Gûco 9:7 - ÎVUKU RÎA ÛVORO MWARO

⁷ “Mûtikariganîrwe nî ûrîa mwatûmire Ngai-Mûnene Ngai wenyu arakare mûrî werûrî. Kuuma mûthenya ûrîa mwaumire Misiri nginya mûthenya ûrîa mwakinyire gûkû, mwîthîrîtwe mûkîregana na Ngai-Mûnene.

Gûco 9:7 ပူးပေါင်းရင်းမြစ်များ

Ntha 14:10

Vîndî îrîa andû a Isiraeli moonire mûthamaki wa Misiri na mbûtû yake ya mbaara mathiîte kûrî o, nîmetigîre na makîrîrîra Ngai-Mûnene amatethie.

Ntha 14:11

Nao nîmeerire Musa atîrî, “Nîkwa gûtaarî mbîrîra kûu Misiri nîguo ûtûrute kuo tûke tûkuîre gûkû werûrî? Taroria ûrîa wîkîte nîûndû wa gûtûruta Misiri!

Ntha 16:2

Na andû onthe a Isiraeli marî kûu werûrî nîmaatetirie Musa na Aroni

Ntha 17:2

Andû nîmaambîrîrie gûtetia Musa makîmwîraga atîrî, “Tûve manjî ma kûnyua.” Nake Musa nîwamacokerie atîrî, “Mûrateta nîkî? Nîndûî kîratûma mûgerie Ngai-Mûnene?”

Ntha 23:21

Mûthikagîrîrieni na mûmwathîkagîre na mûtikamûkararie. Mwaregana nake ndakaamûrekera nîûndû nînie nîmûtûmîte.

Isaia 48:8

Ndwanamegua, na ndwanamenya ûvoro wamo, ndwanegua maûndû mau na matû maku kuuma tene. Nîûndû nînaicî atî we warî mwaganu mûno, na atî kuuma gûciarwa gwaku we wetagwa mûregi.

Jeremia 11:10

Nîmacokererete mevia marîa meekagwa nî methe mao, arîa maregire kûmbathîkîra; na nîmagoocete ngai ciîngî. Andû a Isiraeli na Juda nîmaunîte kîrîkanîro kîrîa narûthire na methe mao.

Jeremia 32:30

Gûtirî ûndû andû a Juda na a Isiraeli maneka kuuma marî ethî, tiga wa maûndû macûku. Ciana cia Isiraeli nîindakarîtie na maûndû marîa mekaga. Ûguo nîguo Ngai-Mûnene arauga.

Jeremia 44:9

Nîkwa mûriganîrîtwe nî waganu wa methe menyu, waganu wa athamaki a Juda, wa aka ao, waganu wenyu na wa aka enyu ûrîa mwekire matûûrarî ma Juda na njîrarî cia Jerusalemu?

Ezek 20:13

Nwatî andû a Isiraeli nîmaareganire nanie marî werûrî. Matiarûmîrîra irîra ciakwa nwatî nîmaaregire mawatho makwa, marîa mûndû angîmarûmîrîra mangîtûma atûûre mwoyo, na makîrega kûva thavatû ciakwa gîtîîo. Nînacokire ngîciria nîmetûrûrîre marakara nîmathirie viû marî werûrî.

Ezek 20:43

Mûrî kûu nîmûkaaririkana mîthiîre îrîa mwarî nayo na maûndû monthe macûku marîa mwekire na mamûgwatirie mûgiro. Nîmûkethûûra nîûndû wa maûndû mau monthe macûku mwekire.

Ezek 20:8

Nwatî nîmaareganire nanie na makîrega kûnthikîrîria. Gûtirî wanarî ûmwe wao watecanîrie maûndû marîa marî mûgiro meeriragîria, kana matiganîria mîvuanano ya kûgooca ya Misiri. Ngîcoka ngiuga nîngûmetûrûrîra mang'ûrîka makwa nthirie marakara makwa kûrî o marî vûrûrirî wa Misiri.

Ezek 36:31

Nîûgaacoka kûririkana mîthiîre yaku mîcûku na mîtugo yaku îrîa îtaarî mîaro, na nîûkaaîmena nîûndû wa mevia maku na maûndû macûku marîa wekire.

Ndari 11:4

Kwarî na andû ageni mathiîcanîtie na andû a Isiraeli. Andû acio maarî na ngumba ya nyama mûno. Kwoguo nîmaatûmire andû a Isiraeli mambîrîria kûrîra makiugaga atîrî, “Narî kethîrwa tûrî na nyama cia kûrîa!

Ndari 14:22

gûtirî wanarî ûmwe wa andû aya ûgaatonya vûrûri ûcio wa kîîranîro. O nîmonete riiri wakwa na ciama irîa naaringire marî Misiri na marî gûkû werûrî, nwatî nîmaregete kûmbathîkîra na makangeria maita îkûmi.

Ndari 17:10

Nake Ngai-Mûnene nîwerire Musa atîrî, “Cokia mûragi wa Aroni na ûwige vau mbere ya îthandûkû rîa kîrîkanîro. Naguo ûkethagîrwa ûrî wa gûkaania andû a Isiraeli arîa magûkararagia atî marega gûtiga gûteta nîmagaakua.”

Ndari 21:5

Nîmaambîrîrie gûtetia Ngai na Musa makiugaga atîrî, “Mwatûrutire Misiri tûke tûkûre werûrî nîkî? Gûkû gûtirî irio kana manjî, wana tûrî atimbe nî irio ino.”

Ndari 25:2

Aka acio nîmeetire Aisiraeli mamburarî mao ma kûrutîra ngai ciao magongoona. Andû a Isiraeli nîmaarîre irio na makîgooca ngai cia a Moabu.

1Akor 15:9

Nie nînie mûnini viû gatagatîrî ka atûmwa arîa engî onthe. Nie wana ndirî mwagîrîru wa gwîtwa mûtûmwa nîûndû nînaanyaririre kanitha wa Ngai.

Aefeso 2:11

Mue mûtiaciarwa mûrî Ayahudi. Mue nîmue andû arîa Ayahudi metaga “andû matarî aruu.” (Kûrua kwao nî kwa mîîrî). Taririkanani ûrîa mwatûûraga vîndî ya tene.

Gûco 31:27

Nîmbicî ûrîa mûmîtie ciongo na mûrî aremi. Ûtûrorî wakwa wonthe namue, mwîthîrîtwe mûkîregana na Ngai-Mûnene na nîmbicî wana nakua, nwa mûkûthiî na mbere na kûmia ciongo makîria.

Gûco 8:2

Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

Gûco 9:24

Mûtûûrîte mûreganîte na Ngai-Mûnene kuuma rîrîa naamûmenyire.

Gûco 9:4

“Ngai-Mûnene arîkia kûmwîngatîra o, mûtikeîre na ngoro atî, Ngai-Mûnene aamûtethirie kwîgwatîra vûrûri ûyû nîûndû wa ûthingu wenyu. Nwatî Ngai-Mûnene nîamwîngatîra andû aya nîûndû wa waganu wao.