Gûco 7:16 - ÎVUKU RÎA ÛVORO MWARO

¹⁶ Na nîmûkaaûraga andû arîa onthe Ngai-Mûnene, Ngai wenyu akaarekereria kûrî mue. Mûtikameguîre ntha kana mûtungatîre ngai ciao, nîûndû ûcio ûkethîrwa ûrî mûtego kûrî mue.

Gûco 7:16 ပူးပေါင်းရင်းမြစ်များ

Thaburi 106:34

Andû a Isiraeli nîmaaregire kûraga andû a ndûrîrî, ta ûrîa Ngai-Mûnene aamaathîte meke.

Thaburi 106:36

Nîmaagoocire mîvuanano ya ngai ciao, na ûndû ûcio nîguo watuîkire mûtego wa kûmathiria.

Ntha 23:33

Mûtikanareke andû acio matûûre vûrûrirî wenyu, nîguo matigatûme mwîvie. Mûngîkaagooca ngai ciao, ûcio ûkethîrwa ûrî mûtego mûcûku mûno varî mue.”

Jeremia 21:7

Nie Ngai-Mûnene nîrauga atî vuva wa ûguo, nîngaavecana Zedekia mûthamaki wa Juda, ndungata ciake, na andû a îtûûra rîîrî, arîa magatigarua nî mîrimû, mbaara na yûra kûrî mûthamaki Nebukadinezarû wa Babuloni na nthû cienyu irîa ciendaga kûmûraga. Nebukadinezarû akamaûraga na rûviû na gûtirî mûndû ûgaatigara kana arekererue wana kana eguîrwa ntha.”

Ndari 33:55

Nwatî mûngîkaarega kwîngata atûûri a vûrûri ûcio onthe, arîa magatigara nîmakaamûva thîna. Makeethagîrwa mekariî ta ivuti irî methorî menyu kana ta mîgua îmûrigicîrîtie.

1Akor 15:33

Tigani kûveenua. “Nî ûndû mûcera na mûkûndû akûndûkaga wata guo.”

Gûco 13:8

mûtigetîkîre mûndû ta ûcio amûveenererie kana mûmûthikîrîria. Mûtikeguîre mûndû ta ûcio ntha; mûtikamûgitîre kana mûmûthitha.

Gûco 13:9

Mûkaamûraga! Mûkeethîrwa mûrî a mbere kûmûringa na mathiga, nao andû acio engî onthe marûmîrîre.

Gûco 19:13

Mûtikeguîre mûndû ûcio ûûraganîte ntha. Mûkaathiria andû arîa maûragaga arîa engî matarî na mavîtia vûrûrirî wa Isiraeli nîguo mûtûûre na thayû.

Gûco 19:21

Mûtikeguîre andû a mûthemba ta ûcio ntha. Mwoyo ûkaarîvagwa na mwoyo, riitho rîkaarîvagwa na riitho, îgego rîkaarîvagwa na îgego, njara îkaarîvagwa na njara na kûgûrû gûkaarîvagwa na kûgûrû.

Gûco 25:12

mûndûmûka ûcio nîagaatinua njara îo: ndakeguîrwa ntha.

Gûco 7:2

Rîrîa Ngai-Mûnene, Ngai wenyu akaamarekereria kûrî mue na mûmavoote, nwanginya mûkaamaûraga onthe mathire. Mûtikarûthe kîrîkanîro nao kana mûmeguîre ntha.

Gûco 7:25

Nîmûkaavîvia mîvuanano ya kumua ya ngai ciao. Mûtigacumîkîre sîlûva kana thaavu ciao kana mûcioce ituîke cienyu nîûndû nî mûgiro kûrî Ngai-Mûnene.

Josh 11:20

Ngai-Mûnene nîwatûmîte matûûra mau monthe merutanîrie mûno kûrûa na andû a Isiraeli nîguo magaacûkangua viû na andû akuo maûragwe matakwîguîrwa ntha, nîûndû ûguo nîguo Ngai-Mûnene aathîte Musa.

Atir 2:12

Nîmaatigire kûgooca Ngai-Mûnene ûrîa arî ke Ngai wa methe mao ma tene, ûrîa wamarutire vûrûrirî wa Misiri na makîambîrîria kûgooca ngai cia mîvuanano cia andû arîa maamathiûrûrûkîrîtie. Nîmaagoocire ngai icio na makîrakaria Ngai-Mûnene.

Atir 2:3

Kwoguo rîu nîramwîra atî, ndikengata andû aya kuuma kûrî mue. Makethagîrwa marî nthû cienyu na mûkaveenagîrîrua nî ngai ciao cia mîvuanano.”

Atir 3:6

Erîtu a ndûrîrî icio nîmaavikirue nî anake a Isiraeli, nao anake a ndûrîrî makîvikia erîtu a Isiraeli. Kwoguo Erîtu a Isiraeli nîmaagoocire ngai cia ndûrîrî icio.

Atir 8:27

Gideoni nîwarûthire mûvuanano wa thaavu icio na akîwiga Ofira, îtûûrarî rîake. Nao Aisiraeli onthe nîmaatiganîrie Ngai na makîambîrîria kûmîgooca. Nayo nîyatuîkire mûtego kûrî Gideoni na andû a mûciî wake.