Gûco 6:6 - ÎVUKU RÎA ÛVORO MWARO

⁶ Mûtikariganîrwe nî maathani mama ngûmûva ûmûnthî.

Gûco 6:6 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

2Sam 22:23

Nîmbathîkîrîte mawatho make, na ndirî natiganîria kîrîra gîake.

Thaburi 119:11

Nîmbigîte kiugo gîaku ngororî yakwa, nîguo ndigakwîvîrie.

Thaburi 119:13

Nganagîrîra mbugîrîrîtie maathani maku monthe marîa ûvecanîte.

Thaburi 119:30

Nînthuurîte njîra ya wîvokeku; nînûmîrîrîte matuîro maku ma ciira.

Thaburi 119:98

Mawatho maku nîmatûmaga ngîe na ûûgî gûkîra nthû ciakwa, nîûndû mbîthagîrwa namo vîndî cionthe.

Thaburi 37:31

Nîmaigaga mawatho ma Ngai ngororî ciao; na matiîkaga maûndû mataringanîte na mawatho mau.

Thaburi 40:8

Nîngenaga ngîka wendi waku, we Ngai wakwa, watho waku ûrî ngororî yakwa.”

Nthi 3:5

Îîvoke Ngai-Mûnene na ngoro yaku yonthe, na ndûkevoke meciria maku we mwene.

Nthi 7:3

Manyite na ndûkamarekie, maige ngororî yaku.

Isaia 51:7

“Nthikîrîriani mue mwîcî maûndû ma ûthingu, mue andû arîa mûnyitîte watho wakwa na ngoro cienyu. Mûtigetigîre rîrîa mûgûcambua nî andû, kana mûmaka rîrîa makûmûruma.

Jeremia 31:33

Nwatî vuva wa mîthenya îo, gîkî nîkîo kîrîkanîro kîrîa ngarûtha na andû a Isiraeli. Nîngaiga watho wakwa ndarî yao na nîwandîke ngororî ciao. Nîngatuîka Ngai wao nao matuîke andû akwa.

Luka 2:51

Jesû nîwacokire Nazarethi arî vamwe na aciari ake, na nîwekaranagia nao akîmaathîkagîra. Nake ng'ina nîwaigaga maûndû mau monthe ngororî yake.

Luka 8:15

Nacio mbeû irîa ciagwîre mûtheturî ûrîa warî mûnoru, nî andû arîa megucaga ndûmîrîri ya Ngai na makamiga marî na ngoro mbaro na mbathîki, na magakirîrîria nginyagia rîrîa makaagîa maciaro.”

2Akor 3:3

Nîkûronekana waro atî Kristû ke mwene nîke wandîkire maarûa îno na akîmîtûma na njîra yetû. Maarûa îno ndîandîkîtwe na rangi, nwatî yandîkîtwe na Roho wa Ngai ûrîa ûtûûraga mwoyo, na ndîandîkîtwe ivengererî cia mathiga nwatî yandîkîtwe ngororî cia andû.

Gûco 11:18

“Mûtikariganîrwe nî maathani mama makwa na mûmaigage ngororî cienyu na mîoyorî yenyu. Moverereni njararî cienyu na mothiûrî menyu nîguo mûmaririkanage.

Gûco 11:20

Mandîkeni itugîrî cia mîrango ya nyomba cienyu na ivingorî cienyu.

Gûco 32:46

nîwamerire atîrî, “Menyererani mwathîkagîre ciugo irîa namwatha ûmûnthî na mûciîrage ciana cienyu nîguo ivingagie na kinyi ûrîa mawatho mama monthe maugîte irî na wîvokeku.

Akol 3:16

Tigani ûtonga wa ndûmîrîri ya Kristû wîkarage ngororî cienyu. Tûmagîrani ûûgî wonthe wenyu rîrîa mûkûthomithania na mûgûtaarana mue ene. Inagani thaburi, nyîmbo, nyîmbo cia kîîroho mûrî na ngatho ngororî cienyu.

2Joh 1:2

Nîûndû ûma wîthagîrwa ûrî ndaarî yetû na nîtûtûûra naguo tene na tene.