Gûco 8:15 - ÎVUKU RÎA ÛVORO MWARO

¹⁵ Ngai-Mûnene nwake wamûtongoririe kûu werûrî ûcio mûnene na warî na ûgwati mwîngî wa njoka irîa irî ûrogi na tûng'aurû. Vûrûri ûcio ndwarî na manjî na Ngai-Mûnene nîwatûmire manjî maume îthigarî mûnyue.

Gûco 8:15 ပူးပေါင်းရင်းမြစ်များ

Thaburi 105:41

Nîwatûrire îthiga na manjî makiuma kuo, maanyûrûrûkire werûrî ta rûnjî.

Thaburi 114:8

ûrîa ûgarûraga rûciara rwa îthiga rûgatuîka îria rîa manjî, na mathiga marîa maûmû magatuîka ithima cia manjî.

Thaburi 136:16

Nîke watongoririe andû ake makîvîtûkîrîra werûrî; nîûndû wendo wake ûtathiraga ûtûûraga tene na tene.

Isaia 30:6

Îno nîyo ndûmîrîri ya Ngai îgiî nyamû cia Negebu. “Anjaama mathiîte mavîtûkanîrîtie vûrûrirî wa thîna na kîeva, kûrîa kûrî mînyambû ya nga na ya njamba, kûrîa kûrî njoka irî ûrogi na ciîngî nene igûrûkaga. Makuuithîtie mvunda ûtonga wao, na magakuuithia ngamîîra indo ciao cia goro, mavirîrîte andû matangîmaguna na kîndû wanarî kîrîkû.

Isaia 35:7

mûthanga ûrîa ûvenavenagia ta mwaki werûrî nîûgaatuîka îria rîa manjî, nayo nthî nyûmû nîkaatherûka manjî. Kûrîa ciathi itûûraga nîgûgecûra manjî, nyaki nîkaamera na îkûre îkare ta mûthanje na marura.

Isaia 43:19

Taroriani, nîngwîka ûndû mûcerû. Naguo nîûrekîka rîu, nîkwa mûtarawona! Nîngûtema njîra werûrî na ndûme kûu werûrî kûgîe na nyûnjî.

Jeremia 2:6

Matieyûria atîrî, ‘Arîkû Ngai-Mûnene, ûrîa watûrutire vûrûri wa Misiri, na agîtûtongoria werûrî, vûrûri warî mûmagaru na warî na marima, kûndû gûtaarî manjî na kwarî nduma nene, vûrûri ûtavîtûkagîrîrwa nî mûndû, kana ûgatûûrwa nî andû?’

Hosea 13:5

Nînie namûmenyerere rîrîa mwarî werûrî; vûrûri ûrîa warî mûmagaru na ûtarî na manjî.

Ndari 20:11

Musa nîwacokire agîûkîrîria mûragi wake na akîringa îthiga rîu naguo maita maîrî. Namo manjî meengî mûno nîmaaumire îthigarî rîu. Nao andû onthe a Isiraeli vamwe na ndîthia ciao nîmaanywire manjî.

Ndari 21:6

Ngai-Mûnene nîwarekirie njoka irîa irî ûrogi na ikîrûma andû a Isiraeli eengî na magîkua.

1Akor 10:4

na makînyua manjî ma kîîroho. Nîmaanyuire manjî maumîte îthigarî rîa kîîroho rîrîa rîamarûmîrîre. Narîo îthiga rîu rîarî Kristû ke mwene.

Gûco 1:19

“Nîtwekire wa ûrîa Ngai-Mûnene, Ngai wetû aatwathire twîke. Nîtwaumire kîrîmarî gîa Sinai na tûkîthiî tûvîtûkanîrîtie werûrî mûnene warî na guoya ûrîa mwonire na vûrûrirî ûrîa ûrî irîma wa Aamori, na tûgîkinya Kadeshi-barinea.

Gûco 32:13

“Nîwametîkîrie mathiîre kûndû kûrîa gûtûgîru, makîrîcaga irio irîa ciarî mîgûndarî. Nîwamavere ûûkî kuuma mathigarî makîrîa, na maguta ma ndamaiyû kuuma rûciararî.