Gûco 5:14 - ÎVUKU RÎA ÛVORO MWARO

¹⁴ Nwatî mûthenya wa mûgwanja nî thavatû ya Ngai-Mûnene, Ngai waku. Mûthenya ûcio, ndûkarutage wîra wana ûrîkû, we mwene, kana mûvîcîguo, kana mwarîguo, kana ndungata yaku ya mûndûmûrûme kana ya mûndûmûka kana ndegwa yaku, kana mvunda yaku kana nyamû yaku wa yonthe, kana mûgeni ûrîa wî gwaku mûciî. We na ndungata ciaku nwanginya mûvurûkage mûthenya ûcio.

Gûco 5:14 ပူးပေါင်းရင်းမြစ်များ

Kîam 2:2

Naguo mûthenya wa mûgwanja Ngai aarî mûrîkiu wîra ûrîa aarutaga, na akînogoka.

Nehemia 13:15

Kavinda kau nînonire andû a Juda makîviva thavibu mûthenya wa thavatû na nîmaaretaga irio cia mîgûnda maikuithîtie mvunda. Na engî nîmaaretaga ndivei, thavibu, na ndamaiyû îtûûrarî rîa Jerusalemu mûthenya wa thavatû maikuîte na mvunda. Nînaamakaanirie na ngîmeera matikendie indo mûthenya wa thavatû.

Nehemia 13:16

Andû a kuuma Turo arîa maatûûraga Jerusalemu nîmaaretaga nthamaki na indo cia mîthemba yonthe mûthenya wa thavatû na makendagîria andû a Juda na Jerusalemu.

Nehemia 13:21

Nwatî nînaamakaanirie na ngîmeera atîrî, “Mûrarara ava rûthingorî nîkî? Mweka ûguo rîngî nîngaamwîngata na vinya.” Kuuma vîndî îo matiacoka gûka mûthenya wa thavatû.

Nehemia 5:5

Tûrî a nthakame îmwe na Ayahudi acio etû. Ciana cietû nî ûndû ûmwe na ciana ciao. Nwatî rîu ciana cietû tûraitua ngombo. Erîtu etû amwe nîmendetue ta ngombo. Nwatî tûtingîvota gwîtethia, nîûndû tûrî acune mîgûnda yetû na mîtî yetû ya mîthavibu nî andû engî.”

Ntha 23:12

“Rutaga wîra waku mîthenya îtandatû, nwatî mûthenya wa mûgwanja vurûkaga, nîguo ngombo ciaku, na ageni arîa makûrutagîra wîra mavurûkage, wana ndegwa na mvunda ciaku ivurûkage.

Alawi 23:3

Mûrî na mîthenya îtandatû îrîa mûkaarutaga wîra, nwatî mûthenya wa mûgwanja, mûthenya wa thavatû, nî mûthenya wa kûvurûka. Mûtiagîrîrwe nî kûruta wîra mûthenya ûcio, nwatî mûgomanage vamwe nîûndû wa kûgooca. Thavatû nî yakwa, na mûkaamîmenyagîrîra mûrî wa kûrîa mûkethagîrwa mûrî.

Maariko 2:27

Nake Jesû akîrîkîrîria nîwamerire atîrî, “Mûthenya wa thavatû watuirwe nîûndû wa wagîrîru wa mûndû, nwatî mûndû ndaaûmbwa nîûndû wa thavatû.

Luka 23:56

Nîmaacokire makînûka, makîvarîria indo cianungaga waro na maguta maanungaga waro ma gwîtîrîria mwîrî wa Jesû. Naguo mûthenya wa thavatû wakinya nîmaanogokire wata ûrîa Watho wathanîte.

Gûco 5:13

Rutaga wîra waku wonthe mîthenya îtandatû.

Ahib 4:4

Nîûndû mandîkorî matheru kûrî vandû vandîkîtwe ûvoro wîgiî mûthenya wa mûgwanja atîrî, “Ngai aavurûkire mûthenya wa mûgwanja na agîtiga kûruta wîra wake wonthe.”