Gûco 33:8 - ÎVUKU RÎA ÛVORO MWARO

⁸ Ûvoro wîgiî mûvîrîga wa Lawi Musa nîwaugire atîrî, “We Ngai-Mûnene onania wendi waku kûrî Alawi acio aku evokeku, na njîra ya Urimu na Thumimu. Nîwamageririe marî Masa, nîwamatuîririe marî vakuvî na manjî ma Meriba.

Gûco 33:8 ပူးပေါင်းရင်းမြစ်များ

2Maû 23:6

Gûtirî mûndû ûgetîkîrua gûtonya hekarûrî tiga athînjîri-Ngai na Alawi arîa makeethîrwa magîtungata. Acio nwa matonye nîûndû nî amûre, nwatî andû onthe nîmakaarûmîrîra ûrîa Ngai-Mûnene athanîte.

Ezira 2:63

Mûnene wa Ayahudi nîwamerire matikarîe irio irîa ciategagwa irî cia Ngai nginya rîrîa gûkaagîa Mûthînjîri-Ngai ûrîa ûngîtungata agîtûmagîra Urimu na Thumimu.

Ezira 8:28

Nînacokire ngîra athînjîri-Ngai acio atîrî, “Mue mûrî atheru methorî ma Ngai-Mûnene, Ngai wa methe menyu ma tene. Wana sîlûva, thaavu na mbakûri ino cionthe andû marutîte na njîra ya kwîyendera nî ntheru.

Nehemia 7:65

Mûnene wa Ayahudi nîwamerîte atî matiagîrîrwe nî kûrîa irio irîa nyamûrîre Ngai, nginya rîrîa gûkoneka mûthînjîri-Ngai wa gûtûmîra Urimu na Thumimu.

Thaburi 106:16

Marî kûu werûrî nîmeguîrîre Musa wîru, na Aroni, ndungata ntheru ya Ngai-Mûnene.

Thaburi 16:10

nîûndû ndûkaandiganîria nthiî kwa arîa akuû, kana ûtiganîria nie ngwîvokete mborere mbîrîrarî.

Thaburi 81:7

Vîndî îrîa mwarî mathînarî nîmwangaîre na ngîmûvonokia. Naamûcokerie nîîthithîte mûgamborî wa ngwa. Naamûgererie manjîrî ma Meriba.

Ntha 17:7

Navo vandû vau nîwavatuîrîre rîîtwa akîveeta Masa na Meriba. Aveetire ûguo nîûndû vau nîvo andû maateteere na makîgeria Ngai-Mûnene makîûragia atîrî, “Ngai-Mûnene arî natue kana ndarî natue?”

Ntha 28:30

Ûgeekîra Urimu na Thumimu nguorî ya kîthûri, nîguo Aroni athiîcage nacio rîrîa akûthiî mbere ya Ngai-Mûnene. Vîndî îrîa ekîrîte nguo ya kîthûri akaavotaga kûmenya ûrîa Ngai-Mûnene akwenda nîûndû wa andû a Isiraeli.

Ntha 28:36

“Ûkaarûtha kavengere ka thaavu ntheri na kandîkwe, ‘Yamûrîrîtwe Ngai-Mûnene’.

Alawi 21:7

Gûtirî mûthînjîri-Ngai ûkaavikia mûndûmûka mûmaraa kana mûndûmûka ûtarî nthingi kana mûndûmûka matiganîte na mûrûme, nîûndû mûthînjîri-Ngai nî mûndû mûtheru.

Alawi 8:8

Nîwamwîkîrire nguo ya kîthûri na agîkîra Urimu na Thumimu ndaarî yayo.

Malaki 2:6

Maathomithagia ûvoro wa ma na matianathomithia maûndû ma maveeni. Nie nao twatûûrire tûrî na thayû na marî na mîthiîre mîaro, na makîthomithia andû engî ûvoro wa gûtigana na mevia.

Ndari 16:5

Nîwacokire akîra Kora na arûmîrîri ake onthe atîrî, “Rûyû kîraûko Ngai-Mûnene nîagaatwonia mûndû ûrîa athuurîte atuîke wake. Mûndû ûcio nîke ûkaavotithagua nî Ngai-Mûnene kûthiî metharî yake.

Ndari 20:13

Ûndû ûyû wekîkîre Meriba, kûrîa andû a Isiraeli maateterie Ngai-Mûnene, na marî kûu nîwamoonirie ûtheru wake.

Ndari 20:24

“Aroni tîatonya vûrûri ûrîa neranîre atî nîngaava andû a Isiraeli. Ke nîagûkua nîûndû mue muoîrî nîmwareganire na ûrîa namwathire nîrî Meriba.

Ndari 27:21

Eliazaru, mûthînjîri-Ngai nîke ûkaamûmenyithagia wendi wakwa na njîra ya gûtûmîra Urimu na Thumimu. Na njîra îo, Eleazaru agaatongoragia Joshua na andû onthe a Isiraeli maûndûrî mao monthe.”

Ndari 35:8

Mwîgana wa matûûra marîa mûkaava Alawi kuumana na kûrîa andû a Isiraeli maagaîrwe gûkaringana na ûrîa mûvîrîga wîgana. Mûvîrîga ûrîa mûnene nîûkaavecana matûûra mengî naguo mûvîrîga ûrîa mûnini ûvecane matûûra manini. Wa mûvîrîga nîûkaava Alawi matûûra kûringana na mwîgana wa vûrûri ûrîa maagaire.”

Gûco 6:16

“Mûtikagerie Ngai-Mûnene, Ngai wenyu ta ûrîa mwekire mûrî Masa.

Gûco 8:16

Kûu werûrî nîwamûvere mana mûrîe, irio irîa methe menyu matanarûma. Nîwatûmire mwînyivie na akîmûgeria, nîguo mûthiiarî amûrathime na indo mbaro.

Gûco 9:22

“Wana nwa mwarakaririe Ngai-Mûnene rîrîa mwarî Tabera, Masa, na Kiburothi Hatava.

Ahib 7:26

Jesû nî Mûthînjîri-Ngai mûnene ûrîa ûtûvingagîria mavataro metû. Ke nî mûtheru, ndarî ûcuke na ndevagia. Ke nîwamûrîtwe kuuma kûrî evia na Ngai nîamûvirîte îgûrû mûno.

Kûguû 3:7

“Andîka kûrî mûraika wa kanitha ûrîa ûrî Filadelifia atîrî: “Îno nîyo ndûmîrîri kuuma kûrî ûrîa mûtheru na wa ma. Ke arî na cavi îrîa yarî ya Daudi. Ke aravingûra mûrango gûtirî mûndû ûngîvota kûûvinga, na ke araûvinga gûtirî mûndû ûngîvota kûûvingûra.

1Sam 28:6

Kwoguo nîwaûririe ûtaaro kuuma kûrî Ngai-Mûnene, nwatî ndaamûcokeria wanarî vanini na njîra ya iroto kana na njîra ya Urimu na Thumimu kana na njîra ya arathi.