Gûco 4:24 - ÎVUKU RÎA ÛVORO MWARO

²⁴ Ngai-Mûnene, Ngai wenyu ekariî ta mwaki ûrîa ûvîvagia ûkathiria viû. Ke nî Ngai wî wîru.

Gûco 4:24 ပူးပေါင်းရင်းမြစ်များ

2Atha 24:20

Ngai-Mûnene nîwarakarirue mûno nî andû a Jerusalemu na a Juda nginya akîmengata. Zedekia nîwareganire na mûthamaki wa Babuloni.

Thaburi 21:9

Nîûkaamathiria ta ûrîa mwaki ûvîvagia indo ikathira rîrîa akaaumîra. Ngai-Mûnene nîakaamathiria na marakara make, na nîmakaavîvua nî mwaki mathire viû.

Thaburi 78:58

Nîwarakarirue nî kûndû kûrîa maagoocagîra ngai cia mîvuanano, na nîweguire wîru nîûndû wa mîvuanano îo maaumîtie.

Ntha 15:7

Nîûndû wa ûnene waku we nîûng'aûranagia nthû ciaku; marakara maku makanaga makamavîvia ta rûûa.

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ntha 24:17

Naguo riiri wa Ngai-Mûnene wonagwa nî andû a Isiraeli wîkariî ta mwaki wakanîte ûrî gacûmbîrî ga kîrîma.

Ntha 33:3

Nîmûthiî vûrûri ûrî na îriia na ûkî. Nwatî nie tîtûthiîcania namue, nîûndû mûrî andû aremi na navota kûmûthiria mûrî njîrarî.”

Ntha 34:14

“Mûtikaagooce Ngai wîngî, nîûndû Ngai-Mûnene ûrîa rîîtwa rîake arî ‘Wîru’, nî Ngai ûrî wîru.

Isaia 10:17

Ngai, ûrîa arî ke ûtheri wa Isiraeli, akethîrwa ekariî ta mwaki. Mûtheru wa Isiraeli akethîrwa ekariî ta rûrîrîmbî rwa mwaki, ûrîa ûkaavîvia mîgua na nthaugû ciake mûthenya ûmwe.

Isaia 30:27

Taroriani, Ngai-Mûnene nîaûkîte aumîte kûndû kûraca, atûmbîtwe nî marakara na arî ndogorî ndumanu îkiunûkagia; mîromo yake îcûrîtwe nî mang'ûrîka, naruo rûrîmî rwake rwîkariî ta mwaki ûrîa ûvîvagia viû.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Isaia 42:8

“Nie nînie Ngai-Mûnene rîu nîrîo rîîtwa rîakwa. Gûtirî wîngî ngaava riiri wakwa, kana mvecana ngumo yakwa kûrî mîvuanano ya kumua.

Amosi 5:6

Cariani Ngai-Mûnene, namue nîmûgûtûûra mwoyo. Ethîrwa tîmûmûcaria nîakaamûthiria mue njiarwa cia Josefu na Mwaki. Mwaki nîûkavîvia atûûri a Betheli na gûtirî mûndû ûkaavota kûûvoria.

Nahumu 1:2

Ngai-Mûnene nî Ngai wî wîru; nîerîvagîrîria na arî marakara meengî, nîerîvagîrîa kûrî arîa mareganaga nake nîarakaraga nî nthû ciake.

Nahumu 1:6

Nû ûngîvota gwîtirîria marakara ma Ngai-Mûnene? Nû ûngîvota gwîtirîria ûrûrû wa marakara make? Mang'ûrîka make metûrûragwa ta mwaki; na nîenyûrangaga mathiga inuku.

Zefania 1:18

Mûthenya ûcio wa marakara ma Ngai-Mûnene sîlûva ciao kana thaavu ciao itikaavota kûmavonokia. Nîûndû wa mwaki wa wîru wake, nthî yonthe nîîkavîa. Nîakaathiria na îvenya arîa onthe matûûraga nthî.”

Zefania 3:8

Ngai-Mûnene nîwaugire atîrî, “Mbetererete mûthenya ûrîa ngarûngama nîrî mûira. Nînduîte ciira atî nîngûngania mavûrûri na mothamaki. Nthî yonthe nîgaacûkangua nî mwaki wa marakara ma Ngai-Mûnene.

Ndari 25:11

Finehasi, mûvîcî wa Eliazaru wa Aroni mûthînjîri-Ngai, nîwathiria marakara makwa kûrî andû a Isiraeli. Finehasi nîwareganire na ûvoro wa kûgooca ngai îngî tiga nie. Kîu nîkîo kîgiririe njûkangia andû a Isiraeli onthe narakara.

1Akor 10:22

Nîkwa tûrenda kûrakaria Mwathani kana nîkwa tûreciria atî tûrî na vinya kûmûkîra?

Gûco 29:20

Ngai-Mûnene ndakoovera mûndû ta ûcio. Vandû va ûguo, nîakaarakara nî mûndû ûcio na nîakaanyitwa nî irumi cionthe irîa mandîke îvukuurî rîîrî, nginya rîrîa Ngai-Mûnene akaathiria rîîtwa rîake gûkû nthî viû.

Gûco 32:16

Nîmaatûmire Ngai-Mûnene egue wîru nîûndû wa kûgooca ngai cia mîvuanano, na magîtûma arakare nîûndû wa ciîko ciao njûku.

Gûco 5:9

Ndûgaciînamîrîre kana ûigooce. Nîûndû nie Ngai-Mûnene, Ngai waku, nî Ngai wî wîru. Ngaakinyîria ciana waganu wa methe, nginya rûciaro rwa kathatû na rwa kana rwa andû arîa mamenete.

Gûco 6:15

Mweka ûguo, Ngai-Mûnene, Ngai wenyu ûrîa ûtûûraga gatagatîrî kenyu nîakaarakara na amûthirie viû gûkû nthî nîûndû ke nî Ngai wî wîru.

Gûco 9:3

Kwoguo menyani ûmûnthî atî Ngai-Mûnene, Ngai wenyu nîke ûkûmûtongoria avaana ta mwaki ûrîa ûvîvagia ûkathiria. Mûkîîgwatîra vûrûri ûcio, Ngai-Mûnene nîakaamavoota namue mûmengate na mûmathirie viû wa rîmwe wata ûrîa eeranîrîte.

Ahib 12:29

nîûndû Ngai wetû nî mwaki ûrîa ûvîvagia ûkathiria.