Gûco 9:18 - ÎVUKU RÎA ÛVORO MWARO

¹⁸ Nînaacokire ngîmama ndurumithîtie ûthiû nthî mbere ya Ngai-Mûnene îvinda rîa mîthenya mîrongo îna, ûtukû na mûthenya, ndakûrîa kana nyua kîndû. Nekire ûguo nîûndû nîmwekîte mevia mbere ya Ngai-Mûnene na mûgîtûma arakare.

Gûco 9:18 ပူးပေါင်းရင်းမြစ်များ

2Sam 12:16

Daudi nîwavoere kaana kau nîguo kavone. Nîwenyerekirie na ûtukû nîwatonyaga nyomba gwake na akarara amamîte nthî.

1Atha 19:8

Kwoguo Elija nîwaûkîrire, akîrîa na akînyua na irio icio nîciamwîkîrire vinya na akîthiî rûgendo rwa mîthenya mîrongo îna, ûtukû na mûthenya akîthiî Horebu, kîrîmarî Kîam Ngai.

Ezira 10:6

Nîwaumire vau mbere ya hekarû ya Ngai na akîthiî kûrî Jehohanani mûvîcî wa Eliashibu kanyombarî karîa aamamîte. Ndaarîcaga kîndû kana anyua manjî nîûndû nîwacakayaga nîûndû wa andû arîa maathamîtue kûrega kwîvokeka.

Thaburi 106:23

Ngai nîangîathiririe andû ake, tiga nî Musa, ndungata îrîa aathuurîte waririe nake, na akîrigîrîria ndakamathirie nîûndû wa marakara make.

Ntha 34:28

Musa nîwekarire vau varî Ngai-Mûnene mîthenya mîrongo îna ûtukû na mûthenya, na ndaanyua kana arîa kîndû kavinda kau konthe. Nake nîwandîkire ciugo cia kîrîkanîro na nîcio Maathani îkûmi ivengererî cia mathiga.

Ntha 34:9

Nîwaugire atîrî, “We Mwathani wakwa, ethîrwa ûrî mûkenie nî nie, nînakûthaitha wîtîkîre tûthiîcanie nawe. Andû aya nî aremi, nwatî tûkirîrîrie mavîtia metû, ûtwovere mevia metû na ûtwîtîkîre tûrî andû aku.”

Gûco 10:10

“Nînekarire kîrîmarî îvinda rîa mîthenya mîrongo îna, ûtukû na mûthenya wata ûrîa nekîte mbere. Ngai-Mûnene nîwanthikîrîrie rîngî na akîrega kûmûthiria.

Gûco 9:17

Kwoguo nînocire ivengere icio igîrî cia îthiga na ngîiringithia nthî ikiunîkanga wa mûkîonaga.

Gûco 9:25

“Kwoguo nînaamamire ndurumithîtie ûthiû nthî mbere ya Ngai-Mûnene îvinda rîa mîthenya mîrongo îna ûtukû na mûthenya, nîûndû nînaamenyete atî Ngai-Mûnene nîwavangîte kûmûthiria.

Gûco 9:9

Rîrîa naaunûkirie kîrîmarî nîguo ngamûkîre ivengere cia îthiga irîa ciandîkîtwe kîrîkanîro kîrîa Ngai-Mûnene aarûthire namue, nînekarire kîrîmarî kîu mîthenya mîrongo îna, ûtukû na mûthenya ndakûrîa kana kûnyua kîndû.