Gûco 4:16 - ÎVUKU RÎA ÛVORO MWARO

¹⁶ nîguo mûtikevie na njîra ya kwîrûthîra ngai cia mîvuanano ya kumua, îrî na mûvuanîre ta wa mûndûmûrûme kana mûndûmûka,

Gûco 4:16 ပူးပေါင်းရင်းမြစ်များ

Ntha 32:7

Ngai-Mûnene nîwerire Musa atîrî, “Nyûrûrûka narua nîûndû andû aku arîa warutire vûrûri wa Misiri nîmevîtie na makaregana nanie.

Isaia 40:18

Kwoguo mûngîringithania Ngai na ndûî, kana nîndûî mûngîmûvuanania nakîo?

Isaia 44:13

Mûvundi wa mbaû athimaga rûvaû, akarûkurura na karamu; nîacokaga akarûtenderia na randa. Nîacokaga akarûtenderia na randa rûgîe na mûvuanano ta wa mûndû na ûrî mûthaka, nîguo wîkarage varîa wigîtwe.

Ezek 8:10

Nînatonyire ndaarî na ngîroria. Rûthingorî gwecûrîte mbica cia nyamû cionthe irîa ikurumaga na irî mûgiro na mîvuano îrîa andû a Isiraeli maagoocaga.

Alawi 19:4

“Mûtikandiganîrie na mûgooce mîvuanano, kana mwîrûthîre ngai cia gûtwekua na mwaki. Nie nînie Ngai-Mûnene, Ngai wenyu.

Alawi 26:1

Ngai-Mûnene nîwerire andû a Isiraeli atîrî, “Mûtikerûthîre ngai cia mîvuanano kana mûvuanano wa îthiga rîrî riumie atî nîguo mûigoocage. Nie nînie Ngai-Mûnene, Ngai wenyu.

Johana 4:24

Ngai nî Roho, na arîa mamûgoocaga mamûgoocage na Roho na ûûma.”

Ciîko 17:29

Na nîûndû tue tûrî ciana cia Ngai, tûtiagîrîrwe nîgwîciria atî Ngai nî kîndû andû meciragîria kana mathondekaga kuumana na thaavu, sîlûva kana îthiga.

Gûco 16:22

Ndûgatume mûvuanano wa gîtugî Kîam îthiga gîa kûgoocaga nîûndû Ngai-Mûnene Ngai wenyu nîathûrîte mîvuanano.

Gûco 27:15

“ ‘Kûnyitwa nî kîrumi nî mûndû ûrîa ûkaarûtha ngai ya mûvuanano na akamîgoocaga na nthitho. Ngai-Mûnene nîathûrîte ûgooci wa mîvuanano.’ “Nao andû onthe nîmakaauga, ‘Ameni!’

Gûco 31:29

Nîmbicî narîkia gûkua nîmûgaatuîka andû aganu na mûregane na maûndû marîa naamwathire mwîkage. Mavinda marîa magaaûka nî mûkaanyitwa nî mîthiro, nîûndû mûkethîrwa mûrakarîtie Ngai-Mûnene na njîra ya gwîka maûndû macûku marîa areganîte namo.”

Gûco 4:23

Menyererani mûno mûtikariganîrwe nî kîrîkanîro kîrîa mwarîkanîre na Ngai-Mûnene, Ngai wenyu. Mûtikerûthîre mûvuanano wa wonthe wa indo irîa Ngai-Mûnene, Ngai wenyu aamûkaanirie.

Gûco 4:25

“Rîrîa mûgaatûûra vûrûrirî ûcio wa Kanaani îvinda îraca na mûgîe na ciana, nacio ciana icio igîe na ciana ciacio, mûtikevie mbere ya Ngai-Mûnene, Ngai wenyu, na njîra ya kwîrûthîra mîvuanano ya mûthemba wa wonthe, nîûndû ûndû ûcio nwa ûrakarie Ngai.

Gûco 5:8

“ ‘Ndûkerûthîre mîvuanano ya kîndû wa kîonthe kîrî îgûrû kana kîrî gûkû nthî, wana kana kîrî manjîrî.

Gûco 5:9

Ndûgaciînamîrîre kana ûigooce. Nîûndû nie Ngai-Mûnene, Ngai waku, nî Ngai wî wîru. Ngaakinyîria ciana waganu wa methe, nginya rûciaro rwa kathatû na rwa kana rwa andû arîa mamenete.

Gûco 9:12

“Ngai-Mûnene nîwacokire akîmbîra atîrî, ‘Ûkîra na ûnyûrûrûke ume gûkû kîrîmarî narua, nîûndû andû aku arîa warutire Misiri nîmekîte ûndû mûcûku; nîmatigîte wa rîmwe kûrûmîrîra mawatho marîa namaathire na nîmerûthîrîte mûvuanano.’

1Tim 1:17

Mûthamaki ûrîa ûtûûraga tene na tene, ûrîa ûtathiraga na ûtonekaga na nwake Ngai tu, arotîîwa na agakumua tene na tene! Ameni.