Gûco 4:36 - ÎVUKU RÎA ÛVORO MWARO

³⁶ Nîwatûmire mwîgue mûgambo wake arî kûu îgûrû nîguo amûthomithie, nakuo gûkû nthî nîwatûmire mwone mwaki wake mûnene na mûkîgua mûgambo wake ûrî mwakirî ûcio.

Gûco 4:36 ပူးပေါင်းရင်းမြစ်များ

Nehemia 9:13

Nîwanyûrûrûkire kuuma îgûrû kîrîmarî gîa Sinai, na ûkîaria na andû aku. Nîwamavere maathani na mawatho marîa maarî magîrîru.

Ntha 19:18

Nakîo kîrîma kîonthe gîa Sinai nîgîakunîkîtwe nî ndogo nîûndû Ngai-Mûnene aanyûrûrûkîte arî mwakirî agîûka îgûrû rîa kîrîma. Nayo ndogo yaunûkagia ta ndogo ya îtogi rînene, na andû nîmaatetemaga nî guoya.

Ntha 19:19

Naguo mûgambo wa karumbeta nîwathiîre na mbere wa ûkînenevaga. Musa nîwaririe, na Ngai akîmûcokeria na mûgambo ta wa ngwa.

Ntha 19:9

Ngai-Mûnene nîwacokire akîra Musa atîrî, “Taroria! Nîngûka kûrî we nîrî îtuurî rînene mûno. Na vîndî îrîa ngakwarîria andû nîmakaaîgua ngîkwarîria nao nîmagaatûûra magwîtîkîtie nginya tene na tene.” Musa nîwerire Ngai-Mûnene rîngî ûrîa andû maaugîte,

Ntha 24:16

Naguo riiri wa Ngai-Mûnene nîwanyûrûrûkire ûgîûka kîrîmarî kîu. Narîo îtu nîrîekarire rîkunîkîrîte kîrîma mîthenya îtandatû. Na mûthenya wa mûgwanja Ngai-Mûnene arî îtuurî rîu nîwetire Musa.

Gûco 4:12

Meereni ûrîa Ngai-Mûnene aaririe namue arî ndarî ya mwaki ûcio. Nîmwegucaga ciugo irîa aamwîraga nwatî mûtiamwonaga. Mwegucaga mîario yake tu.

Gûco 4:15

“Kwoguo nwanginya mûmenyerere mûtikariganîrwe atî vîndî îrîa Ngai-Mûnene aamwarîrie arî mwakirî kûu kîrîmarî gîa Sinai, mûtiamwona na mûtiîcî mûmbîre wake. Nîûndû wa ûguo îîmenyerereni mûno,

Gûco 4:33

Kûrî andû manegua mûgambo wa ngai îkîaria îrî mwakirî na magîtûûra ta ûrîa mue mwegwire na mûgîtûûra?

Gûco 8:5

Menyani atî wata ûrîa mwana averithagua nî îthe, nwa ta guo Ngai-Mûnene, Ngai wenyu amûverithagia.

Ahib 12:18

Mue mûtikinyîte vandû mûngîvutia ta ûrîa andû a Isiraeli maakinyire kîrîmarî gîa Sinai kîrîa gîaakanaga mwaki mûnene kûrî na nduma nene na rûkûngi rûnene.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!