Gûco 8:8 - ÎVUKU RÎA ÛVORO MWARO

⁸ vûrûri ûrî ngano, cairi, thavibu, mîkûyû ngûngûmanga, mîtamaiyû, na ûûkî.

Gûco 8:8 ပူးပေါင်းရင်းမြစ်များ

Kîam 49:11

Nîathaîkaga njaû ya mvunda yake mûthaviburî, amîthaîkagîrîra mûthaviburî ûrîa mwaro mûno. Athambagia nguo ciake na ndivei îrîa ndune ta nthakame.

2Sam 4:6

Nake mûndûmûka ûrîa wekaragia mûrango nîwanyitirwe nî toro wa akîgûrûkagia ngano na akîmama. Kwoguo Rekabu na Baana nîmaacemire na magîtonya ndaarî.

1Atha 5:11

nake Solomoni nîwavere Hiramu kilo ngiri mîrongo îîrî (20,000) cia ngano, na lita ngiri magana mana (400,000) cia maguta ma mîtamaiyû îrîa cia kûrîwa nî andû a nyomba yake. Solomoni eekaga ûguo wa mwaka wa mwaka.

2Atha 18:32

nginya rîrîa ngaaûka nîmûvire vûrûrirî wîkariî ta vûrûri wenyu, vûrûri ûrî ngano na ndivei, vûrûri ûrî mîgate na mîgûnda ya mîthavibu, vûrûri ûrî mîtî ya mîtamaiyû na ûûkî, nîguo mûtûûre na mûtigakue. Mûtikathikîrîrie Hezekia akîmûvîtithia rîrîa akûmwîra atî, Ngai-Mûnene nîagaatûvonokia.

Thaburi 147:14

Nîagitagîra mîvaka yenyu, nîakûvecaga ngano îrîa mbaro.

Thaburi 81:16

Nwatî mue nîngîamûvere irio mbaro cia ngano, na nîngîamûvaithirie na ûûkî kuuma kîthakarî.”

Isaia 7:23

“Vîndî îo, mîgûnda yonthe ya mîthavibu, îrîa wa mûgûnda warî na mîthavibu ngiri îmwe ya mwîgana wa sîlûva ngiri îmwe (1,000) kûringana na kîthimi Kîam hekarû, gûgaakûra nthaugû na mîgua.

Jeremia 2:7

Nînamûretire vûrûrirî mûnoru, mûkenerere matunda ma guo, na maûndû mengî maro ma guo. Nwatî mwakinya kuo, nîmwaûgwatirie gîko, na mûkîgwatia vûrûri ûrîa namûveere mûgiro.

Jeremia 5:17

Nao nîmakaarîa maketha na irio cienyu, nîmakaaûraga anake na erîtu enyu, nîmakaaûraga mbûri na ng'ombe cienyu; nîmagaacûkangia mîthavibu na mîkûyû yenyu. Matûûra menyu marîa mairigîre na mwîvokete, nîmakaamacûkangia na rûviû.

Ezek 27:17

Andû a Juda na andû a Isiraeli nîmaarutithanirie wîra wa kûgûra na kwendia indo nawe. Maakûretere ngano, ndamaiyû, ûûkî, maguta na mînyamû mînungi waro nîguo ûmakûrananîrie na indo ciaku.

Hosea 2:22

Nayo nthî nîkaagîa na ngano, ndivei, na maguta ma mûtî wa mûtamaiyû. Nacio nîikaavingîria Jezireeli maavata make.

Hosea 2:8

Ke ndamenya atî nînie namûveere irio ndivei na maguta, na ngîmûva sîlûva na thaavu na wîngî, irîa ategeere Baali.

Mika 4:4

Andû onthe magaatûûra na thayû, wa mûndû agekaraga rungu rwa mîthavibu kana mîkûyû yake, na gûtirî mûndû ûgaatûma magîe na guoya, nîûndû Ngai-Mûnene Mwene Vinya Wonthe nîke ugîte ûguo.

Habakuku 3:17

Wana ethîrwa mîkûyû tî îraa, kana mîthavibu îciara matunda, na mîtamaiyû îrege gûciara, na mîgûnda îture maketha, ndîthia cia ng'ondu na ng'ombe ciume kûrî irîa ciîngî, na ndîthia cia ng'ombe iture njagarî,

Ndari 13:23

Rîrîa maakinyire Kîamndarî Kîam Eshikoli nîmaatuire rûvûa rwa mûthavibu rûrî na kîmanja Kîam thavibu na makîrûkuuanîra na mîtî marî andû aîrî. Wana nîmaatuire ngûngûmanga na ngûû makîthiî nacio.

Johana 6:13

Kwoguo nîmaaûnganirie cienywa irîa ciatigarîte cia mîgate ya mûtu wa cairi na igîcûra ciondo îkûmi na igîrî.

Johana 6:9

“Ava varî na kamwana karî na mîgate îtano ya mûtu wa cairi na nthamaki igîrî, nwatî ino itingîgana andû aya onthe.”

Gûco 32:13

“Nîwametîkîrie mathiîre kûndû kûrîa gûtûgîru, makîrîcaga irio irîa ciarî mîgûndarî. Nîwamavere ûûkî kuuma mathigarî makîrîa, na maguta ma ndamaiyû kuuma rûciararî.

Gûco 32:14

Ngai-Mûnene nîwamavere maguta na îriia kuuma ndîthiarî, maarî na mathunya ma ng'ondu na ndûrûme, na ng'ombe cia Bashani na mbûri. Nîwamavere ngano irîa mbaro mûno, na ndivei îrîa mbaro mûno.

Gûco 6:3

Kwoguo mue andû a Isiraeli, thikîrîriani maathani mau na mûmathîkîre na kinyi! Mweka ûguo maûndû menyu nîmakûvua na mwongerereke mwîngîve mûno na mûtûûre vûrûrirî ûcio mûnoru, ûrî îriia na ûûkî wata ûrîa Ngai-Mûnene, Ngai wa methe menyu aamwîrîîre.

Gûco 8:7

Ngai-Mûnene, Ngai wenyu nîakûmûvira vûrûrirî mwaro na mûnoru, ûrî na nyûnjî na kûndû kûtherûkaga manjî, na nyûnjî ithiîcaga na rungu rwa nthî ikaumîrîra ciandarî na irîmarî;

Gûco 8:9

Mûtigaatura gîa kûrîa kana kîndû wa kîonthe kîrîa mûngîenda mûrî vûrûrirî ûcio. Mûkenjaga cuuma mathigarî ma vûrûri ûcio, na mwînjage gîcango irîmarî.