Gûco 6:13 - ÎVUKU RÎA ÛVORO MWARO

¹³ Îîtigagîreni Ngai-Mûnene, Ngai wenyu na mûmûtungatagîre na mwîvîtage mûkîgwetaga rîîtwa rîake rîonga.

Gûco 6:13 ပူးပေါင်းရင်းမြစ်များ

Kîam 24:3

Nîrenda wîvîte na rîîtwa rîa Ngai-Mûnene, Ngai wa îgûrû na nthî uuge, atî ndûgaacarîria mûvîcîwa mûndûmûka kuuma kûrî aarî a Kanaani arîa ndûûranagia nao.

2Atha 17:36

Nwatî mûngoocage nie Ngai-Mûnene, ûrîa wamûrutire vûrûri wa Misiri na vinya mwîngî na wendo mûnene; nie nînie mûkaagoocaga na mûndutagîre magongoona.

Thaburi 15:4

Nî manyararaga andû arîa Ngai athûrîte, nwatî nîmatîîaga andû arîa mathîkagîra Ngai-Mûnene. Vîndî cionthe nîmavingagia ûrîa meranîrîte na matigarûrûkaga.

Thaburi 63:11

Mûthamaki nîagaakena, nîûndû Ngai nîamûvecaga ûvootani. Arîa marûthaga ciîranîro rîîtwa rîa Ngai, nîmakaamûkumia, nwatî andû arîa maveenanagia nîmagaakirua.

Ntha 20:7

“Ndûkagwete rîîtwa rîa Ngai-Mûnene, Ngai waku na îtherû, nîûndû nie Ngai-Mûnene ndikaauga atî mûndû ndevîtie ûrîa ûngwetaga rîîtwa na îtherû.

Ntha 23:25

Ethîrwa nîmûkaangooca nie Ngai-Mûnene, Ngai wenyu, nîngaamûrathima na irio na manjî, na nîmûthengutîria mîrimû gatagatîrî kenyu.

Isaia 45:23

Nie nînîvîtîte ngîgwetaga rîîtwa rîakwa, maûndû marîa nîraria nî ma ma, na ndingîgarûrûkwa. Andû onthe nîmagaaturia maru mbere yakwa, na onthe mevîte atî makaanîvokaga.

Isaia 48:1

Tathikîrîriani ûndû ûyû, mue nyomba ya Jakovu, mue mwîtanîtue na rîîtwa rîa Isiraeli, mue mûrî a mûvîrîga wa Juda, arîa mwîvîtaga mûkîgwetaga rîîtwa rîa Ngai-Mûnene, na mugaga atî mûgoocaga Ngai wa Isiraeli, nwatî tîna njîra ya ma kana wagîrîru.

Isaia 65:16

Kwoguo, mûndû wa wonthe vûrûrirî wenyu ûrîa ûkenda kûrathimwa, akaathiîcaga kûrathimwa nî Ngai ûrîa wa ma. Nake mûndû wa wonthe ûkevîtaga, akevîtaga akîgwetaga rîîtwa rîa Ngai ûrîa wa ma; nîûndû mathîna marîa makûrû nîmakaariganîra na ndikamaririkana rîngî.”

Jeremia 12:16

Na nîgûgakinya atî ethîrwa nîmagetîkîra na kinyi kûrûmîrîra wîtîkio wa andû akwa na mevîte na rîîtwa rîakwa, ‘Wata ûrîa Ngai-Mûnene atûûraga mwoyo,’ ta ûrîa vîndî îmwe mathomithîtie andû akwa kwîvîta na Baali, nîmagacoka mathereme marî gatagatîrî ka andû akwa.

Jeremia 4:2

na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Jeremia 5:2

Wana ethîrwa nîmaugaga: “Wata ûrîa Ngai-Mûnene atûûraga mwoyo,” kwîvîta kwao nî kwa maveeni.

Jeremia 5:7

Ngai-Mûnene araûria atîrî, “Nîngîkûrekera atîa? Ciana ciaku nîindiganîrîtie, na nîmevîtîte na ngai cia maveeni. Rîrîa namaveere irio cia kwîgana, nîmekire ciîko cia ûtharia, na makîthiî nyombarî cia maraa.

