Gûco 33:26 - ÎVUKU RÎA ÛVORO MWARO

²⁶ Musa nîwarîkîrîrie na kuga atîrî, “Mue andû a Isiraeli, gûtirî ngai îkariî ta Ngai wenyu, atuîkanagîria îgûrû na vinya wake, atuîkanagîria matuurî aûkîte kûmûtethia.

Gûco 33:26 ပူးပေါင်းရင်းမြစ်များ

Thaburi 104:3

ûtumîte mûciî waku îgûrû rîa manjî ma îgûrû. Ûtuîte matu gîkaari gîaku gîa gûkuucua, na ûthiîcaga ûtûîte mathagurî ma rûkûngi.

Thaburi 18:10

Aagûrûkire na îvenya akuuîtwe nî kîûmbe kîrî mathagu, aaûkire na îvenya avurutîtwe nî rûkûngi ta ûrîa gîconi kîgûrûkaga.

Thaburi 68:35

Ngai nî wa gwîtigîrwa arî varîa vake vatheru, ke nîke Ngai wa Isiraeli! Nîavecaga andû ake vinya na ûvoti. Ngai arokumua!

Thaburi 68:4

Inîrani Ngai, kumiani rîîtwa rîake; mûthondekere njîra, ûrîa ûkîte arî matuurî. Rîîtwa rîake nî Ngai-Mûnene, kenani mûrî varî ke!

Thaburi 86:8

We Mwathani, gûtirî ngai îkariî tawe; gûtirî ngai yaneka ûrîa we wîkîte.

Ntha 15:11

Ngai-Mûnene, nî ngai îrîkû gatagatî ka ngai îkariî tawe? Nî ûrîkû wîkariî tawe, we ûrî ûthingu wa magegania? Nî ûrîkû ûngîringa ciama na ciîko cia vinya ta ciaku?

Ntha 15:7

Nîûndû wa ûnene waku we nîûng'aûranagia nthû ciaku; marakara maku makanaga makamavîvia ta rûûa.

Ntha 8:10

Mûthamaki nîwacokirie atîrî, “Ûkaamvoera rûyû.” Musa nîwacokire akiuga atîrî, “Nîngeka ûrîa waûria na nîûkaamenya atî gûtirî Ngai wîngî tiga Ngai-Mûnene, Ngai wetû.

Ntha 8:6

Kwoguo Aroni nîwakûnjûrire njara agîûkîrîria mûragi wake îgûrû rîa manjî monthe ma Misiri, nacio ciûra nîciaumire igîcûra vûrûri wonthe wa Misiri.

Isaia 19:1

Îno nîyo ndûmîrîri îgiî Misiri: Ngai-Mûnene nîaûkîte vûrûrirî wa Misiri, aûkîte ekarîrîte îtu rîthiîte na îvenya, mîvuanano ya ngai cia Misiri nîgaatetemaga îrî mbere yake, nao andû a Misiri nîmakaathira vinya ngoro.

Isaia 40:18

Kwoguo mûngîringithania Ngai na ndûî, kana nîndûî mûngîmûvuanania nakîo?

Isaia 40:25

Ûrîa Mûtheru araûria atîrî, “Nîûrîkû mûngîningithania nake, kûrî na wîngî wîkariî tanie?”

Isaia 44:2

Ngai-Mûnene ûrîa wakûmbire arauga atîrî, “Nakûmbire îvurî rîa nyûkwe na nînie ngûtethagia. Tiga gwîtigîra we Jakovu ndungata yakwa, Jeshuruni ûrîa nthurîte ndûgetigîre.

Isaia 66:8

Nîûrîkû wanegua ûndû ta ûcio? Nîûrîkû wanona ûndû ta ûcio? Rûrîrî rûgima nwa rûgîe kuo na mûthenya ûmwe? Vûrûri mûgima nwa ûciarwe wa rîmwe? Nwatî îtûûra rîa Zayuni rîaciarire ciana ciarîo vîndî wa îo rîambîrîrie kwîgua ruuo rwa gûciara.

Jeremia 10:6

We Ngai-Mûnene gûtirî wîngî wîkariî tawe, we wî mûnene na rîîtwa rîaku rîrî vinya mwîngî.

Hosea 13:9

Nîngûmûcûkangia mue andû a Isiraeli; nû ûngîmûtethia?

Amosi 8:7

Ngai-Mûnene, Ngai wa Isiraeli nîevîtîte akauga atîrî, “Nama ndikariganîrwa nî ciîko ciao njûku.

Habakuku 3:8

We Ngai-Mûnene nî nyûnjî ikûrakarîtie? Nî manjî ma îria makûrakarîtie? Nîwathiîre ûtwîte mbarathi yaku, na ikaari ciaku cia mbaara ûkîvootana.

Gûco 10:14

Îgûrû na îgûrû kûrîa kûraca mûno wana nthî vamwe na indo cionthe irîa irî kuo nî cia Ngai-Mûnene Ngai wenyu.

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.

Gûco 33:5

Ngai-Mûnene nîke watuîkire mûthamaki wa andû ake a Isiraeli, vîndî îrîa mîvîrîga na atongoria a andû a Isiraeli maagomanîte vamwe.

Gûco 4:35

Mwonirue maûndû mau nîguo mûmenye atî Ngai-Mûnene nî Ngai, na gûtirî wîngî tiga Ke.