Gûco 8:2 - ÎVUKU RÎA ÛVORO MWARO

² Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

Gûco 8:2 ပူးပေါင်းရင်းမြစ်များ

Kîam 22:1

Vuva wa maûndû mau Ngai nîwageririe Iburahimu. Nîwamwîrire atîrî, “Iburahimu!” Nake Iburahimu nîwacokirie atîrî, “Îî nîrî ava!”

2Maû 32:31

Rîrîa anjaama a mûnene wa Babuloni maathiîre kûria ûvoro wîgiî maûndû ma magegania marîa moonekete vûrûrirî, Ngai nîwarekire Hezekia eke ûrîa akwenda nîguo amûgerie amenye ûrîa warî ngororî yake.

2Maû 33:12

Vîndî îrîa aarî mathînarî, nîwavoire Ngai-Mûnene, Ngai wake na akîînyivia mûno mbere ya Ngai wa methe make nîguo amûtethie.

2Maû 33:19

Mavoya ma mûthamaki Manase na ûrîa Ngai aamûcokerie, mevia make monthe na kûrega gûtuîka mwîvokeku, kûndû kûrîa aatumire gwa kûgoocerwa mîvuanano na Ashera, ngai ya mûndûmûka na mîvuanano, monthe nîmandîke rûganorî rwa Maûndû ma tene ma Arathi.

Nehemia 9:19

Nwatî ndwamatiganîria kûu werûrî, nîûndû ntha ciaku nî nyîngî. Îtu rîrîa rîamatongoragia mûthenya rîtîamathengutîra, na ndwamathengutîria mwaki kuuma îtuurî ûrîa wamamûrîkagîra njîra ûtukû.

Ayubu 33:17

Amekaga ûguo nîguo matige kwîvia, na agatûma matigane na mwîtîîo.

Thaburi 103:2

We Ngoro yakwa, kumia Ngai-Mûnene, ndûkariganîrwe nî maûndû maro marîa ekîte.

Thaburi 106:7

Rîrîa methe metû maarî Misiri, matiataûkîrwa nî ciîko cia magegania irîa Ngai eekire, matiaririkana ûrîa aamoonirie wendo ûtathiraga maita meengî, nwatî nîmaareganire na ûrîa ûrî Îgûrû Mûno marî îriarî îtune.

Thaburi 136:16

Nîke watongoririe andû ake makîvîtûkîrîra werûrî; nîûndû wendo wake ûtathiraga ûtûûraga tene na tene.

Thaburi 77:11

Nîngaaririkana ciîko ciaku, we Ngai-Mûnene; nîngeciria maûndû maku ma magegania marîa wekire tene.

Thaburi 81:7

Vîndî îrîa mwarî mathînarî nîmwangaîre na ngîmûvonokia. Naamûcokerie nîîthithîte mûgamborî wa ngwa. Naamûgererie manjîrî ma Meriba.

Ntha 15:25

Nake Musa nîwavoire Ngai-Mûnene, na Ngai-Mûnene akîonia Musa mûtî akîmwîra awikie manjîrî. Namo manjî nîmaatuîkire maro ma kûnyua. Vau Mara nîvo Ngai-Mûnene aamaveerere mawatho ma kûrûmagîrîra na nwavo aamagererie.

Ntha 16:35

Nao andû a Isiraeli nîmaarîre maana îvinda rîa mîaka mîrongo îna nginya rîrîa maakinyire vûrûri wa Kanaani kûrîa maatûûrire.

Ntha 16:4

Ngai-Mûnene nîwacokire akîra Musa atîrî, “Nie nîngûmûnyûrûrûkîria mîgate kuuma îgûrû yure ta mbura. Na wa mûthenya mûndû akathiîcaga akaûngania irîa ikûmwîgana mûthenya ûcio. Ûguo nîguo ûgaatûma menya kana makaambathîkagîra.

Ntha 20:20

Nake Musa nîwerire andû a Isiraeli atîrî, “Tigani kwîgua guoya, nîûndû Ngai aûkîte kûmûgeria na atûme mûmwathîkagîre nîguo mûtikevie.”

Nthi 17:3

Thaavu na sîlûva itheragua na mwaki, nake Ngai-Mûnene nîke ûthimaga ngoro cia andû.

Isaia 2:17

Mwîtîîo wonthe wa andû nîûkaanyivua, na mwîcaaro wa andû nîûkaathirua, na Ngai-Mûnene wenga tu nîke ûgaakumua mûthenya ûcio.

