Hagai 1:14 - ÎVUKU RÎA ÛVORO MWARO

¹⁴ Kwoguo Ngai-Mûnene nîwekîrire ngoro ya Zerubabeli mûnene wa Juda vinya, Joshua mûthînjîri-Ngai mûnene na andû arîa onthe maacokete kuuma îthamîriorî. Nîmaambîrîrie gûtuma rîngî hekarû ya Ngai-Mûnene mwene vinya wonthe, Ngai wao,

Hagai 1:14 ပူးပေါင်းရင်းမြစ်များ

1Maû 5:26

Kwoguo Ngai wa Isiraeli nîwatûmire Puli mûthamaki wa Asîria (na nîke wecîkene na rîîtwa rîngî Tigilathi Pileseri) atharîkîre vûrûri wao. Mûvîrîga wa Reubeni, Gadi na Manase ya mwena wa îrathîro nîmaatavirwe na makîvirwa îthamîriorî. Mûthamaki wa Asîria nîwamavirire Hala, Haboru, Hara na rûnjîrî rwa Gozani kûrîa matûûraga nginya ûmûnthî.

2Maû 36:22

Mwakarî wa mbere Cairasi atuîka mûthamaki wa Perisia, nîguo ciugo irîa Ngai-Mûnene aaririe kûvîtûkîra kûrî Mûrathi Jeremia ivinge, Ngai-Mûnene nîwamwathire anîrîre vûrûrirî wake wonthe na andîke atîrî,

Ezira 1:1

Mwakarî wa mbere Cairasi atuîka mûthamaki wa Perisia, Ngai-Mûnene nîwatûmire maûndû mavingue marîa aarîtie kûvîtûkîra mûrathi Jeremia. Ngai-Mûnene nîwatûmire Mûthamaki Cairasi aruta watho na ûkîandîkwa. Mûthamaki nîwaugire watho ûcio ûvirwe vûrûrirî wake wonthe ûrî mwandîke nîguo ûthomerwe andû.

Ezira 1:5

Nao atongoria a mbarî cia mîvîrîga ya Juda na Benjamini, athînjîri-Ngai na Alawi na andû onthe arîa Ngai aaveere wendi wa kûmûtumîra hekarû nîmeevarîrie kûthiî Jerusalemu kûmûtumîra hekarû rîngî.

Ezira 5:2

Rîrîa Zerubabeli mûvîcî wa Shealitieli na Joshua mûvîcî wa Jehozadaki meeguire ndûmîrîri yao, nîmaambîrîrie rîngî gûtuma hekarû kûu Jerusalemu. Nao arathi acio aîrî nîmaamatethagia.

Ezira 5:8

“Mûthamaki wetû nîtûgûkûmenyithia atî nîtwathiîre vûrûrirî wa Juda na tûkîthiî hekarûrî ya Ngai ûrîa mûnene. Nîtwethîrîrie îgîtumagwa na mathiga manene mûno na mbaû nene cigîrîrîtwe nthingorî. Wîra ûyû nîûrarutwa ûmenyereretwe na kinyi na nîûrathiî na mbere waro.

Nehemia 4:6

Kwoguo nîtwatumire rûthingo rîngî na rûgîkinya nuthu ya ûraca waruo kûthiî na îgûrû nîûndû andû maarî na wendo wa kûruta wîra.

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Hagai 1:1

Mûthenya wa mbere wa mweri wa gatandatû mwaka wa kaîrî wa ûtongoria wa Dario mûthamaki wa Perisia, Ngai-Mûnene nîwavere mûrathi Hagai ndûmîrîri avirîre Zerubabeli mwana wa Shealitieli, mûnene wa Juda, na Joshua mûthînjîri-Ngai mûnene mwana wa Jehozadaki.

Hagai 1:12

Zerubabeli mûvîcî wa Shealitieli, na Joshua mûvîcî wa Jehozadaki, mûthînjîri-Ngai mûnene, na andû acio engî onthe nîmeetîkîre mûgambo wa Ngai-Mûnene Ngai wao, na ciugo cia mûrathi Hagai, wata ûrîa Ngai-Mûnene Ngai wao aamûtûmîte, nao andû nîmeetigîre Ngai-Mûnene.

Hagai 1:15

mûthenya wa mîrongo îîrî na îna wa mweri wa gatandatû, mwaka wa kaîrî Dario arî mûthamaki.

Hagai 2:2

Nîwerire Hagai arie na mûnene wa Juda na nîke Zerubabeli mûvîcî wa Shealitieli, Joshua mûvîcî wa Jehuzadaki mûthînjîri-Ngai mûnene na andû onthe arîa maacokire kuuma îthamîriorî ameere atîrî,

Hagai 2:21

“Aria na Zerubabeli, mûnene wa Juda ûmwîre nîrî vakuvî kwinainia îgûrû na nthî,

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

2Akor 8:16

Nîtûgûcokia ngatho kûrî Ngai ûrîa ûtûmîte Tito agîe na wendi wa kûmûtethia ta ûrîa tûrî naguo.

Ahib 13:21

Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!