Gûco 4:38 - ÎVUKU RÎA ÛVORO MWARO

³⁸ Ke nîwengatire andû a mavûrûri manene na maarî na vinya kûrî mue, nîguo amûvire kuo na amûve vûrûri ûcio wao ûtuîke wenyu ta ûrîa gwîkariî ûmûnthî.

Gûco 4:38 ပူးပေါင်းရင်းမြစ်များ

2Maû 20:11

Taroria rîu ûrîa maratwîka. Maûkîte gûtûtharîkîra nîguo tuume vûrûrirî ûrîa watûveere ûtuîke wetû.

2Maû 20:7

Ngai wetû, vîndî îrîa andû a Isiraeli maatonyire vûrûrirî ûyû, kinthî ndwengatire andû arîa maatûûraga kuo na ûkîûva njiarwa cia Iburahimu, mûrata waku nîguo ûtuîke wao tene na tene?

Ndari 32:4

nî vûrûri ûrîa Ngai-Mûnene aavootanîre andû a Isiraeli. Vûrûri ûcio nî mwaro wa ndîthia na tue ndungata ciaku tûrî na ndîthia nyîngî mûno.

Ndari 34:14

Mîvîrîga ya Reubeni, Gadi na nuthu ya mûvîrîga wa Manase nîmarîkîtie kûnyita îgai rîao na makagaana kûringana na mbarî ciao.

Ndari 34:15

Mîvîrîga îo îîrî na nuthu yagaîrwe vûrûri ûrîa ûrî mwena wa îrathîro wa rûnjî rwa Jorodani ûroretie îtûûra rîa Jeriko.”

Gûco 11:23

Ngai-Mûnene nîakeengata andû a mavûrûri mau monthe nîguo mûtonye kuo. Nîmûkegwatîra mavûrûri manene na marî na vinya kûrî mue.

Gûco 2:31

“Ngai-Mûnene nîwacokire akîmbîra atî, ‘Taroriani, nie nînyambîrîrîtie kûnenganîra mûthamaki Sihoni vamwe na vûrûri wake kûrî mue. Ocani vûrûri wake ûtuîke wenyu.’

Gûco 7:1

“Rîrîa Ngai-Mûnene, Ngai wenyu akaamûkinyia vûrûrirî ûrîa mûkegwatîra ûtuîke wenyu, nîakengata andû a mavûrûri mûgwanja arîa marî vinya kûrî mue maume kuo. Namo nî: Ahiti, Agirigashi, Amori, Akanaani, Aperizi, Ahivi na Ajebusi.

Gûco 8:18

Ririkanani atî nî Ngai-Mûnene, Ngai wenyu ûvecanaga ûvoti wa gûtonga. Ekaga ûguo nîguo avingie maûndû marîa aarîkanîre na methe menyu wata ûrîa gwîkariî ûmûnthî.

Josh 3:10

na nîmûkûmenya atî Ngai ûrîa ûtûûraga mwoyo arî vamwe namue nîûndû vîndî îrîa mûkaambîrîria gûtonya vûrûrirî ûcio nîakeengata andû a Kanaani, Ahiti, Ahivi, Aperizi, na Agirigashi, na avinyûrie Amori, na Ajebusi.