Gûco 4:28 - ÎVUKU RÎA ÛVORO MWARO

²⁸ Mûrî mavûrûrirî mau, mûgaatungataga ngai cia mûvuanano irûthîtwe nî andû: ngai cia mîtî, mathiga, irîa itonaga, itegucaga, itarîcaga na itanungagîra.

Gûco 4:28 ပူးပေါင်းရင်းမြစ်များ

2Atha 17:40

Kûnarî ûguo, andû acio matiegua ûrîa Ngai-Mûnene aameerire, na nîmaathiîre na mbere gwîka maûndû wa marîa meekaga tene.

Isaia 26:14

Andû acio nîmaakwire na matigaatûûra mwoyo rîngî; nîmatuîkîte iruru na matikaariûka. We nîwe wamaverithirie na ûkîmathiria, na gûtirî mûndû ûkaamaririkana rîngî.

Isaia 44:11

Nama, arîa onthe magoocaga ngai icio nîmagaaconorithua, wana arîa marutaga wîra ûcio nwa andû tu. Tiga magomane vamwe onthe na meyumîrie, nîmagetigîra na maconoke.

Isaia 44:12

Mûturi wa indo cia cuuma ocaga cuuma na akamîrutîra wîra akîmîvîvagia na mwaki. Amîturaga na nyondo na akamîthondeka na njara yake îrî vinya. Vîndî îo araruta wîra ûguo, ke nîavûtaga, akanyonda, akanoga na akathira vinya.

Isaia 44:9

Andû onthe arîa marûthaga mîvuanano nî a mana, na maûndû marîa mamakenagia matirî kîguni. Arîa maigoocaga mationaga na matiîcî atî nîmagaaconorithua.

Isaia 45:20

Ngai-Mûnene arauga atîrî, “Ûnganani vamwe mûke mue andû a ndûrîrî arîa mûtigarîte, mue mûtarî na ûmenyo; mue mûthiîcaga mûkuuîte mîvuanano ya mîtî, na mûvoyaga ngai irîa itangîvota kûvonokania.

Isaia 46:7

Maûkagîrîria mûvuanano ûcio makawigîrîra iturorî ciao, magaûkuua; mawigagîrîra vandû va guo, naguo ûkarûngama vo, mûvuanano ûcio ndûngîvota kuuma vandû vau va guo. Mûndû angîûkaîra ndûngîvota gûcokia ûndû, kana ûmûvonokia kuuma mathînarî marîa arî namo.

Jeremia 10:3

Mîtugo ya ndini ya andû acio nî ya maveeni. Mûtî nîûtemagwa mûtitûrî, na ûkaumua mûvuano wa ngai na kathanwa nî mûndû.

Jeremia 10:5

Mîvuanano yao îkariî ta inyamû cia kûvavûra iconi irî mûgûndarî wa marenge, ndîngîvota kwaria, nîkwa îkuagwa nîûndû ndîngîvota kûthiî. Ndûkamîtigîre nîûndû ndîngîka ûndû mûcûku, wana kana îka ûndû mwaro.”

Jeremia 10:9

Mîvuanano yao îgemetue na sîlûva kuuma Tarishishi, na thaavu kuuma Ofiri, îrûthîtwe nî andû marî na wara, wa kûrûtha indo na mbaû na aturi a thaavu, îcokete îgekîrwa itambaa cia rangi wa vururu na wa njambarawe, îtumîtwe nî andû marî na wara.

Jeremia 16:13

Kwoguo nîngûmwîngata kuuma vûrûri ûyû nîmûvire ûrîa mue wana kana methe menyu matanamenya. Mûrî kûu nîmûgaatungatîra ngai ciîngî ûtuku na mûthenya, na ndikamwîguîra ntha.’ ”

Ezek 20:32

Ûguo mûtuîte na ngoro cienyu gûtingîvoteka, nîûndû mûrauga atî nîmwenda kûvanana na ndûrîrî irîa ciîngî, irîa igoocaga mîtî na mathiga.”

Ezek 20:39

“Rîu mue andû a Isiraeli, Ngai-Mûnene augîte atî: Wa mûndû nîathiî na mbere gûtungatîra mûvuanano wake ethîrwa tîmûnthikîrîria. Nwatî mûtigûcoka gûturithia rîîtwa rîakwa rîtheru gîtîîo na iveo icio cienyu na mîvuanano yenyu ya kûgoocwa.

Ciîko 19:26

Rîu mue nîmûreyonera na mûkeîguîra maûndû marîa Paûlo areka. Ke augaga atî ngai cia mîvuanano irîa ithondeketwe na njara cia andû tî ngai cia ma. Ke nîarîkîtie kwîgwithia na akagarûra andû eengî arîa marî gûkû Efeso na arîa marî Asia vakuvî yonthe.

Ciîko 7:42

Nwatî Ngai nîwamatiganîrie na akîmarekereria magooce njata cia îgûrû wata ûrîa kwandîkîtwe îvukuurî rîa arathi atîrî, ‘Andû a Isiraeli! Nie tî nie mwathînjagîra na mûkarutîra magongoona vîndî îrîa mue mwaûrûraga werûrî kwa îvinda rîa mîaka mîrongo îna.

Gûco 28:36

“Ngai-Mûnene nîakaamûvira vamwe na mûthamaki wenyu vûrûri mûgeni kûrîa mue wana methe menyu mataicî. Mûrî kûu mûgaatungatagîra ngai ng'eni irûthîtwe na mîtî na mathiga.

Gûco 28:64

“Ngai-Mûnene nîakaamûnyagania mavûrûrirî monthe ma nthî. Nîmûgaatungatîra ngai ng'eni irûthîtwe na mîtî na mathiga, irîa mue wana methe menyu mataanagooca.

Gûco 29:17

Nîmwonire ngai cia mîvuanano irîa Ngai-Mûnene athûrîte irûthîtwe na mîtî, mathiga, sîlûva na thaavu.

Kûguû 9:20

Nao andû acio engî mataakua na njîra ya mathîna mau mathatû, matiatigana na maûndû marîa o ene meethondekerete. Matiatiga kûgooca ndaimono, kana mîvuanano ya thaavu, ya sîlûva, gîcango, kana mathiga na mîtî. Mîvuanano îo ndîavotaga kwona, kwîgua kana kûthiî na magûrû.

1Sam 26:19

Mwathi wakwa, rîu thikîrîria ûrîa ndungata yaku îkuga. Ethîrwa nî Ngai-Mûnene ûtûmîte wende kûmbûraga, nînîmûrutîra îtega nîguo agarûre îtua rîake. Nwatî ethîrwa nî andû matûmîte, Ngai-Mûnene arotûma magwatwe nî kîrumi nîûndû nîmamîngatîte ngauma îgairî rîrîa Ngai-Mûnene aatûveere na makiuga atî, ‘Thiî ûgatungatîre ngai ng'eni.’