Jeremia 2:6

Matieyûria atîrî, ‘Arîkû Ngai-Mûnene, ûrîa watûrutire vûrûri wa Misiri, na agîtûtongoria werûrî, vûrûri warî mûmagaru na warî na marima, kûndû gûtaarî manjî na kwarî nduma nene, vûrûri ûtavîtûkagîrîrwa nî mûndû, kana ûgatûûrwa nî andû?’

Ezek 20:19

Nie Ngai-Mûnene nî Ngai wenyu, rûmagîrîrani mawatho makwa na mwathîkagîre irîra ciakwa,

Amosi 2:10

Nînacokire ngîmûruta vûrûri wa Misiri, ngîmûtongoria werûrî mîaka mîrongo îna, nîguo mûkegwatîre vûrûri wa Amori.

Ndari 14:33

Ciana cienyu igaatûûra ciûrûraga werûrî îvinda rîa mîaka mîrongo îna (40). Igaatûûra inyamaraga îvinda rîu rîonthe nîûndû wa ûremi wenyu, nginya rîrîa muonthe mûgaakuîra werûrî.

Luka 18:14

Nie nîramwîra na ma atî, mwîtia ûcio wa mbeca cia gooti eenûkire gwake mûciî arî mwagîrîru methorî ma Ngai gûkîra Mûfarisai. Nîûndû mûndû wa wonthe wînenevagia nîakaanyivua nake ûrîa wonthe wînyivagia nîakaanenevua.”

Johana 2:25

Ndaavatara mûndû wana ûmwe wa kûmûmenyithia ûvoro wîgiî andû acio, nîûndû ke mwene nîwaicî kîrîa Kîamrî ngororî ciao.

Gûco 1:3

Mûthenya wa mbere mweri wa îkûmi na ûmwe mwaka wa mîrongo îna kuuma andû a Isiraeli mauma Misiri, Musa nîwerire andû a Isiraeli maûndû monthe marîa Ngai-Mûnene aamwathîte ameere.

Gûco 1:33

ûrîa wathiîcaga amûtongoretie njîrarî akîmwonagia varîa mûkwamba magema menyu. Ngai-Mûnene nîwamûtongoragîria na kîmûrî Kîam mwaki ûtukû nîguo mwone gwa kûthiîra na akamûtongoreria na îtu mûthenya.

Gûco 13:3

mûtikathikîrîrie mûrathi ûcio kana mûroti ûcio, nîûndû Ngai-Mûnene Ngai wenyu nîke ûramûgeria nîguo amenye kana nîmûmwendete na ngoro yonthe na mwoyo wonthe.

Gûco 2:7

“Ngai-Mûnene, Ngai wenyu ethîrîtwe akîmûrathima maûndûrî monthe marîa mwethîrîtwe mûgîka, na akîmûmenyagîrîra rîrîa mwaûrûraga werûrî ûyû mûnene ûguo. Ethîrîtwe arî vamwe namue îvinda rîa mîaka mîrongo îna (40) na mwarî na indo cionthe irîa mwavataraga.

Gûco 29:5

Nie namûtongoririe werûrî îvinda rîa mîaka mîrongo îna, na mûtianathirîrwa nî nguo kana iratû.

Gûco 32:7

“Taririkanani ûvoro wa mavinda ma tene; ta îcirieni ûvoro wa mîaka mîîngî mîvîtûku, ûriani methe menyu na nîmakûmwîra ûrîa gwekariî, ûriani athuuri enyu na nîmakûmwîra ûrîa gwekariî.

Gûco 7:18

Mûtikegue guoya nî o na mûririkane ûrîa Ngai-Mûnene, Ngai wenyu eekire mûthamaki wa Misiri na andû a kuo onthe.

Gûco 8:16

Kûu werûrî nîwamûvere mana mûrîe, irio irîa methe menyu matanarûma. Nîwatûmire mwînyivie na akîmûgeria, nîguo mûthiiarî amûrathime na indo mbaro.

Jakuvu 1:3

nîûndû nîmwicî atî wîtîkio wenyu ûngîvoota magerio ta mama mûkaavotaga kûmîrîria.

Jakuvu 4:10

Îînyivieni mbere ya Mwathani, nake nîakûmûnenevia.

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

Atir 2:22

Ngaavûthîra ndûrîrî icio kûgeria Aisiraeli nîguo menye kana makambathîkagîra ta ûrîa methe mao ma tene meekaga.”

Atir 3:4

Ngai-Mûnene aatigîte andû a ndûrîrî nîguo agerie andû a Isiraeli amenye kana nwa mathîkîre maathani marîa aaveere methe mao ma tene kûvîtûkîrîra kûrî Musa.