Alawi 19:12

Mûtikanevîte na rîîtwa rîakwa rîrîa mûkûvenania, nîûndû kûu nî kûnyararithia rîîtwa rîakwa. Nie nînie Ngai-Mûnene, Ngai wenyu.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Mathaayo 5:33

“Wana rîngî nîmwîguîte atî andû a tene meerîtwe atîrî, ‘Ndûkanevîte na rîîtwa rîa Mwathani atî nîûgwîka ûndû, na ûrege kûwîka.’

Luka 4:8

Nake Jesû nîwacokerie ngoma îo atîrî, “Mandîko maugîte atîrî, ‘Goocaga Mwathani Ngai waku na ûmûtungatagîre wake wenga!’ ”

Gûco 10:12

“Rîu mue andû a Isiraeli, na kinthî maûndû marîa Ngai-Mûnene Ngai wenyu endaga kuumana namue tî kûmwîtigîra, kûrûmîrîra njîra ciake cionthe, kûmwenda, kûmûtungatagîra na ngoro yonthe na mwoyo wonthe,

Gûco 10:20

Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 13:4

Rûmagîrîrani Ngai-Mûnene Ngai wenyu na mûmûtîîage na mwathîkagîre maathani make na mûmwîgucage. Mûtungatagîreni na mwîthagîrwe mûrî evokeku kûrî ke.

Gûco 13:5

Nwatî mûrathi ûcio kana mûroti ûcio nîakaaûragwa nîûndû wa kûmwîra mûregane na Ngai-Mûnene Ngai wenyu, ûrîa wamûrutire vûrûrirî wa Misiri na akîmûkûûra kuuma kûrîa mwarî ngombo. Andû ta acio nî acûku na mendaga mûtiganîrie njîra îrîa Ngai-Mûnene Ngai wenyu aamwathire mûrûmagîrîre. Ûguo nîguo mûkaathiria maûndû macûku gatagatîrî kenyu.

Gûco 5:11

“ ‘Ndûkanagwete rîîtwa rîa Ngai-Mûnene, Ngai waku na îtherû nîûndû Ngai-Mûnene, Ngai waku nîakaaverithia andû arîa magwetaga rîîtwa rîake na îtherû.

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

Gûco 6:2

Mavinda monthe marîa mue na njiarwa cienyu mûgûtûûra mwoyo, mûgetigagîra Ngai-Mûnene, Ngai wenyu na mwathîkagîre irîra ciake cionthe na mawatho marîa ngûmûva, nîguo mûtûûre îvinda îraca vûrûrirî ûcio ngûmûva.

Josh 2:12

Kwoguo îîvîteni mbere ya Ngai-Mûnene atî nîmûgaatwîguîra ntha mûtûvonokie, nie na mûciî wetû wata ûguo namwîguîra ntha. Monia kîrîa gîgaatûma mbîtîkia.

Josh 23:7

Mûtikagwatanîre na mavûrûri marîa maatigirwe gûkû mûrî. Mûtikagooce ngai ciao cia mîvuanano kana mwîvîta mûkîigwetaga wana kana mwînamîrîre mûrî mbere yacio.

Josh 24:14

“Nake Joshua nîwathiîre na mbere kwîra andû a Isiraeli atîrî, “Rîu îtigagîreni Ngai-Mûnene na mûmûtungatagîre mûmwîvokete na ma. Tiganani na ngai irîa methe menyu ma tene maagoocaga marî Mesopotamia na marî Misiri. Tungatagîrani Ngai-Mûnene arî wenga.

1Sam 20:3

Nwatî Daudi nîwacokerie Jonathani atîrî, “Aguo nîecî waro mûno ûrîa ûmendete na nîatuîte atî tîakûmenyithia ûrîa avangîte gwîka, nîûndû nwa wîgue naaî mûno ngororî. Nwatî nie nîrevîta na Ngai-Mûnene ûrîa ûtûûraga mwoyo nîrî mbere yaku atî, nie ndigarîtie vanini ngue!”

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”