Gûco 7:4 - ÎVUKU RÎA ÛVORO MWARO

⁴ nîûndû nwa matûme ciana cienyu itiganîrie Ngai-Mûnene na ciambîrîrie kûgooca ngai ciîngî. Ingîka ûguo, Ngai-Mûnene nîakaarakara nîmue na amûthirie wa rîmwe.

Gûco 7:4 ပူးပေါင်းရင်းမြစ်များ

1Atha 16:31

Makîria ya kûrûmîrîra mîtugo mîcûku îrîa yekîtwe nî mûthamaki Jeroboamu, Ahabu nîwavikirie Jezebeli mwarî wa Ethibaali, mûthamaki wa Sidoni. Nîwatungatîre Baali na akîmîgooca.

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ntha 34:16

Anake enyu mangîkaavikia erîtu a andû acio ageni, erîtu acio makîgooca ngai ciao nîmagaatûma anake enyu matuîka tî evokeku na nîmakaagooca ngai cia erîtu acio.

Gûco 20:18

Mwarega kûmaûraga, nîmakaamûthomithia mîtugo mîcûku ya kûvoya ngai ciao cia mîvuanano, na mwîthîrwe mwîkîte mevia mbere ya Ngai-Mûnene Ngai wenyu.

Gûco 4:26

Ûmûnthî nîngwîta îgûrû na nthî ituîke aira atî, mwarega kûmbathîkîra mûrî vûrûrirî ûcio mûthiîte gûtûûra, nîmûkaathirua viû. Mûtigaatûûra kuo îvinda îraca, nwatî nîmûkaathirua viû.

Gûco 6:15

Mweka ûguo, Ngai-Mûnene, Ngai wenyu ûrîa ûtûûraga gatagatîrî kenyu nîakaarakara na amûthirie viû gûkû nthî nîûndû ke nî Ngai wî wîru.

Josh 22:15

Nao nîmaathiîre Gileadi kûrî andû a Reubeni, Gadi na nuthu ya mûvîrîga wa Manase a mwena wa îrathîro.

Josh 23:12

Mûtigatuîke aremi na njîra ya gûtukana na andû arîa matigarîte gûkû mûrî na mwambîrîrie kûvikia aarî ao nao mavikie aarî enyu.

Atir 2:11

Andû a Isiraeli nîmeekire maûndû macûku mbere ya Ngai-Mûnene na njîra ya gûtungatîra Baali.

Atir 2:20

Kwoguo Ngai-Mûnene nîwarakarirue nî Aisiraeli na akiuga atîrî, “Nîûndû andû a rûciaro rûrû nîmaregete kûvingia kîrîkanîro kîrîa naathondekire na methe mao ma tene na nîmareganîte nanie

Atir 3:6

Erîtu a ndûrîrî icio nîmaavikirue nî anake a Isiraeli, nao anake a ndûrîrî makîvikia erîtu a Isiraeli. Kwoguo Erîtu a Isiraeli nîmaagoocire ngai cia ndûrîrî icio.