Gûco 8:14 - ÎVUKU RÎA ÛVORO MWARO

¹⁴ menyererani mûtigetîîe mûriganîrwa nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

Gûco 8:14 ပူးပေါင်းရင်းမြစ်များ

2Atha 14:10

Nîma Amazia rîu nîûvootete andû a Edomu, na wî mwîcûre nî mwîtîîo. Îganîra na ngumo îo yaku na wîkare mûciî. Ûracaria thîna îrîa îgaakûretere mînyamaaro we na andû aku a Juda nîkî?”

2Atha 17:38

na mûtikariganîrwe nî kîrîkanîro kîrîa naarûthire namue. Mûtikagooce ngai ciîngî.

2Maû 26:16

Rîrîa mûthamaki Uzia aagîre vinya, nîwambîrîrie gwîtîîa. Mwîtîîo ûcio wake nîwatûmire acûkangue nîûndû nîwaregire kwathîkîra Ngai-Mûnene, Ngai wake na nîwathiîre hekarûrî kûvîvia ûbani metharî ya kîgongoona ya kûvîvîria ûbani.

2Maû 32:25

Nwatî Hezekia nîwaregire gûcokeria Ngai-Mûnene ngatho nîûndû wa maûndû marîa aamwîkîte. Hezekia nîwagîre na mwîtîîo na ûndû ûcio ûgîtûma Juda na Jerusalemu iverithua nî Ngai-Mûnene.

Thaburi 106:21

Maariganîrwe nî Ngai ûrîa wamavonokirie, ûrîa wekîte maûndû manene vûrûrirî wa Misiri.

Thaburi 78:7

Na njîra îo nîmakaaiga mwîvoko wao kûrî Ngai, na matikaariganîrwa nî ûrîa ekîte, nwatî nîmakaavingagia maathani make vîndî cionthe.

Ntha 13:3

Nake Musa nîwerire andû a Isiraeli atîrî, “Ririkanagani mûthenya ûyû. Ûyû nî mûthenya ûrîa Ngai-Mûnene aamûrutire Misiri na njîra ya vinya wake kûrîa mwatûûraga mûrî ngombo. Mûthenya ûyû mûtikaarîe mîgate îkîrîtwe ndawa ya kwimbia.

Jeremia 2:31

Mue rûciaro rûrû, thikîrîriani ciugo cia Ngai-Mûnene. Nîkwa mbîthîrîtwe mbîkariî ta werû kûrî andû a Isiraeli, kana vûrûri ûrî na nduma nene? Nîndûî vi gîtûmaga andû akwa mauga atî, “Tûrî na wîathi na tûtigaûka kûrî we rîngî?”

Jeremia 2:6

Matieyûria atîrî, ‘Arîkû Ngai-Mûnene, ûrîa watûrutire vûrûri wa Misiri, na agîtûtongoria werûrî, vûrûri warî mûmagaru na warî na marima, kûndû gûtaarî manjî na kwarî nduma nene, vûrûri ûtavîtûkagîrîrwa nî mûndû, kana ûgatûûrwa nî andû?’

Jeremia 23:27

Na njîra ya iroto icio ciao mavangîte ûrîa mangîtûma andû akwa mariganîrwe nînie wata ûrîa methe mao ma tene maariganîrwe nî nie, makîrûmîrîra Baali.

Danieli 11:12

Nîagaakena mûno arîkia kûvoota gîkundi kîu Kîam athigari a Sîria, nwatî ndagaatûûra avootanaga.

Hosea 13:6

Nwatî rîrîa mwarîre mûkîvaa, nîmwambîrîrie gwîtîîa, nginya mûkîriganîrwa nînie.

Ndari 15:39

Mûkethagîrwa mûrî na igaaci icio nîguo mwairoria mûkaririkana maathani monthe makwa na mûkamavingia. Kwoguo mûtikaandiganîria nîguo mûrûmîrîre wendi wa ngoro cienyu na meciria menyu.

Gûco 13:6

“Ethîrwa mûrwanyûkwe, kana mûvîcîguo, kana mwarîguo, kana mûkaguo ûrîa wendete mûno, kana mûrata waku wa vakuvî nwa akûveenererie na nthitho akwîre mûthiî mûkagooce ngai ciîngî irîa we wana methe menyu mûtaicî,

Gûco 17:20

Eka ûguo, ndakeyona arî mûnene gûkîra andû acio engî a Isiraeli, na gûtirî vîndî akaarega kwathîkîra maathani ma Ngai nîguo mûthamaki ûcio na njiarwa ciake makaathana îvinda îraca kûu Isiraeli.

Gûco 4:9

Îîmenyagîrîreni na mûtikariganîrwe nî maûndû marîa mwîyonerete na metho menyu; maririkanageni ûtûûrorî wenyu wonthe. Mamenyithanagieni kûrî ciana cienyu na kûrî ciana cia ciana cienyu.

Gûco 5:6

‘Nie, nînie Ngai-Mûnene, Ngai wenyu ûrîa wamûrutire vûrûri wa Misiri, kûrîa mwarî ûkomborî.

Gûco 6:11

Gûkethîrwa kûrî na nyomba ciîcûrîte indo mbaro irîa mûtekîra kuo, na gûkethîrwa kûrî na iriko irî na manjî irîa mûtenja, na mîgûnda ya mîthavibu na mîtamaiyû îrîa îciaraga matunda îrîa mûtaavanda. Vîndî îrîa Ngai-Mûnene akaamûvira vûrûrirî ûcio na mûrîe irio cia mûthemba wa wonthe ûrîa mûkenda,

Gûco 8:11

“Îîmenyerereni mûtikariganîrwe nî Ngai-Mûnene, Ngai wenyu. Mûtikarege kwathîkîra maathani, matuîro ma ciira na mawatho make marîa ngûmûva ûmûnthî.

Gûco 8:13

na rîrîa ng'ombe, ng'ondu, sîlûva, thaavu na indo irîa ciîngî cionthe mûrî nacio ikongerereka,

Atir 3:7

Aisiraeli nîmeekire maûndû macûku mbere ya Ngai-Mûnene. Nîmaariganîrwe nîke na magîtungatîra ngai cia mîvuanano cia Baali na Asherothu.