Gûco 7:23 - ÎVUKU RÎA ÛVORO MWARO

²³ Ngai-Mûnene, Ngai wenyu nîakaarekereria nthû cienyu kûrî mue na atûme magaage nginya mathirue.

Gûco 7:23 ပူးပေါင်းရင်းမြစ်များ

Ntha 23:27

“Nîngaatûma andû arîa makaareganaga namue megue guoya nîûndû wakwa. Nao andû arîa mûkethagîrwa mûkîrûa nao nîngaatûma magîe na kîvîngîcî na ndûme mamûvuvatîre maûre nîmue.

Isaia 13:6

Rîrani, nîûndû mûthenya wa Ngai-Mûnene ûrî vakuvî, ûgaaûka wîkariî ta mûthiro kuuma kûrî mwene vinya wonthe.

Jeremia 17:18

Arîa manyariraga maroconorithua, nwatî ndûgatûme njonorithua, marogîa na guoya, nwatî ndûgatûme ngîa na guoya, ûrotûma makinyîrwe nî mavinda ma thîna, maretithîrie mûthiro ûmathirie viû.

Joeli 1:15

Kaî twî na thîna-î; mûthenya ûcio wa Ngai-Mûnene nîûkîte; ûkîte vamwe na maûndû ma gûcûkangia, kuuma kûrî Ngai-Mûnene.

Gûco 2:15

Ngai-Mûnene nîwathiîre na mbere na kûregana nao nginya rîrîa aamathiririe onthe.

Gûco 31:5

Ngai-Mûnene nîakaamûvotithia kûmavoota na mûmeke wata ûrîa nîmwathîte.

Gûco 8:20

Ethîrwa tîmwathîkîra Ngai-Mûnene, Ngai wenyu, nîmûkaathirua wata mavûrûri marîa Ngai-Mûnene akûthiria nîguo mûtonye kuo.

Gûco 9:3

Kwoguo menyani ûmûnthî atî Ngai-Mûnene, Ngai wenyu nîke ûkûmûtongoria avaana ta mwaki ûrîa ûvîvagia ûkathiria. Mûkîîgwatîra vûrûri ûcio, Ngai-Mûnene nîakaamavoota namue mûmengate na mûmathirie viû wa rîmwe wata ûrîa eeranîrîte.

2Ath 1:9

Nao nîmakaathînîka nîûndû Ngai nîakaamaverithia tene na tene. Nîmakaaigwa varaca na Mwathani na varaca na riiri wa ûnene wake.

Josh 10:10

Ngai-Mûnene nîwatûmire Amori mamake mona athigari a mbaara a Isiraeli. Athigari a Isiraeli nîmaaûragire eengî kûu Gibeoni na nîmaavinyûririe mavîtûkîrîrîte mwanyarî wa kîrîma vandû vetagwa Bethi-horoni. Nîmaathiîre na mbere kûmatharîkîra nginya mwena wa îveti matûûrarî ma Azeka na Makeda.

Atir 4:15

Rîrîa Baraki na athigari ake maatharîkîre Sisera, Ngai-Mûnene nîwatûmire Sisera na ikaari ciake cia mbaara vamwe na andû ake mavîngîcîke. Sisera nîwaumire ngarirî yake ya mbaara na akîûra na magûrû.