Gûco 6:17 - ÎVUKU RÎA ÛVORO MWARO

¹⁷ Menyagîrîrani mûvingagie Maathani monthe ma Ngai-Mûnene, Ngai wenyu na kinyi, kîrîra gîake na mawatho marîa amwathîte.

Gûco 6:17 ပူးပေါင်းရင်းမြစ်များ

Thaburi 119:2

Kûrathimwa nî arîa marûmagîrîra kîrîra gîake, arîa mamûcaragia na ngoro ciao cionthe;

Thaburi 119:4

We Ngai, nîûtûvete mawatho maku nîguo tûmarûmagîrîre na kinyi.

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

Gûco 11:13

“Kwoguo, athîkagîrani maathani marîa ngûmûva ûmûnthî; endagani Ngai-Mûnene Ngai wenyu na ngoro yonthe na mûmûtungatagîre na mwoyo wonthe.

Gûco 11:22

“Mwona mwathîkîra na kinyi maathani mama monthe nîmûvete: kwenda Ngai-Mûnene Ngai wenyu, kûrûmîrîra njîra ciake cionthe, na gûtuîka andû evokeku kûrî ke,

Gûco 27:1

Musa na atongoria a Isiraeli nîmeerire andû atîrî, “Athîkagîrani Maathani monthe marîa ngûmwatha ûmûnthî.

Gûco 5:1

Musa nîwetire andû onthe a Isiraeli vamwe na akîmeera atîrî, “Mue andû a Isiraeli tathikîrîriani, mawatho na irîra irîa ngûmwîra ûvoro wacio ûmûnthî nîguo mûimenye na mûivingagie na kinyi.

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

Gûco 5:32

“Mue andû a Isiraeli, menyererani mwone nîmwavingia maûndû monthe marîa Ngai-Mûnene, Ngai wenyu amwathîte. Mûtikaregane na watho wanarî ûmwe wa Ngai-Mûnene.

Tito 3:8

Ûvoro ûyû nî wa ma. Nie nîrenda mue mûkinyîrîrie maûndû mama nîguo andû arîa metîkîtie Ngai mameciragie, nao mavecanage o ene nîûndû wa ciîko irîa ciagîrîrîte. Maûndû mama nîma vata na ma kûguna andû onthe.

Ahib 6:11

Tûngîenda mûndû wa wonthe gatagatîrî kenyu athiî na mbere na kûgîa na kîîo nginya mûthiia, nîguo mûnyite na ma maûndû marîa mwîriragîria.

2Pet 3:14

Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.