Gûco 4:10 - ÎVUKU RÎA ÛVORO MWARO

¹⁰ Mamenyithagieni ûvoro wa mûthenya ûrîa mwarûngamire mbere ya Ngai-Mûnene, Ngai wenyu kîrîmarî Kîam Horebu, rîrîa aambîrire, ‘Îta andû a Isiraeli vamwe. Nîrenda megue ûrîa nguga, nîguo mamenye kûmbathîkagîra mavinda marîa monthe magûtûûra nthî, na mathomithagie ciana ciao gwîka guo.’

Gûco 4:10 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

Thaburi 145:4

Rûciaro rûmwe nîrûkaaganagîra rûciaro rûrîa rwîngî wîra waku; na nîmakaanîrîra ciîko ciaku cia vinya.

Ntha 19:1

Mûthenya wa mbere wa mweri wa kathatû kuuma mauma Misiri andû a Isiraeli nîmaakinyire werûrî wa Sinai.

Ntha 19:11

na mevarîrie mbere ya mûthenya wa kathatû. Mûthenya ûcio wa kathatû nîngaanyûrûrûka nthiî kîrîmarî gîa Sinai îgûrû varîa nîngîonwa nî andû onthe.

Ntha 19:16

Naguo mûthenya wa kathatû kîraûko nîkwagîre ngwa nyîngî na mveni. Na kîrîmarî gûkiumîra îtu înene na gûkîguwa mûgambo mûnene wa karumbeta. Nao andû onthe arîa marî kûrîa maambîte magema nîmaatetemire nî guoya.

Ntha 19:9

Ngai-Mûnene nîwacokire akîra Musa atîrî, “Taroria! Nîngûka kûrî we nîrî îtuurî rînene mûno. Na vîndî îrîa ngakwarîria andû nîmakaaîgua ngîkwarîria nao nîmagaatûûra magwîtîkîtie nginya tene na tene.” Musa nîwerire Ngai-Mûnene rîngî ûrîa andû maaugîte,

Ntha 20:18

Vîndî îrîa andû meegwire ngwa, na makîona mveni, makîgua mûgambo wa karumbeta na makîona kîrîma gîgîtoga ndogo nîmaatetemire nî guoya. Nîmaarûngamire varaca

Ntha 20:20

Nake Musa nîwerire andû a Isiraeli atîrî, “Tigani kwîgua guoya, nîûndû Ngai aûkîte kûmûgeria na atûme mûmwathîkagîre nîguo mûtikevie.”

Mûvunjia 12:13

Vuva wa maûndû mama monthe, kûrî na ûndû ûmwe ûtigarîte: tîaga Ngai na mûvingagie Maathani make, nîûndû ûguo nîguo andû onthe magîrîrwe nî gwîka.

Isaia 38:19

Arîa marî mwoyo nîo magûcokagîria ngatho, ta ûrîa nie nîragûcokeria ngatho rîu, îthe wa ciana nîke ûimenyithagia ûvoro wa wîvokeku waku.

Luka 1:50

nacio ntha ciake nî ikinyagîra arîa onthe mamûtîîte, kuuma rûciaro rûmwe nginya rûrîa rwîngî.

Gûco 11:19

Thomithagiani ciana cienyu maathani mama. Thomithagiani ciana cienyu rîrîa mûrî mîciî, rîrîa mûrî kûraca na mîciî, mûkîthiî toro na rîrîa mwaramûka.

Gûco 12:1

“Mama nîmo mawatho marîa mûkaarûmagîrîra na kinyi vîndî cionthe rîrîa mûgûtûûra vûrûrirî ûrîa Ngai-Mûnene Ngai wa methe menyu amûvete mwîgwatîre. Marûmagîrîreni ûtûûrorî wenyu wonthe.

Gûco 14:23

Thiîcagani vandû varîa Ngai-Mûnene Ngai wenyu akaathuura va kûgoocagîrwa na mûrîcagîre gîcunjî kîu gîa îkûmi Kîam ngano, ndivei, maguta ma ndamaiyû na marikithathi ma ng'ombe na ma ng'ondu cienyu mûrî vau mbere yake. Îkagani ûguo nîguo mwîrute gûtîîaga Ngai-Mûnene Ngai wenyu vîndî cionthe.

Gûco 17:19

Akeethagîrwa na îvuku rîîrî vîndî cionthe na arîthomage ûtûûrorî wake wonthe, nîguo amenyage gwîtigîra Ngai-Mûnene Ngai wake, na kwathîkîra na kinyi maathani monthe na irîra irîa ciandîkîtwe wathorî ûcio.

Gûco 4:9

Îîmenyagîrîreni na mûtikariganîrwe nî maûndû marîa mwîyonerete na metho menyu; maririkanageni ûtûûrorî wenyu wonthe. Mamenyithanagieni kûrî ciana cienyu na kûrî ciana cia ciana cienyu.

Gûco 5:2

Ngai-Mûnene Ngai wetû nîwarûthire kîrîkanîro natue kîrîmarî gîa Sinai.

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

Gûco 6:2

Mavinda monthe marîa mue na njiarwa cienyu mûgûtûûra mwoyo, mûgetigagîra Ngai-Mûnene, Ngai wenyu na mwathîkagîre irîra ciake cionthe na mawatho marîa ngûmûva, nîguo mûtûûre îvinda îraca vûrûrirî ûcio ngûmûva.

Gûco 6:7

Menyagîrîrani mûmathomithanagie kûrî ciana cienyu vîndî cionthe, rîrîa mûrî mîciî, rîrîa mûrî kûraca na mîciî, rîrîa mûkûthiî toro na rîrîa mûkûramûka.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Kûguû 19:5

Vuva wa ûguo nînegwire mûgambo kuuma gîtîrî Kîam ûnene ûkiuga atîrî, “Ngai wetû arokumua nî mue arîa onthe mûmûtungataga na mûmûtîîaga, mue muonthe anene na anini!”

1Sam 12:24

Athîkagîrani Ngai-Mûnene na mûmûtungatagîre arî wenga na ngoro yonthe mûrî na wîvokeku. Taririkanani maûndû manene marîa ekîte nîûndû wenyu.