Gûco 5:29 - ÎVUKU RÎA ÛVORO MWARO

²⁹ Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

Gûco 5:29 ပူးပေါင်းရင်းမြစ်များ

1Maû 29:18

Ngai-Mûnene, Ngai wa methe metû ma tene, Iburahimu, Isaka na Jakovu, tûma wendi ûyû ûtûûre ngororî cia andû aku tene na tene na ûtûme vîndî cionthe mekarage makwîvokete.

Thaburi 106:3

Kûrathimwa nî arîa marûmagîrîra kîvooto, arîa mekaga maûndû ma ûthingu vîndî cionthe.

Thaburi 19:11

Nî manthomithagia nie ndungata yaku, nî monaga maûndû maro rîrîa namaathîkîra.

Thaburi 19:12

Gûtirî mûndû wonaga mevia make ke mwene; ntheria we Ngai-Mûnene kuuma kûrî mavîtia marîa mbîkaga ndakûmenya.

Thaburi 78:7

Na njîra îo nîmakaaiga mwîvoko wao kûrî Ngai, na matikaariganîrwa nî ûrîa ekîte, nwatî nîmakaavingagia maathani make vîndî cionthe.

Thaburi 81:16

Nwatî mue nîngîamûvere irio mbaro cia ngano, na nîngîamûvaithirie na ûûkî kuuma kîthakarî.”

Isaia 3:10

Andû arîa athingu nîmagaakena, nîmakaarîa matunda ma maûndû marîa mekîte.

Isaia 48:18

“Naarî kethîrwa nîweguîte maathani makwa! Thayû ûngîakûnyûrûrûkîre ta rûnjî, ûngîagîre na ûthingu mwîngî ta makûmbî ma manjî.

Jeremia 42:6

Ethîrwa nî ûndû mwaro kana mûcûku, tue nîtûkwathîkîra mûgambo wa Ngai-Mûnene Ngai wetû, ûrîa tûragûtûma kûrî ke nîguo maûndû metû magîre twathîkîra Ngai-Mûnene Ngai wetû.”

Jeremia 44:4

Mavinda meengî nînatûmire arathi ndungata ciakwa kûrî mue, ngîmwîra atî, ‘Mûtigeke maûndû mama macûku ûguo nthûrîte!’

Mathaayo 23:37

“Jerusalemu, Jerusalemu! We nî ûragaga arathi na ûkariva na mathiga andû arîa onthe Ngai agûtûmîra! Nî maita megana nie nanenda gûcokanîrîria andû aku vamwe, wata ûrîa ngûkû îcokanagîrîria tûciiû rungu rwa mathagu mayo nwatî ndwanambîtîkîria!

Luka 11:28

Nwatî Jesû nîwamûcokerie atîrî, “Kûrathimwa makîria nî andû onthe arîa megucaga kiugo Kîam Ngai na magakîathîkîra!”

Luka 19:42

akiugaga atîrî, “Naarî kethîrwa mwamenya maûndû marîa marendekana ûmûnthî nîûndû wa thayû! Nwatî rîu mûtiravota kûmona!

Johana 15:14

Mwona mweka maûndû marîa nîmwathaga, nîmûgûtuîka arata akwa.

2Akor 5:20

Kwoguo, tue tûrî arîrîria a Kristû ta arî Ngai ûrathaithana na njîra yetû. Nîtûramûthaitha vandûrî va Kristû, mwîgwithanue na Ngai.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Aefeso 6:3

“nîguo maûndû monthe maku mathiî waro na ûtûûre îvinda îraca gûkû nthî.”

Gûco 10:12

“Rîu mue andû a Isiraeli, na kinthî maûndû marîa Ngai-Mûnene Ngai wenyu endaga kuumana namue tî kûmwîtigîra, kûrûmîrîra njîra ciake cionthe, kûmwenda, kûmûtungatagîra na ngoro yonthe na mwoyo wonthe,

Gûco 10:20

Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 11:1

“Endagani Ngai-Mûnene Ngai wenyu vîndî cionthe na mwathîkagîre maûndû marîa aathanîte, mawatho make, irîra ciake, na maathani make.

Gûco 12:25

Mûtikarîe nthakame nîguo maûndû menyu na ma njiarwa cienyu makaavua nîûndû mûkeethîrwa mûvingîtie ûrîa Ngai-Mûnene endaga.

