mativoyaga ûtethio.

Thaburi 128:2

Makaarîcaga maciaro ma wîra wa njara ciao; nîmagaakena na mathatûkwe nîguo.

Thaburi 78:46

Ngai nîwatûmire ngige irîe mîmera yonthe, na igîcûkangia mîgûnda yao.

Isaia 28:2

Taroria, Mwathani nîethuurîrîte njamba îrî vinya; ûrîa wîkariî ta mbura ya mbembe na rûkûngi rûnene, ta makûmbî manene ma manjî makiuna; nîakaamarivania nthî na vinya.

Isaia 37:27

Wa rîrîa andû akuo mathirîtwe nî vinya, nîmaamakire na magîconoka. Matuîkîte ta mîmera îrî mûgûndarî, ta nyaki ya mûgîna, ta nyaki îmerete îgûrû rîa nyomba, îrîa yûmaga yavurutwa nî rûkûngi kuuma mwena wa îrathîro.

Isaia 42:25

Kwoguo nîwametûrûrîre marakara make, na akîmarekereria matharîkîrwe na mbaara. Marakara make maamathiûrûrûkîrie mîena yonthe ta mwaki, nwatî matiataûkîrwa nî gîtûmi; marakara mau maamavîvirie nwatî matiethomithia ûndû.

Isaia 62:8

Ngai-Mûnene nîevîtîte na njara yake ya ûrîo, nîakaavingia mwîvîtwa ûcio na vinya wake akiugaga atî: “Ndikaava nthû cienyu irio cienyu rîngî, na ageni matikaanyua rîngî ndivei îrîa mûnogerete.

Isaia 9:13

Ngai-Mûnene mwene vinya wonthe averithia andû a Isiraeli, matiamûcokerera.

Jeremia 3:24

Nwatî kuuma tûrî andû ethî, ûndû ûyû wa gîconoko nîûcûkangîtie indo cionthe irîa methe metû maacaririe na nthithina: ng'ondu, ng'ombe anake ao na erîtu ao.

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Amosi 4:6

Nînie natûmire kûgîe na yûra matûûrarî menyu monthe nwatî mûtianjokerera.

Hagai 1:11

Nîndûmîte kûgîe na thano vûrûrirî, na îgacûkangia irîmarî, mîgûnda ya ngano, mîgûnda ya mîthavibu na ya mîtamaiyû, andû na nyamû na kîrîa kîonthe mûkûragia.”

Hagai 1:6

Mue mûvandîte mbeû nyîngî, nwatî mûkethete tûnini; mûrîcaga, nwatî mûtivaaga; mûnyunyaga ndivei, nwatî mûtiîganagia; nîmwîkagîra nguo, nwatî nwa mûregua mvevo; mûrutaga wîra nwatî mûcara nîtakwa wîkîrîtwe mûvukorî mûtûrîku.”

Hagai 1:9

“Mweriragîria maketha meengî, nwatî mwonire manini. Na rîrîa mwamaretire mûciî, nînamagûrûkirie. Nake Ngai-Mûnene mwene vinya wonthe araûria, ‘Nekire ûguo nîkî?’ Nîûndû hekarû yakwa nî nyomomoku, na wa mûndû arethînia na nyomba yake.

Hagai 2:16

maûndû menyu mekariî atîa? Mwathiîre gwoca kîrûndo Kîam ngano mwîrîgîrîrîte kwona ithimo mîrongo îîrî, nwatî mwonire ithimo îkûmi tu. Mwathiîre îtangirî rîa ndivei mwîvokete gwîcûria mîtûngi mîrongo îtano, nwatî mwecûririe mîtûngi mîrongo îîrî tu.

Malaki 3:11

Nîngengata cianangi itigacûkangie kîmera kîenyu. Mîthavibu ya mîgûnda yenyu ndîgatiga gûciara matunda. Ûguo nîguo nie Ngai-Mûnene, mwene vinya wonthe nîrauga.

Gûco 28:22

Ngai-Mûnene nîagaatûma mûnyitwe nî wonje, kûgîa na matoo mwîrî, kûviûva mwîrî, ûrugarî mwîngî, na gûtura mbura. Maûndû mau matikaathira kûrî mue nginya rîrîa mûgaakua.

Kûguû 2:21

Nie nînîmûvete kavinda ga kwîrira, nwatî ke ndendaga gûtiga ciîko ciake cia ûmaraa.