Gûco 6:1 - ÎVUKU RÎA ÛVORO MWARO

¹ “Rîîrî nîrîo rîathani, mawatho na irîra irîa Ngai-Mûnene, Ngai wenyu aambathire nîmûthomithie, nîguo mûirûmagîrîre mûrî vûrûri ûrîa mûthiîte kwîgwatîra.

Gûco 6:1 ပူးပေါင်းရင်းမြစ်များ

Ntha 21:1

“Mama nîmo mawatho marîa ûkûva andû a Isiraeli:

Ntha 23:13

“Rûmagîrîra maûndû marîa monthe nie Ngai-Mûnene nakwîra. Ndûkavoe ngai ciîngî kana ûgwete marîîtwa ma cio na kanyua gaku.

Ezek 20:19

Nie Ngai-Mûnene nî Ngai wenyu, rûmagîrîrani mawatho makwa na mwathîkagîre irîra ciakwa,

Ezek 37:24

Ndungata yakwa Daudi nîgaatuîka mûthamaki wao, na methagîrwe marî a mûrîthi ûmwe. Nîmakaarûmagîrîra matuîro makwa ma ciira na mavingagie mawatho makwa.

Alawi 27:34

Mama nîmo maathani marîa Ngai-Mûnene aaveere andû a Isiraeli kûvîtûkîrîra kûrî Musa kîrîmarî gîa Sinai.

Ndari 36:13

Mau nîmo Maathani na mawatho marîa Ngai-Mûnene aaveere andû a Isiraeli na njîra ya Musa marî kûndû kûrîa kwaraganu kwa Moabu mûringo wa rûnjî rwa Jorodani vakuvî na îtûûra rîa Jeriko.

Gûco 12:1

“Mama nîmo mawatho marîa mûkaarûmagîrîra na kinyi vîndî cionthe rîrîa mûgûtûûra vûrûrirî ûrîa Ngai-Mûnene Ngai wa methe menyu amûvete mwîgwatîre. Marûmagîrîreni ûtûûrorî wenyu wonthe.

Gûco 3:18

“Vîndî wa îo, nînaamwathire ngîmwîra atî, ‘Ngai-Mûnene, Ngai wenyu nîamûvete vûrûri ûyû ûrî mwena wa îrathîro ûtuîke wenyu. Andû onthe a mbaara nîmoce indo ciao cia mbaara, macoke mathiî marî mbere ya andû acio engî enyu a Isiraeli.

Gûco 33:3

Ngai-Mûnene nîwendete andû ake, na nîagitagîra andû ake. Kwoguo nîmenamagîrîra magûrûrî make, na makamûkîra mawatho make.

Gûco 4:1

Musa nîwacokire akîra andû a Isiraeli atîrî, “Kwoguo athîkagîrani mawatho monthe na matuîro ma ciira marîa nîramûthomithia, na nî mûgaatonya na mûtûûre vûrûri ûrîa Ngai-Mûnene, Ngai wa methe menyu akûmûva.

Gûco 4:14

Vîndî îo Ngai-Mûnene nîwambathire akîmbîra nîmûthomithie mawatho monthe na matuîro ma ciira marîa mûkaarûmagîrîra mûrî vûrûrirî ûrîa mûthiîte kwîgwatîra ûtuîke wenyu.

Gûco 4:45

Ino nîcio irîra, mawatho, na matuîro ma ciira marîa Musa aaveere andû a Isiraeli rîrîa maaumire Misiri.

Gûco 4:5

“Nie nînîmûthomithîtie mawatho monthe na matuîro ma ciira, wata ûrîa Ngai-Mûnene, Ngai wakwa aambathire mbîke. Mûkaavingagia mawatho mau mûrî vûrûrirî ûrîa mûgûtonya mwîgwatîre ûtuîke wenyu.

Gûco 5:31

Nwatî we Musa rûngama ava nîrî, na nîngûkûva Maathani monthe, Mawatho na matuîro ma ciira. Mathomithieni andû nîguo makaamathîkîra makinya vûrûri ûrîa ngaamava megwatîre.’

Gûco 5:33

Athîkagîrani maûndû monthe marîa Ngai-Mûnene, Ngai wenyu amwathîte nîguo maûndû menyu methagîrwe marî maro, na mûthiî na mbere gûtûûra vûrûrirî ûrîa mûkwîgwatîra.

Gûco 6:2

Mavinda monthe marîa mue na njiarwa cienyu mûgûtûûra mwoyo, mûgetigagîra Ngai-Mûnene, Ngai wenyu na mwathîkagîre irîra ciake cionthe na mawatho marîa ngûmûva, nîguo mûtûûre îvinda îraca vûrûrirî ûcio ngûmûva.