Gûco 8:18 - ÎVUKU RÎA ÛVORO MWARO

¹⁸ Ririkanani atî nî Ngai-Mûnene, Ngai wenyu ûvecanaga ûvoti wa gûtonga. Ekaga ûguo nîguo avingie maûndû marîa aarîkanîre na methe menyu wata ûrîa gwîkariî ûmûnthî.

Gûco 8:18 ပူးပေါင်းရင်းမြစ်များ

Kîam 32:14

Nîwathuurire mvarika magana maîrî na nthenge mîrongo îîrî, mîatî magana maîrî, na ndûrûme mîrongo îîrî,

1Maû 29:12

Ûtonga na gîtîîo ciumaga kûrî we, nîûndû we nîwe mwathi wa indo cionthe. We ûrî na vinya na ûvoti wa gûtûma mûndû atuîke mûnene na ûrî vinya.

2Maû 25:9

Nake Amazia nîwaûririe mûndû ûcio wa Ngai atîrî, “Nîmbîka atîa nîûndû wa sîlûva îrîa yonthe naarîvire ngîkombora athigari kuuma Isiraeli?” Nake mûndû ûcio wa Ngai nîwamûcokerie atîrî, “Ngai-Mûnene arî na ûvoti wa gûkûva ciîngî nyîngî gûkîra icio.”

Thaburi 144:1

Ngai-Mûnene, îthiga rîakwa arokumua, ûrîa ûnthomithagia kûrûa na akamvarîrîria nîûndû wa mbaara.

Thaburi 44:3

Andû aku matiegwatîra vûrûri na mbaara, kana mavootana na vinya wao; nwatî maavootanire na vinya na ûvoti waku, nîwethagîrwa nao vîndî cionthe, nîûndû nîwakenagua nîo.

Nthi 10:22

Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Mûvunjia 12:1

Ririkanaga ûrîa wakûmbire vîndî îrîa ûrî mwîthî, mbere ya kavinda gakinya rîrîa ûkaauga atîrî, “Ndirakenerera ûtûûro.”

Mûvunjia 9:11

Nînacokire ngîmenya ûndû wîngî atî gûkû nthî andû arîa marî îvenya mativootanaga îvenyarî vîndî cionthe, na arîa marî vinya mativootanaga mbaararî vîndî cionthe. Andû arîa aûgî matinyitaga kîrîa mendaga vîndî cionthe, andû arîa aûgî matitongaga, nao andû arîa marî ûmenyo matinenevagua maûndûrî. Maûndû macûku maûkaga kûrî andû onthe.

Jeremia 23:27

Na njîra ya iroto icio ciao mavangîte ûrîa mangîtûma andû akwa mariganîrwe nînie wata ûrîa methe mao ma tene maariganîrwe nî nie, makîrûmîrîra Baali.

Hosea 2:8

Ke ndamenya atî nînie namûveere irio ndivei na maguta, na ngîmûva sîlûva na thaavu na wîngî, irîa ategeere Baali.

Gûco 26:10

Kwoguo nînakûrutîra We, Ngai-Mûnene maketha ma mbere ma mûgûnda ûrîa ûmvete.’ “Nîûgaacoka wige gîkavu gîaku vau nthî mbere ya Ngai-Mûnene, Ngai waku na ûmûgooce.

Gûco 6:11

Gûkethîrwa kûrî na nyomba ciîcûrîte indo mbaro irîa mûtekîra kuo, na gûkethîrwa kûrî na iriko irî na manjî irîa mûtenja, na mîgûnda ya mîthavibu na mîtamaiyû îrîa îciaraga matunda îrîa mûtaavanda. Vîndî îrîa Ngai-Mûnene akaamûvira vûrûrirî ûcio na mûrîe irio cia mûthemba wa wonthe ûrîa mûkenda,

Gûco 7:12

“Ethîrwa mûkegucaga maathani mama na mûmathîkagîre na kinyi, Ngai-Mûnene, Ngai wenyu akaavingagia kîrîkanîro gîake namue, na amwonagie wendo ûtathiraga wata ûrîa aarîkanîre na methe menyu.

Gûco 7:8

Nwatî aamûthuurire nîûndû wa kûmwenda na kûvingia mwîvîtwa wake kûrî methe menyu. Kîu nîkîo gîatûmire amûvonokie na vinya wake mûnene na akîmûkûûra kuuma ûkomborî wa mûthamaki wa Misiri.

Gûco 8:1

“Menyererani mwathîkagîre na kinyi maathani monthe marîa nîramûva ûmûnthî, nîguo mûtûûre, mwongerereke na mwîgwatîre vûrûri ûrîa Ngai-Mûnene erîîre methe menyu.

Atir 3:7

Aisiraeli nîmeekire maûndû macûku mbere ya Ngai-Mûnene. Nîmaariganîrwe nîke na magîtungatîra ngai cia mîvuanano cia Baali na Asherothu.

Atir 7:2

Ngai-Mûnene nîwerire Gideoni atîrî, “Andû acio wî nao nî engî mûno na ndingîmavotithia kûvoota Aamidiani. Aisiraeli mavota gwîciiria atî mavootanîte na vinya wao o ene, na marege kûndîîa.

1Sam 2:7

Ngai-Mûnene nîke ûtûmaga andû amwe mathîne na agatua arîa engî itonga, nîanyivagia amwe na akanenevia arîa engî.