Gûco 4:25 - ÎVUKU RÎA ÛVORO MWARO

²⁵ “Rîrîa mûgaatûûra vûrûrirî ûcio wa Kanaani îvinda îraca na mûgîe na ciana, nacio ciana icio igîe na ciana ciacio, mûtikevie mbere ya Ngai-Mûnene, Ngai wenyu, na njîra ya kwîrûthîra mîvuanano ya mûthemba wa wonthe, nîûndû ûndû ûcio nwa ûrakarie Ngai.

Gûco 4:25 ပူးပေါင်းရင်းမြစ်များ

2Atha 21:2

Manase nîwekire maûndû marîa mataakenagia Ngai-Mûnene, na kûrûmîrîra maûndû marîa meekagwa nî andû a mavûrûri marîa Ngai-Mûnene engataga, nao andû a Isiraeli magîtonyaga kuo.

Thaburi 78:58

Nîwarakarirue nî kûndû kûrîa maagoocagîra ngai cia mîvuanano, na nîweguire wîru nîûndû wa mîvuanano îo maaumîtie.

Ntha 20:4

“Ndûkanethondekere mûvuanano, kana mûvuanîre wa kîndû wa kîonthe kîrî îgûrû maturî, kana wa kîndû kîrî gûkû nthî, kana wa kîndû kîrî manjîrî marîa marî rungu rwa nthî.

Ntha 32:7

Ngai-Mûnene nîwerire Musa atîrî, “Nyûrûrûka narua nîûndû andû aku arîa warutire vûrûri wa Misiri nîmevîtie na makaregana nanie.

Ezek 8:10

Nînatonyire ndaarî na ngîroria. Rûthingorî gwecûrîte mbica cia nyamû cionthe irîa ikurumaga na irî mûgiro na mîvuano îrîa andû a Isiraeli maagoocaga.

Hosea 9:17

Ngai wakwa nîakaaregana nao, nîûndû nîmaregete kûmûthikîrîria; nîmatûûra maûrûraga mavûrûrirî.

Hosea 9:9

Nîmarikîrîte mûno maûndûrî ma ungumania, wata ûrîa kwarî vîndî ya Gibea. Ngai nîakaaririkana waganu wao, nîakamaverithia nîûndû wa mevia mao.

1Akor 10:22

Nîkwa tûrenda kûrakaria Mwathani kana nîkwa tûreciria atî tûrî na vinya kûmûkîra?

Gûco 16:22

Ndûgatume mûvuanano wa gîtugî Kîam îthiga gîa kûgoocaga nîûndû Ngai-Mûnene Ngai wenyu nîathûrîte mîvuanano.

Gûco 27:15

“ ‘Kûnyitwa nî kîrumi nî mûndû ûrîa ûkaarûtha ngai ya mûvuanano na akamîgoocaga na nthitho. Ngai-Mûnene nîathûrîte ûgooci wa mîvuanano.’ “Nao andû onthe nîmakaauga, ‘Ameni!’

Gûco 28:45

“Irumi icio cionthe nîikaamûrûmîrîra, imûnyite na imûthirie, nîûndû nîmwaregire kwathîkîra Ngai-Mûnene Ngai wenyu, na mûkîrega kûvingia mawatho na maathani marîa aamûveere.

Gûco 28:61

Ngai-Mûnene nîakaamûretera mîrimû ya mîthemba yonthe na mîthiro îtandîkîtwe îvukuurî rîîrî rîa watho na îmûthirie viû.

Gûco 30:18

nîramwîra ûmûnthî, atî nwanginya mûgaakua. Mûtigaatûûra îvinda îraca kûu vûrûrirî ûrîa mûthiîte kwîgwatîra mûringo wa rûnjî rwa Jorodani.

Gûco 30:19

Nîngwîta îgûrû na nthî ituîke aira ûmûnthî mûkîthuura ûndû ûmwe gatagatî ka maûndû mama namwîra; kîrathimo kana kîrumi, gîkuû kana mwoyo. Thuurani mwoyo nîguo mue na njiarwa cienyu mûtûûre.

Gûco 31:29

Nîmbicî narîkia gûkua nîmûgaatuîka andû aganu na mûregane na maûndû marîa naamwathire mwîkage. Mavinda marîa magaaûka nî mûkaanyitwa nî mîthiro, nîûndû mûkethîrwa mûrakarîtie Ngai-Mûnene na njîra ya gwîka maûndû macûku marîa areganîte namo.”

Gûco 32:5

Nwatî ciana ciake itirî na wîvokeku, tî agîrîru gûtuîka andû ake, nî rûciaro rwaganu na rwîvia.

Gûco 4:16

nîguo mûtikevie na njîra ya kwîrûthîra ngai cia mîvuanano ya kumua, îrî na mûvuanîre ta wa mûndûmûrûme kana mûndûmûka,

Gûco 4:23

Menyererani mûno mûtikariganîrwe nî kîrîkanîro kîrîa mwarîkanîre na Ngai-Mûnene, Ngai wenyu. Mûtikerûthîre mûvuanano wa wonthe wa indo irîa Ngai-Mûnene, Ngai wenyu aamûkaanirie.

Josh 23:16

ethîrwa mûtikaarûmîrîra maathani make. Maathani mau nî marîa Ngai-Mûnene, Ngai wenyu aamwîrire mûrûmagîrîre. Na ethîrwa nîmûgaatungatîra na mûgooce ngai ciîngî na mûciînamîrîra, nîakaarakara nîmue na amûverithie. Na vuvarî gûtirî mûndû wana ûmwe gatagatîrî kenyu ûgaatigara vûrûrirî ûyû mwaro Ngai-Mûnene, Ngai wenyu amûveete.”

Josh 24:20

ethîrwa nwa mûtiganîrie Ngai-Mûnene na mûcoke gûtungatîra ngai ng'eni. Nîakaamûgarûrûka na amûverithie mûthire wana ethîrwa kûrî mue aarî Ngai mwaro.”