Gûco 7:26 - ÎVUKU RÎA ÛVORO MWARO

²⁶ Mûtikavire ngai icio cia mûvuanano mîciîrî yenyu, nîguo mûtikarumwe ta cio. Nwanginya mûmene na mûnyarare ngai icio cia mîvuanano, nîûndû nî nume nî Ngai-Mûnene.

Gûco 7:26 ပူးပေါင်းရင်းမြစ်များ

Isaia 2:20

Mûthenya ûcio, andû nîmagaaikîria mbuko na mvuvu, mîvuanano yao ya sîlûva na ya thaavu, îrîa meerûthîre nîguo mamîgoocage.

Isaia 30:22

Nîmûgaacoka mûcûkangie mîvuanano yenyu ya gwacwa îrîa îvakîtwe sîlûva na mîvuanano yenyu îrîa îvakîtwe thaavu. Nîmûkaainyagia ta indo irî gîko, mûkiugaga atîrî, “Iroûra!”

Isaia 41:24

Mue mûtirî kîene, na wîra wenyu nîwa mana, mûndû ûrîa ûmûgoocaga arî na mûgiro.

Ezek 11:18

Rîrîa magaacoka vûrûrirî ûcio, nîmakaaruta indo cionthe irîa menete na mîvuanano yonthe kuuma kuo.

Ezek 14:7

“Mûndû wa wonthe wa nyomba ya Isiraeli, kana ageni arîa matûûranagia na Aisiraeli angîndiganîria na ambîrîrie kûgooca mîvuanano na îtûme evie, na mûndû ûcio athiî kûrî mûrathi akamûrie ûtaaro, nie Ngai-Mûnene nîngamûcokeria.

Hosea 14:8

Mue andû a Isiraeli, tiganîriani ngai cia mîvuanano, Nînie nîmûmenyagîrîra na nînie nîmûgitagîra. Mbîkariî ta mûtî ûrîa ûtûûraga ûrurîte vîndî cionthe, ûrîa ûkûvecaga matunda mîaka yonthe.”

Zakaria 5:4

Ngai-Mûnene mwene vinya wonthe augîte ke mwene nîke ûgaatûma kîrumi kîu kîthiî na gîtonye nyomba ya mûndû wa wonthe mwîi na gîtonye nyomba ya mûndû wa wonthe wîvîtaga na njîra ya maveeni akîgwetaga rîîtwa rîa Ngai-Mûnene. Nîgîgekara nyombarî yake na kîmîcûkangie, kîthirie mbaû wana mathiga.”

Aroma 2:22

Wîraga andû arîa engî, “Mûtikaatharie,” nwatî we mwene nîûtharagia? We nîûmenete mîvuanano, nwatî nîwîaga indo cia hekarû.

Gûco 13:16

Mûkaaûngania indo cionthe cia andû a îtûûra rîu na mûivire kîvarorî gîa îtûûra na mûvîvie îtûûra rîu vamwe na indo cionthe rîrî îtega rîa kûvîvua kûrî Ngai-Mûnene Ngai wenyu. Îtûûra rîu rîgaatûûra rîrî rîomomoku na rîtigaatumwa rîngî.

Gûco 13:17

Mûtikeigîre kîndû wanarî kîmwe Kîam irîa ciathanirwe icûkangue, nîguo Ngai-Mûnene athirwe nî marakara. Nîagaacoka amwîguîre ntha na atûme mwîngîve wata ûrîa eerîre methe menyu,

Gûco 13:18

ethîrwa mûkaathîkagîra maûndû marîa amwathîte, mûkîvingagia maathani ma Ngai-Mûnene Ngai wenyu monthe marîa ngûmwatha ûmûnthî na mwîkage ûrîa endaga.