Gûco 7:11 - ÎVUKU RÎA ÛVORO MWARO

¹¹ Kwoguo menyagîrîrani mûvingagie na kinyi maathani, mawatho na matuîro ma ciira marîa ngûmwatha ûmûnthî.

Gûco 7:11 ပူးပေါင်းရင်းမြစ်များ

Johana 14:15

“Ethîrwa nîmûmendete, mûkaathîkagîra maathani makwa.

Gûco 4:1

Musa nîwacokire akîra andû a Isiraeli atîrî, “Kwoguo athîkagîrani mawatho monthe na matuîro ma ciira marîa nîramûthomithia, na nî mûgaatonya na mûtûûre vûrûri ûrîa Ngai-Mûnene, Ngai wa methe menyu akûmûva.

Gûco 4:5

“Nie nînîmûthomithîtie mawatho monthe na matuîro ma ciira, wata ûrîa Ngai-Mûnene, Ngai wakwa aambathire mbîke. Mûkaavingagia mawatho mau mûrî vûrûrirî ûrîa mûgûtonya mwîgwatîre ûtuîke wenyu.

Gûco 5:32

“Mue andû a Isiraeli, menyererani mwone nîmwavingia maûndû monthe marîa Ngai-Mûnene, Ngai wenyu amwathîte. Mûtikaregane na watho wanarî ûmwe wa Ngai-Mûnene.

Gûco 7:10

Nwatî nîakaaverithia arîa mamûmenete na amacûkangie.

Gûco 7:12

“Ethîrwa mûkegucaga maathani mama na mûmathîkagîre na kinyi, Ngai-Mûnene, Ngai wenyu akaavingagia kîrîkanîro gîake namue, na amwonagie wendo ûtathiraga wata ûrîa aarîkanîre na methe menyu.

Gûco 8:11

“Îîmenyerereni mûtikariganîrwe nî Ngai-Mûnene, Ngai wenyu. Mûtikarege kwathîkîra maathani, matuîro ma ciira na mawatho make marîa ngûmûva ûmûnthî.