Gûco 5:21 - ÎVUKU RÎA ÛVORO MWARO

²¹ “ ‘Ndûkerirîrie mûka wa mûndû ûrîa wîngî, ndûkerirîrie nyomba ya mûndû ûrîa wîngî, kana mûgûnda wake, ndungata yake ya mûndûmûrûme kana ya mûndûmûka, kana ndegwa yake, kana mvunda yake, kana kîndû gîake wa kîonthe.’

Gûco 5:21 ပူးပေါင်းရင်းမြစ်များ

2Sam 11:2

Mûthenya ûmwe kîvwaî, Daudi nîwaûkîrire akiuma varîa aanogokaga na agîtwa îgûrû rîa nyomba ya Mûthamaki. Rîrîa aacerangaga kûu îgûrû, nîwonire mûndûmûka akîîthambia. Mûndûmûka ûcio aarî mûthaka mûno.

Ayubu 31:9

Ethîrwa ngoro yakwa nîngucîrîrie kûrî mûndûmûka wene, na ngekara mûromorî wa nyomba yake nîmwetererete;

Ntha 20:17

“Ndûkerirîrie nyomba ya mûndû wîngî, wana kana wîrirîrie mûka. Ndûkerirîrie ndungata ya mûndû wîngî, ya mûndûmûrûme kana ya mûndûmûka, kana ndegwa yake kana mvunda yake kana kîndû gîake kîonthe.”

Nthi 6:25

Ndûkerirîrie ûthaka wake, na akûveneria na metho make ndûkamûrûmîrîre.

Mika 2:2

Meriragîria mîgûnda, makathiî na makamîoca; meriragîria nyomba, makathiî na magacioca; mavinyagîrîria mûndû na andû a mûciî wake, na magacuuna andû indo ciao.

Habakuku 2:9

We wîtongetie na indo irîa wocete na vinya, kaî wî na thîna-î, na nîûgeretie kwiga mûciî waku ûrî na thayû na ûtarî na thîna wanarî vanini.

Luka 12:15

Nake Jesû nîwacokire akîra andû onthe atîrî, “Îîmenyagîrîreni na mwîgitagîre kuumana na maûndû monthe ma ûkoroku, nîûndû mûtûûrîre wa ma wa mûndû ndwîthagîrwa ûthondeketwe nî ûtonga wana angîthîrwa mûndû ta ûcio atongete atîa.”

Aroma 13:9

Maathani maugîte atîrî, “Ndûkatharanie, ndûkaûragane, ndûkaîe na ndûkerirîrie kîndû kîene.” Maathani mama monthe na marîa mengî monthe mavingagua na rîathani rîmwe tu, atî: “Enda mûndû ûrîa mûriganîtie nake wata ûrîa wîendete we mwene.”

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”