Gûco 4:2 - ÎVUKU RÎA ÛVORO MWARO

² Mûtikongerere kana mûrute ûndû wanarî ûmwe kûrî maûndû marîa ngûmwatha. Athîkagîra maathani ma Ngai-Mûnene, Ngai wenyu marîa nîmûvete.

Gûco 4:2 ပူးပေါင်းရင်းမြစ်များ

Thaburi 78:7

Na njîra îo nîmakaaiga mwîvoko wao kûrî Ngai, na matikaariganîrwa nî ûrîa ekîte, nwatî nîmakaavingagia maathani make vîndî cionthe.

Nthi 30:6

Ndûkongerere ûndû kûrî ûndû ûrîa augîte, nîguo ndagagûkaanie na wonekane ûrarîtie maveeni.

Mûvunjia 12:13

Vuva wa maûndû mama monthe, kûrî na ûndû ûmwe ûtigarîte: tîaga Ngai na mûvingagie Maathani make, nîûndû ûguo nîguo andû onthe magîrîrwe nî gwîka.

Jeremia 26:2

“Rûngama nja ya hekarû na warîrie andû a matûûra ma Juda arîa maûkaga gûkû hekarûrî kûgooca, ûmeere maûndû monthe marîa ngûkwatha ûtagûtigîrîra wanarî kiugo.

Mathaayo 5:18

Nîramwîra na ma atî, îgûrû na nthî itarî nthiru gûtirî gacunjî wana kamwe ka Watho gakaathengutua. Gûtirî gacunjî wana kanini atîa gakaathengutua maûndû monthe marîa marî wathorî matarî mavingu.

Mathaayo 5:43

“Mue nîmwîguîte atî kwerîtwe atîrî, ‘Endagani arata enyu na mûmenage nthû cienyu.’

Agal 3:15

Ariû na aarî a îthe wetû, nîngûmûva ngerekano ya maûndû marîa mwonaga wa mûthenya. Andû aîrî mangîrîkanîra ûndû na mawîtîkanîrie, gûtirî mûndû ûngîcûkia kana ongerere kîndû ûndûrî ûcio.

Gûco 1:3

Mûthenya wa mbere mweri wa îkûmi na ûmwe mwaka wa mîrongo îna kuuma andû a Isiraeli mauma Misiri, Musa nîwerire andû a Isiraeli maûndû monthe marîa Ngai-Mûnene aamwathîte ameere.

Gûco 12:32

“Menyagîrîrani mwîkage maûndû monthe marîa ngûmwatha; mûtikongerere kana mûrute wanarî ûndû.

Gûco 13:1

“Mûrathi kana mûndû ûrîa ûrotaga iroto angîûka kûrî mue na amwîre atî nîmûkûringîrwa Kîamma kana mwonue morirû,

Gûco 33:4

Musa nîwatwathire twathîkîre watho ûrîa aatûveere, nîûndû nîguo kîndû Kîam goro mûno kîrîa andû a Isiraeli maagaire.

Gûco 4:14

Vîndî îo Ngai-Mûnene nîwambathire akîmbîra nîmûthomithie mawatho monthe na matuîro ma ciira marîa mûkaarûmagîrîra mûrî vûrûrirî ûrîa mûthiîte kwîgwatîra ûtuîke wenyu.

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Gûco 4:5

“Nie nînîmûthomithîtie mawatho monthe na matuîro ma ciira, wata ûrîa Ngai-Mûnene, Ngai wakwa aambathire mbîke. Mûkaavingagia mawatho mau mûrî vûrûrirî ûrîa mûgûtonya mwîgwatîre ûtuîke wenyu.

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

Gûco 5:32

“Mue andû a Isiraeli, menyererani mwone nîmwavingia maûndû monthe marîa Ngai-Mûnene, Ngai wenyu amwathîte. Mûtikaregane na watho wanarî ûmwe wa Ngai-Mûnene.

Josh 1:7

Kwoguo gîa na vinya na ûmîrîrie na wathîkagîre watho wonthe kûringana na ûrîa Musa ndungata yakwa aakwathire. Ndûkagarûrûke na mwena wa ûrîo kana wa ûmotho ume wathorî ûcio. Na wona weka ûguo ûkavootanaga kûrîa kuonthe ûkathiîcaga.

Josh 8:35

Andû onthe a Isiraeli, aka na ciana na ageni arîa maatûûranagia nao nîmaathomerwe mawatho monthe marîa Musa aandîkire. Gûtirî wana rîmwe rîamo rîatigîrîrwe.