Gûco 7:14 - ÎVUKU RÎA ÛVORO MWARO

¹⁴ Nîmûkaarathimwa gûkîra andû onthe. Gûtirî mûndû wanarî ûmwe wenyu ûkethîrwa arî nthata kana nyamû wa yonthe ndîthiarî yenyu îthîrwe îrî nthata.

Gûco 7:14 ပူးပေါင်းရင်းမြစ်များ

Thaburi 107:38

Nîwarathimire andû ake na makîongerereka mûno, na agîtûma ndîthia yao ya ng'ombe yongerereke.

Thaburi 115:15

Mûrorathimwa nî Ngai-Mûnene, ûrîa waûmbire îgûrû na nthî!

Thaburi 127:3

Ciana, nî îgai kuuma kûrî Ngai-Mûnene; ciana nî kîveo kuuma kûrî ke.

Alawi 26:9

Nîngaamûrathima na ndûme mwongerereke na nîngaavingia kîrîkanîro kîrîa naarûthire namue.

Ndari 22:12

Ngai nîwerire Balaamu atîrî, “Tî mûthiî nao na tîûmaruma nîûndû nînîmarathimîte.”

Gûco 28:11

Ngai-Mûnene nîagaatûma mûthatûkwe; nîmûkaagîa na ciana nyîngî, ndîthia nene ya ng'ombe, na irio nyîngî cia mûgûnda mûrî vûrûrirî ûrîa Ngai-Mûnene eerîre methe menyu atî nîakaamûva.

Gûco 28:4

“Ngai-Mûnene nîakaarathima ciana cienyu, maciaro ma mîgûnda yenyu, na arathime ndîthia ya ng'ombe na ng'ondu cienyu.

Gûco 30:9

Ngai-Mûnene Ngai wenyu nîagaatûma mûthatûkwe mûno maûndûrû monthe marîa mûkethîrwa mûgîka. Mûthatûkwe cianarî cienyu, ng'omberî cienyu na mîgûndarî yenyu. Ngai-Mûnene nîagaakena akîmûrathima na maûndû maro wata ûrîa akenaga akîrathima methe menyu.

Gûco 33:29

Kûrathimwa nî mue andû a Isiraeli! Gûtirî andû mavaana tamue, andû a vûrûri ûrîa wavonokirue nî Ngai-Mûnene. Ngai-Mûnene nîke ngo yenyu na rûviû rwenyu, nîke ûmûgitagîra na akamûvootanîra. Nthû cienyu nîigaaûka mbere yenyu ciînyivîtie, namue nî mûkaamakinyangîra nthî.”