Gûco 12:28

Menyererani mûno kwathîkagîra maûndû monthe marîa ngûmwatha, nîguo maûndû menyu na ma njiarwa cienyu matûûre marî maro, nîûndû mûkeethagîrwa mûvingîtie ûrîa Ngai-Mûnene Ngai wenyu athanîte.

Gûco 19:13

Mûtikeguîre mûndû ûcio ûûraganîte ntha. Mûkaathiria andû arîa maûragaga arîa engî matarî na mavîtia vûrûrirî wa Isiraeli nîguo mûtûûre na thayû.

Gûco 22:7

Nwa woce twana, nwatî ûrekererie ng'ina îthiî. Weka ûguo nîûkaagîa na ûtûûro mwaro na ûtûûre mîaka mîngî.

Gûco 4:10

Mamenyithagieni ûvoro wa mûthenya ûrîa mwarûngamire mbere ya Ngai-Mûnene, Ngai wenyu kîrîmarî Kîam Horebu, rîrîa aambîrire, ‘Îta andû a Isiraeli vamwe. Nîrenda megue ûrîa nguga, nîguo mamenye kûmbathîkagîra mavinda marîa monthe magûtûûra nthî, na mathomithagie ciana ciao gwîka guo.’

Gûco 4:2

Mûtikongerere kana mûrute ûndû wanarî ûmwe kûrî maûndû marîa ngûmwatha. Athîkagîra maathani ma Ngai-Mûnene, Ngai wenyu marîa nîmûvete.

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Gûco 5:16

Tîîa aguo na nyûkwe wata ûrîa Ngai-Mûnene, Ngai waku akwathîte wîkage. Weka ûguo maûndû maku nîmakûvua na nîûgûtûûra vîndî ndaca vûrûrirî ûrîa Ngai-Mûnene, Ngai waku agûkûva.

Gûco 5:30

Thiî ûmeere macoke magemarî mao.

Gûco 5:33

Athîkagîrani maûndû monthe marîa Ngai-Mûnene, Ngai wenyu amwathîte nîguo maûndû menyu methagîrwe marî maro, na mûthiî na mbere gûtûûra vûrûrirî ûrîa mûkwîgwatîra.

Gûco 6:17

Menyagîrîrani mûvingagie Maathani monthe ma Ngai-Mûnene, Ngai wenyu na kinyi, kîrîra gîake na mawatho marîa amwathîte.

Gûco 6:18

Îkagani maûndû marîa magîrîre na marîa maro methorî ma Ngai, nîguo maûndû menyu methîrwe marî maro na mûvote kwîgwatîra vûrûri mwaro ûrîa Ngai-Mûnene eerîre methe menyu na mwîvîtwa atî nîakaamava,

Gûco 6:3

Kwoguo mue andû a Isiraeli, thikîrîriani maathani mau na mûmathîkîre na kinyi! Mweka ûguo maûndû menyu nîmakûvua na mwongerereke mwîngîve mûno na mûtûûre vûrûrirî ûcio mûnoru, ûrî îriia na ûûkî wata ûrîa Ngai-Mûnene, Ngai wa methe menyu aamwîrîîre.

Gûco 8:6

Kwoguo athîkagîrani maathani ma Ngai-Mûnene, Ngai wenyu na mûrûmagîrîre njîra ciake mûkîmwîtigagîra.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Jakuvu 1:25

Nwatî andû arîa mathomaga waro watho ûrîa mûkinyanîru na ûrutaga mûndû ûkomborî, nîaûrûmagîrîra na akavingia ûrîa ugîte na tî kûthikîrîria na akîriganîrwa nîguo, andû acio nî arathime maûndûrî monthe marîa mekaga.

Kûguû 22:14

Kûrathimwa nî arîa mathambagia nguo ciao ikathera, nîguo metîkîrue kûrîa matunda kuuma mûtîrî wa mwoyo. Andû acio nîmakaavîtûkîra mîîrîgarî mathiî îtûûrarî.

Ruthu 3:1

Vuvarî Naomi nîwerire Ruthu atîrî, “Nî waro ngûcarîrie mûthuuri nîguo wîthîrwe ûrî na mûciî waku.