Hagai 1:6 - ÎVUKU RÎA ÛVORO MWARO

⁶ Mue mûvandîte mbeû nyîngî, nwatî mûkethete tûnini; mûrîcaga, nwatî mûtivaaga; mûnyunyaga ndivei, nwatî mûtiîganagia; nîmwîkagîra nguo, nwatî nwa mûregua mvevo; mûrutaga wîra nwatî mûcara nîtakwa wîkîrîtwe mûvukorî mûtûrîku.”

Hagai 1:6 ပူးပေါင်းရင်းမြစ်များ

2Sam 21:1

Vîndî îrîa Daudi aathanaga, nîkwagîre na yûra înene îvinda rîa mîaka îthatû. Kwoguo Daudi nîwavoire Ngai-Mûnene, nake Ngai-Mûnene akîmwîra atîrî, “Saûlo na andû a mûciî wake nîo matûmîte kûgîe na yûra nîûndû wa aûragani; nîmaûragithîtie andû a Gibeoni.”

1Atha 17:12

Nake nîwacokirie atîrî, “Nie nevîta na Ngai-Mûnene, Ngai waku ûrîa ûtûûraga mwoyo, atî ndirî na mûgate. Nwa kamûtu kanini tu nîrî nako karî mbakûrirî na tûguta tûnini tûrî mûcuvarî, na rîu nîkwa nîrocania ngû nîguo nthiî ngaruge kamûtu kau tûrîe tûrî na mûvîcîwa tûcoke tûkue nîûndû tûtirî na irio ciîngî.”

Nehemia 5:2

Amwe nîmaaugaga atîrî, “Tue vamwe na anake etû na erîtu etû tûrî eengî. Kwoguo nîtûvewe irio nîguo tûtigakue.”

Ayubu 20:22

Rîrîa akethîrwa arî na indo nyîngî mûno, nîakaagîa na thîna mûnene. Akagwîrwa nî ûrito wonthe wa mîtangîko.

Ayubu 20:28

Indo ciake cionthe nîigaatavwa, Ithirue cionthe vîndî ya marakara manene ma Ngai.

Thaburi 107:34

Nîatûmaga mûthetu ûrîa mûnoru ûtuîke werû wa cumbî, nîûndû wa waganu wa andû arîa matûûraga kuo.

Nthi 11:24

Andû amwe mavecanaga na ûtaana na makathiî na mbere gûtonga; nao arîa engî mativecanaga, nwatî nwakwa mathiîcaga na mbere kûthîna.

Isaia 5:10

Mûgûnda wa mîthavibu wa eka îkûmi ûkaaumaga lita inyanya cia ndivei. Mûndû ûrîa ûkaavanda kilo îgana rîmwe cia mbegû agaaketha kilo îkûmi tu cia ngano.”

Jeremia 12:13

Andû akwa maavandire ngano, maakethire mîgua, marutaga wîra na vinya, nwatî mationaga umithio. Nîmagaconoka moona kîrîa maketha, nîûndû wa marakara manene ma Ngai-Mûnene.”

Jeremia 14:4

Arîmi marî na kîeva na magakunîka ciongo ciao, nîûndû wa kwona ûrîa nthî yûmagarîte.

Jeremia 44:18

Nwatî kuuma twatiga kûvîvîria mûthamaki wa mûndûmûka wa îgûrû na gwîtûrûra ndivei nthî îrî îgongoona kûrî ke, twîthîrîtwe tûtarî na kîndû, na tûkathirua nî mbaara na yûra.”

Hosea 4:10

Nîmakaarîa nwatî matikavaa; nîmakaatharia nwatî matikagîa ciana, nîûndû nîmandiganîrîtie nie Ngai-Mûnene, na makarûmîrîra ngai ng'eni.”

Hosea 8:7

Mavandaga rûvuvo, na magaaketha rûkûngi rûnene! Mîmera yao ya ngano ndîgaciara wanarî kîndû, na îngîgaciara, maciaro mayo makarîwa nî ageni.

Alawi 26:20

Wana mwaruta wîra na kîîo kînene atîa, wîra wenyu ndûkaamûtethia, nîûndû gûtirî irio igaakûra vûrûrirî wenyu na mîtî ya kuo ndîgaaciara maciaro.

Alawi 26:26

Nîngaatûma mûgîe na yûra rînene, na aka îkûmi makaarugagîra rikorî rîmwe. Nîmakagaanaga wa mûndû kîthimo gîake, na wana maarîa matikavaa.

Hagai 1:10

Kîu nîkîo gûtarî mbura kuuma îgûrû na gûtirî kîndû kîngîkûra nthî.

Hagai 1:5

Rîu Ngai-Mûnene mwene vinya wonthe arauga atîrî, “Îîcirieni kana mwîthîrîtwe mûgîka waro.

Hagai 1:7

Ngai-Mûnene mwene vinya wonthe arauga atîrî, “Îîcirieni kana nîmûraruta wîra waro.

Hagai 1:9

“Mweriragîria maketha meengî, nwatî mwonire manini. Na rîrîa mwamaretire mûciî, nînamagûrûkirie. Nake Ngai-Mûnene mwene vinya wonthe araûria, ‘Nekire ûguo nîkî?’ Nîûndû hekarû yakwa nî nyomomoku, na wa mûndû arethînia na nyomba yake.

Hagai 2:16

maûndû menyu mekariî atîa? Mwathiîre gwoca kîrûndo Kîam ngano mwîrîgîrîrîte kwona ithimo mîrongo îîrî, nwatî mwonire ithimo îkûmi tu. Mwathiîre îtangirî rîa ndivei mwîvokete gwîcûria mîtûngi mîrongo îtano, nwatî mwecûririe mîtûngi mîrongo îîrî tu.

Hagai 2:17

Nînatûmire rûkûngi rûnene na ndavaîki na mbura ya mbembe ciûke icûkangie indo cionthe irîa mwageragia kûrîma, nwatî kûnarî ûguo mue mûtianjokerera, ûguo nîguo Ngai-Mûnene arauga.

Zakaria 5:4

Ngai-Mûnene mwene vinya wonthe augîte ke mwene nîke ûgaatûma kîrumi kîu kîthiî na gîtonye nyomba ya mûndû wa wonthe mwîi na gîtonye nyomba ya mûndû wa wonthe wîvîtaga na njîra ya maveeni akîgwetaga rîîtwa rîa Ngai-Mûnene. Nîgîgekara nyombarî yake na kîmîcûkangie, kîthirie mbaû wana mathiga.”

Zakaria 8:10

Nîûndû mbere ya kavinda kau gûtirî mûndû ûngîavotire kwandîka mûndû wîra kana gûkombora nyamû cia kûruta wîra. Gûtirî mûndû wethagîrwa arî mûgitîre kuuma kûrî nthû yake akiumagara kana agîcoka. Nînatûmîte andû maûkanîrîre wa mûndû na mûndû ûrîa wîngî.

Malaki 2:2

ethîrwa tîmûnthikîrîria na mwonanie na ciîko cienyu atî nîmûmveete gîtîîo, nîngûmûretera kîrumi, na ndûme irathimo cienyu cionthe ituîke kîrumi. Nama nînîirumîte nîûndû ûvoro wa kûndîîa ndûrî ngororî cienyu.

Gûco 28:17

Ngai-Mûnene nîagaatûma mîrûrû yenyu înyitwe nî kîrumi wana indo irîa mûtûmagîra kûruga irio.