Gûco 34:5 - ÎVUKU RÎA ÛVORO MWARO

⁵ Kwoguo, Musa ndungata ya Ngai-Mûnene nîwakuîrîre kûu vûrûrirî wa Moabu wata ûrîa Ngai-Mûnene aaugîte.

Gûco 34:5 ပူးပေါင်းရင်းမြစ်များ

2Atha 1:17

Kwoguo Ahazia nîwakwire wata ûrîa Ngai-Mûnene aaugîte kûvîtûkîrîra kûrî Elija. Ahazia ndaarî na mwana wa kavîcî, kwoguo Joramu, mûrwang'ina nîwatuîkire mûthamaki vuva wake. Vîndî îo yarî mwaka wa kaîrî wa Jehoramu, mûvîcî wa Jehoshafati arî mûthamaki wa Juda.

2Maû 1:3

Nîwamerire mathiî marî vamwe nake Gibeoni varîa vaagoocagîrwa. Maathiîre kuo nîûndû nîkuo îgema rîa gûcemanîrua rîa Ngai rîarî. Îgema rîu nî rîrîa Musa, ndungata ya Ngai-Mûnene aatumîte arî werûrî.

Malaki 4:4

Ririkanani watho, maathani na kîrîra naveere Musa ndungata yakwa kîrîmarî gîa Sinai.

Ndari 12:7

Nwatî ûguo tîguo mbaragia na ndungata yakwa Musa. Nîke nîîvokerete andû akwa onthe a Isiraeli.

Gûco 31:14

Ngai-Mûnene nîwacokire akîra Musa atîrî, “Îvinda rîaku rîa gûkua rîrî vakuvî. Îta Joshua na mûke nake îgemarî rîa Ngai-Mûnene, nîguo nîmwîre ûrîa agwîka.” Kwoguo Musa na Joshua nîmaathiîre na magîtonya îgemarî rîa gûcemanîrua.

Gûco 31:16

Ngai-Mûnene nîwerire Musa atîrî, “Rîu îvinda rîaku rîa kuuma nthî îno rîrî vakuvî; na warîkia kuuma nthî îno, andû makethîrwa matarî evokeku kûrî nie na nîmakaaregana na kîrîkanîro kîrîa naarûthire nao. Nîmakaandiganîria na mambîrîrie kûgooca ngai cia mîvuanano irîa ivoyagwa nî andû a mavûrûri ma kûrîa mûthiîte kwîgwatîra.

Gûco 32:50

Nîûgaacoka ûkuîre kûu kîrîmarî ta Aroni mûrwanyûkwe ûrîa wakuîrîre kîrîmarî Kîam Hori;

2Tim 2:25

Nîwagîrîrwe nîkwîthîrwa ûrî mûvoreri rîrîa ûgûtaara andû arîa magûkararagia, nîûndû Ngai avota kûmava kamweke ga kwîrira na makamenya ûvoro wa ma.

2Pet 1:1

Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.

Kûguû 15:3

nao nîmaainire rwîmbo rûrîa Musa, ndungata ya Ngai aainire, na rûrîa Gatûrûme aainire, akiuga atîrî: “We Mwathani Ngai mwene vinya wonthe, ciîko ciaku nî nene na nî cia magegania! Mûthamaki wa mavûrûri monthe, maûndû monthe marîa wîkaga nî ma kîvooto na nî ma ma!