Hagai 1:8 - ÎVUKU RÎA ÛVORO MWARO

⁸ Rîu thiîni irîmarî mûgateme mîtî mûtume hekarû rîngî, nîguo nîmîkenerere na ngoocagwe ûrîa kwagîrîrîte.

Hagai 1:8 ပူးပေါင်းရင်းမြစ်များ

1Atha 6:1

Solomoni nîwambîrîrie gûtuma hekarû mweri wa Zivu, nîguo mweri wa kaîrî, mwakarî wa kana kuuma Solomoni atuîka mûthamaki wa Isiraeli. Vîndî îo yarî mîaka magana mana ma mîrongo înana (480) kuuma andû a Isiraeli mauma vûrûri wa Misiri.

1Atha 9:3

Ngai-Mûnene nîwerire Solomoni atîrî, “Nîmbîguîte îvoya rîaku wana îthaithana rîaku. Nînamûra nyomba îno ûndumîrîte nîguo ndûûre ngoocagîrwa kuo tene na tene. Nîndûûra nîmîgitîrîte na nîmîmenyererete vîndî cionthe.

1Maû 22:19

Rîu tungatagîrani Ngai-Mûnene na ngoro yonthe na meciria menyu monthe. Ûkîrani rîu mûtume hekarû ya Ngai-Mûnene, Ngai wenyu, nîguo îthandûkû rîa kîrîkanîro Kîam Ngai-Mûnene na indo irîa ntheru cia Ngai iretwe nyombarî îtumîtwe nîûndû wa Ngai-Mûnene.”

2Maû 7:16

nîûndû nî nthuurîte na ngamûra hekarû îno nîguo rîîtwa rîakwa rîtûûrage kuo na nîndûûra nîmîgitagîra na nîmîendete tene na tene.

Ezira 3:7

Andû nîmaacokire makîvecana mbeca cia kûrîva mavundi ma mathiga na ma mbaû. Na nîmaaveere andû a matûûra ma Turo na Sidoni irio, gîakûnyua, na maguta ma mîtî ya mîtamaiyû îrîa îciaraga matunda nîguo mamaviragîre mîtî ya mîtarakwe îriarî rîa Jopa kuuma Lebanoni. Mûthamaki Cairasi wa Perisia nîke wamaveete rûtha rwa gwîka maûndû mau.

Ezira 6:4

Nthingo cia hekarû ikethîrwa itumîtwe na mathiga na mbaû. Mathiga nîmagaatumwa maiganîrîrîtwe mîvari îthatû macoke maigîrîrwe mûvari ûmwe wa mbaû. Wîra ûcio wonthe ûkaarîvwa, na mûthithû wa vûrûri.

Ntha 29:43

Nîngaatûngana na andû akwa a Isiraeli vau, na vinya wa riiri wakwa nîûgaatûma vandû vau vatuîke vatheru.

Isaia 60:13

Nîûkaareterwe riiri wonthe wa Lebanon: mîthithinda, mîcindanûgû na mîkarakava yonthe nîîkaretwe nîguo îgemie hekarû yakwa, nanie nîngaacoka nthakarie varîa mbîkaraga.

Isaia 60:7

Ndîthia cionthe cia ng'ondu cia Kedari nîikaaûnganua vamwe iretwe kûrî we, nîûkaaruta ndûrûme cia Nebaiothi magongoona, ciathînjwa na cigîrîrwe metharî yakwa ya kîgongoona nîngaaciamûkîra, na nîngaathakaria hekarû yakwa gûkîra mbere.

Isaia 66:11

Nîûndû nîmûkoonga na mwîganie, mûkaarîa ûtonga warîo na mwîganie; mûkaanyua mûkenete na mûvae, kuumana na wîngî wa ikeno ciake.

Hagai 1:7

Ngai-Mûnene mwene vinya wonthe arauga atîrî, “Îîcirieni kana nîmûraruta wîra waro.

Hagai 2:7

Nîngainainia mavûrûri monthe, na nîguo mîthithû yonthe ya mavûrûri îkaaretwe gûkû, na nîngecûria hekarû îno ûthaka wayo, nînie Ngai-Mûnene mwene vinya wonthe nauga ûguo.

Hagai 2:9

Hekarû îrîa njerû îkethîrwa îrî nthaka gûkîra ya mbere, na kûu nîkuo ngarathimîra andû akwa.” Ûguo nîguo Ngai-Mûnene mwene vinya wonthe arauga.