Gûco 5:26 - ÎVUKU RÎA ÛVORO MWARO

²⁶ Kûrî mûndû wanegua mûgambo wa Ngai ûrîa ûtûûraga mwoyo akîaria arî mwakirî ta ûrîa twîguîte na agatûûra mwoyo?

Gûco 5:26 ပူးပေါင်းရင်းမြစ်များ

Kîam 32:31

Riûa nîrîarathire Jakovu arî njîrarî aumîte Penieli, na nîwathuaga nîûndû ngunguro yake yarî mvenûku.

Kîam 6:12

Nake Ngai nîwaroririe na akîona nthî îrî njûku nîûndû andû onthe maatûûraga mevagia.

Thaburi 42:2

Nînyonderete Ngai, Ngai ûrîa ûtûûraga mwoyo. Ngaakinya gwake rî mone ûthiû wake?

Thaburi 42:3

Methori makwa nîmo matuîkîte irio ciakwa ûtukû na mûthenya, vîndî cionthe nthû ciakwa imbûragia atîrî, “Ngai waku arî kû?”

Thaburi 84:2

Nînîrerirîria gûtûûra hekarûrî ya Ngai-Mûnene. Ngoro na mwîrî wakwa wonthe nîcinagîra Ngai ûrîa ûtûûraga mwoyo ikenete.

Ntha 20:22

Ngai-Mûnene nîwathire Musa akeere andû a Isiraeli atîrî, “Mue ene nîmweîguîra ngîaria namue kuuma îgûrû.

Isaia 40:6

Kûrî na mûgambo waugire atîrî, “Anîrîra!” Nanie ngîûria atîrî, “Manîrîre ndûî?” “Anîrîra atî: Andû onthe mekariî ta nyaki, ûthaka wao wîkariî ta maûa marî mûgûndarî.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Danieli 6:26

Nînathana nauga atî kûrîa kuonthe ûthamaki wakwa ûkinyîte, nwanginya andû onthe metigagîre na matîage Ngai wa Danieli. Nîûndû ke nî Ngai wî mwoyo na ûtûûraga tene na tene. Ûthamaki wake ndûkaathira rî kana rî na nîatûûra athanaga tene na tene.

Mathaayo 26:63

Nwatî Jesû ndaamatumûka, aakirire kivi. Na wa rîngî Mûthînjîri-Ngai ûrîa mûnene nîwerire Jesû atîrî, “Nie nakwatha na rîîtwa rîa Ngai ûrîa ûtûûraga Mwoyo ûtwîre kana we nîwe Mesaya Mûriû wa Ngai.”

Ciîko 14:15

“Mue andû aya, mûreka ûguo nîkî? Tue wa natue tûrî andû tu mekariî wa tamue. Tue twaûka kûmûretere Ûvoro Mwaro na kûmwîra atî mue nîmwagîrîrwe nî gûtigana na maûndû mama matarî na vata na mûgarûrûkîre Ngai mûtûûra mwoyo. Ke nîke waûmbire îgûrû, nthî, îria, na indo cionthe irîa irî ndaarî yacio.

Aroma 3:20

Nîûndû gûtirî mûndû ûngîtuîka mûthingu mbere ya Ngai nîûndû wa kwathîkîra Watho. Ûrîa watho wîkaga nî kûmenyithia mûndû atî nî evîtie.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Gûco 4:33

Kûrî andû manegua mûgambo wa ngai îkîaria îrî mwakirî na magîtûûra ta ûrîa mue mwegwire na mûgîtûûra?

Gûco 5:27

Musa, coka na ûthikîrîrie maûndû monthe marîa Ngai-Mûnene, Ngai wetû akuga. Ûcoke ûke ûtwîre maûndû mau monthe agûkwîra na nî tûkûmegua na tûmeke.’

1Ath 1:9

Andû acio onthe maragia ûvoro wîgiî ûrîa mwatûnyitire ûgeni rîrîa twamûceerere. Nîmaragia ûvoro wîgiî ûrîa mwagarûrûkîre Ngai na mûgîtiga kûvoya mîvuanano nîguo mûtungatîre Ngai ûrîa wa ma na ûtûûraga Mwoyo.

Josh 3:10

na nîmûkûmenya atî Ngai ûrîa ûtûûraga mwoyo arî vamwe namue nîûndû vîndî îrîa mûkaambîrîria gûtonya vûrûrirî ûcio nîakeengata andû a Kanaani, Ahiti, Ahivi, Aperizi, na Agirigashi, na avinyûrie Amori, na Ajebusi.

Atir 13:22

Manoa nîwacokire akîra mûka atîrî, “Na ma nîtûgûkua nîûndû nîtwonete Ngai.”

1Sam 17:26

Daudi nîwaûririe andû arîa maarî vakuvî nake atîrî, “Mûndû ûrîa ûkaaûraga Mûfilisiti ûyû na athengutîrie Isiraeli gîconoko gîkî-rî, akaavewa ndûî? Mûfilisiti ûyû ûtarî mûruu nîkwa arî ûrîkû ke atî nîguo anyararithie athigari a Ngai ûrîa ûtûûraga mwoyo?”