Gûco 4:32 - ÎVUKU RÎA ÛVORO MWARO

³² “Tuîriani îgûrû rîgiî mavinda marîa mavîtûku rîrîa mûtaarî aciare nginya rîrîa Ngai aaûmbire mûndû gûkû nthî. Tuîriani nthî yonthe mwone kana kûrî ûndû mûnene ta ûyû wanekîka kana waneguîka.

Gûco 4:32 ပူးပေါင်းရင်းမြစ်များ

Kîam 1:27

Kwoguo Ngai nîwaûmbire andû mavana take. Aamaûmbire marî mûndû mûrûme na mûndû mûka.

2Sam 7:23

Gûtirî andû engî gûkû nthî mekariî ta Aisiraeli, arîa wakûûrire kuuma ûkomborî na ûkîmatua andû aku. Maûndû manene na ma magegania marîa wekire nîûndû wao matûmîte ngumo yaku îtambe nthî yonthe. Nîwengatire ndûrîrî irîa ciîngî wa vamwe na ngai ciacio kuuma kûrîa kuonthe andû aku maavîtûkagîrîra, andû wa acio wakûûrîte kuuma Misiri na magatuîka andû aku.

Ayubu 8:8

Nîramûthaitha mwîrute maûndû kuumana na arîa maarî kuo tene, na mûmenye maûndû marîa methe metû moonete.

Thaburi 44:1

Tue nîtwîguîte na matû metû, we Ngai, methe metû nîmatwîrîte, maûndû marîa wekire vîndî yao, marîa wekire vîndî ya tene:

Ntha 34:10

Ngai-Mûnene nîwerire Musa atîrî, “Rîu nîngûrûtha kîrîkanîro na andû a Isiraeli. Nîngeka maûndû ma magegania methorî mao, maûndû matarî manonwa nthî yonthe vûrûrirî wana ûrîkû. Andû onthe nîmakoona maûndû manene marîa nie, Ngai-Mûnene nîngîvota gwîka, nîûndû nîngeka maûndû ma gwîtigîrwa nîûndû waku.

Isaia 45:12

Nînie natûmire nthî îgîe kuo na ngîûmba andû nîguo matûûrage kuo. Nînie natambûrûkirie îgûrû, na ngîatha ciûmbe cionthe ciakuo igîe kuo.

Joeli 1:2

Thikîrîriani mue andû akûrû; thikîrîriani mue muonthe mûtûûraga nthî! Nîkûrî ûndû ta ûyû wanoneka mûtûûrîrerî wenyu, kana vîndî ya njiarwa cienyu?

Amosi 3:2

Gatagatî ka mavûrûri monthe ma nthî, mue nwa mue mbîcî. Kwoguo nîngûmûverithia nîûndû wa mavîtia menyu monthe:

Mathaayo 24:31

Natuo tûrumbeta nîtûkavuvwa. Nake nîagaacoka atûme araika mathiî nthî yonthe. Nao nîmakaaûngania andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.

Maariko 13:27

Nake nîagaacoka atûme araika mathiî nthî yonthe makaûnganie andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.

Gûco 28:64

“Ngai-Mûnene nîakaamûnyagania mavûrûrirî monthe ma nthî. Nîmûgaatungatîra ngai ng'eni irûthîtwe na mîtî na mathiga, irîa mue wana methe menyu mataanagooca.

Gûco 30:4

Wana ethîrwa mûnyaganîtie nginya mîthiia ya nthî, Ngai-Mûnene Ngai wenyu nîakaamûruta kuo na amûcokanîrîrie vamwe.

Gûco 32:7

“Taririkanani ûvoro wa mavinda ma tene; ta îcirieni ûvoro wa mîaka mîîngî mîvîtûku, ûriani methe menyu na nîmakûmwîra ûrîa gwekariî, ûriani athuuri enyu na nîmakûmwîra ûrîa gwekariî.

Gûco 33:29

Kûrathimwa nî mue andû a Isiraeli! Gûtirî andû mavaana tamue, andû a vûrûri ûrîa wavonokirue nî Ngai-Mûnene. Ngai-Mûnene nîke ngo yenyu na rûviû rwenyu, nîke ûmûgitagîra na akamûvootanîra. Nthû cienyu nîigaaûka mbere yenyu ciînyivîtie, namue nî mûkaamakinyangîra nthî.”

Gûco 4:7

“Nî vûrûri ûrîkû wana ethîrwa ûrî mûnene atîa wîthagîrwa ûrî na ngai îrî vakuvî naguo ta ûrîa Ngai-Mûnene, Ngai wetû ethagîrwa arî vakuvî natue rîrîa rîonthe twamwîta?