Gûco 4:5 - ÎVUKU RÎA ÛVORO MWARO

⁵ “Nie nînîmûthomithîtie mawatho monthe na matuîro ma ciira, wata ûrîa Ngai-Mûnene, Ngai wakwa aambathire mbîke. Mûkaavingagia mawatho mau mûrî vûrûrirî ûrîa mûgûtonya mwîgwatîre ûtuîke wenyu.

Gûco 4:5 ပူးပေါင်းရင်းမြစ်များ

Thaburi 71:17

We Ngai, ûtwîre ûnthomithagia kuuma nîrî mûnini, na managîrîre ciîko ciaku cia magegania.

Ntha 18:20

Mathomithagie maathani na mawatho ma Ngai na ûmataaragîrie ûrîa magîrîrwe nî gûtûûra wana gwîka.

Jeremia 11:6

Ngai-Mûnene nîwambîrire atîrî, “Anîrîra maûndû mama monthe matûûrarî ma Juda na tûcîrarî twa Jerusalemu. Îra andû a kuo megue maûndû marîa marî kîrîkanîrorî na mamavingie.

Ezek 20:11

Nînaamavere irîra ciakwa na ngîmamenyithia mawatho makwa nîguo mûndû amarûmîrîra atûûre mwoyo.

Alawi 19:19

“Athîkagîrani mawatho makwa. Mûtigatûme nyamû irîa mûrîthagia iciarane itarî cia kîruka kîmwe. Mûtikavande mîthemba îîrî ya mbeû mûgûndarî ûmwe. Mûtigekîre nguo îtumîtwe na itambaa cia mîthemba îîrî.

Alawi 26:46

Mama nî mawatho, irîra na maathani marîa Ngai-Mûnene aaveere andû a Isiraeli kûvîtûkîrîra kûrî Musa kîrîmarî gîa Sinai.

Alawi 27:34

Mama nîmo maathani marîa Ngai-Mûnene aaveere andû a Isiraeli kûvîtûkîrîra kûrî Musa kîrîmarî gîa Sinai.

Alawi 7:38

Ngai-Mûnene aavereere Musa maathani mau îgûrû rîa kîrîma gîa Sinai kûu werûrî mûthenya ûrîa eerire andû a Isiraeli marutagîre Ngai-Mûnene matega mao.

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Ciîko 20:27

nîûndû nie ndianamûthitha ûndû wana ûmwe wa marîa Ngai avangîte gwîka.

1Akor 11:28

Mûndû nîambage gwîtuîria ke mwene mbere ya kûrîa mûgate ûcio na kûnyuîra gîkomberî kîu.

1Akor 15:3

Ûvoro wa mbere na wa vata mûno ûrîa namûkinyîrie na ûrîa wa nanie naamûkîre nî atî: Kristû nîwakwire nîûndû wa mevia metû, wata ûrîa kwandîkîtwe Mandîkorî Matheru.

Gûco 11:32

mwîmenyagîrîreni mûvingagie na kinyi maathani monthe marîa namûva ûmûnthî.

Gûco 4:1

Musa nîwacokire akîra andû a Isiraeli atîrî, “Kwoguo athîkagîrani mawatho monthe na matuîro ma ciira marîa nîramûthomithia, na nî mûgaatonya na mûtûûre vûrûri ûrîa Ngai-Mûnene, Ngai wa methe menyu akûmûva.

Gûco 4:2

Mûtikongerere kana mûrute ûndû wanarî ûmwe kûrî maûndû marîa ngûmwatha. Athîkagîra maathani ma Ngai-Mûnene, Ngai wenyu marîa nîmûvete.

Gûco 4:4

Nwatî andû amwe gatagatîrî kenyu, arîa maarî evokeku kûrî Ngai-Mûnene, Ngai wenyu, marî mwoyo nginya ûmûnthî.

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Gûco 5:1

Musa nîwetire andû onthe a Isiraeli vamwe na akîmeera atîrî, “Mue andû a Isiraeli tathikîrîriani, mawatho na irîra irîa ngûmwîra ûvoro wacio ûmûnthî nîguo mûimenye na mûivingagie na kinyi.

Gûco 6:1

“Rîîrî nîrîo rîathani, mawatho na irîra irîa Ngai-Mûnene, Ngai wenyu aambathire nîmûthomithie, nîguo mûirûmagîrîre mûrî vûrûri ûrîa mûthiîte kwîgwatîra.

Gûco 7:11

Kwoguo menyagîrîrani mûvingagie na kinyi maathani, mawatho na matuîro ma ciira marîa ngûmwatha ûmûnthî.

Gûco 8:11

“Îîmenyerereni mûtikariganîrwe nî Ngai-Mûnene, Ngai wenyu. Mûtikarege kwathîkîra maathani, matuîro ma ciira na mawatho make marîa ngûmûva ûmûnthî.

Ahib 3:5

Musa aarî mwîvokeku maûndûrî monthe arî ndungata nyombarî ya Ngai. Ke nîwaririe ûvoro wîgiî maûndû marîa Ngai akaaria mavinda marîa magaaûka.