Gûco 5:16 - ÎVUKU RÎA ÛVORO MWARO

¹⁶ Tîîa aguo na nyûkwe wata ûrîa Ngai-Mûnene, Ngai waku akwathîte wîkage. Weka ûguo maûndû maku nîmakûvua na nîûgûtûûra vîndî ndaca vûrûrirî ûrîa Ngai-Mûnene, Ngai waku agûkûva.

Gûco 5:16 ပူးပေါင်းရင်းမြစ်များ

Ntha 20:12

“Tîîa aguo na nyûkwe, nîguo ûtûûre mîaka mîîngî vûrûrirî ûrîa Ngai-Mûnene, Ngai waku agûkûva.

Nthi 3:1

Mwana wakwa, ndûkariganîrwe nî kîrîra gîakwa, igaga maathani makwa ngororî yaku.

Ezek 22:7

Îthe na ng'ina wa mûndû arîa marî kûrî we mativecagwa gîtîîo. Mûgeni ûrîa ûtûûraga gwaku, nîacunagwa indo ciake. Nacio ciana cia ngoriai na aka a ndigwa nîmoonagîrwa.

Alawi 19:3

Mue muonthe, nwanginya wa mûndû atîîage îthe na ng'ina na nwanginya mûririkanageni mîthenya yakwa ya thavatû, wata ûrîa mbathanîte. Nie nînie Ngai-Mûnene, Ngai wenyu.

Mathaayo 19:19

tîîa aguo na nyûkwe na wende mûndû ûrîa mûtûûranîrîte nake wata ûrîa we wîyendete.”

Maariko 10:19

We nîwîcî maathani ma Ngai: ‘Ndûkanaûragane; ndûkanatharanie; ndûkanaîe; ndûkanaigîrîre mûndû kîng'enyo; ndûkanaveenanie; tîîa aguo na nyûkwe.’ ”

Maariko 7:10

Nîûndû Musa nîwaugire atîrî, ‘Tîîa aguo na nyûkwe!’ Wana rîngî akiuga atîrî, ‘Mûndû ûrîa ûnyararaga îthe kana ng'ina arokua.’

Luka 18:20

We nîwîcî maathani maugîte atî: ‘Ndûkanatharie; ndûkanaûragane; Ndûkanaîe; ndûkanaigîrîre mûndû ûrîa wîngî kîng'enyo; na ûtîîe aguo na nyûkwe.’ ”

Gûco 11:9

Namue nîmûgaatûûra kavinda karaca vûrûrirî ûcio wîcûrîte îriia na ûûkî, vûrûri ûrîa Ngai-Mûnene eerîrîre methe menyu wa vamwe na njiarwa ciao atî nîakaamava.

Gûco 27:16

“ ‘Kûnyitwa nî kîrumi nî mûndû ûrîa ûtatîîaga îthe kana ng'ina.’ “Nao andû onthe nîmakaauga, ‘Ameni!’

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

Gûco 5:33

Athîkagîrani maûndû monthe marîa Ngai-Mûnene, Ngai wenyu amwathîte nîguo maûndû menyu methagîrwe marî maro, na mûthiî na mbere gûtûûra vûrûrirî ûrîa mûkwîgwatîra.

Gûco 6:2

Mavinda monthe marîa mue na njiarwa cienyu mûgûtûûra mwoyo, mûgetigagîra Ngai-Mûnene, Ngai wenyu na mwathîkagîre irîra ciake cionthe na mawatho marîa ngûmûva, nîguo mûtûûre îvinda îraca vûrûrirî ûcio ngûmûva.

Akol 3:20

Namue ciana, athîkagîrani aciari enyu vîndî cionthe, nîûndû ûguo nîguo ûkenagia Ngai.