Gûco 33:25 - ÎVUKU RÎA ÛVORO MWARO

²⁵ Ivingo cia matûûra maku ikethagîrwa irî cia cuuma na gîcango, ûkethagîrwa wî mûgitîre ûtûûrorî waku wonthe.”

Gûco 33:25 ပူးပေါင်းရင်းမြစ်များ

Kîam 49:20

“Mûgûnda wa Asheri nîûkaaumaga irio mbaro, akethagîrwa arî na irio ta irîa irîcagwa kwa anene.

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

Thaburi 138:3

Rîrîa nagwîtire, we nîwambîtîkire, nîwanyongerere vinya.

Thaburi 147:13

Nîekagîra ivingo cia mîrango yaku vinya, na nîarathimaga andû aku.

Isaia 40:29

Nîavecanaga vinya kûrî arîa athiru vinya, nake ûrîa ûtarî na ûvoti nîamwongagîrîra vinya.

Isaia 40:31

Nwatî arîa metagîrîra Ngai-Mûnene nîmakoongererwa vinya wao, makaagûrûkaga îgûrû na mathagu ta nderi, makaavinyûra na matikaanoga, makaathiîcaga na magûrû na matikaathira vinya.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Luka 15:22

Nwatî îthe nîwetire ndungata ciake na akîmeera atîrî, ‘Thiîni narua mûrete nguo îrîa mbaro viû na mûmwîkîre. Na mûcoke mûmwîkîre mbete Kîamra na mûmwîkîre iratû.

1Akor 10:13

Magerio marîa mûgeragua namo nwamo andû arîa engî mageragua namo. Ngai nîmwîvokeku na ndangîtîkîra ûgerue makîria ya vinya ûrîa ûrî naguo. Nwatî vîndî îrîa ûragerua ke agaakûvecaga vinya nîguo ûvotage kûmîrîria na kûûrîra magerio.

Aefeso 6:10

Rîu ngîrîkîrîria, nîramwîra mûgîcage na vinya mûmagîrîrie mûrî ndaarî ya Mwathani na mûvotithîtue nî vinya mwîngî wake.

Aefeso 6:15

na wendi wenyu wa kûvunjia ûvoro mwaro wa thayû ta arî guo iratû irîa mwîkagîra.

Gûco 32:47

Nîûndû tî ciugo ntheri irî mawathorî mama, nwatî nî mûtûûrîre wenyu. Mathîkagîreni na nîmûgûtûûra vîndî ndaca vûrûrirî ûrîa mûthiîte kwîgwatîra mûringo wa rûnjî rwa Jorodani.”

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Gûco 8:9

Mûtigaatura gîa kûrîa kana kîndû wa kîonthe kîrîa mûngîenda mûrî vûrûrirî ûcio. Mûkenjaga cuuma mathigarî ma vûrûri ûcio, na mwînjage gîcango irîmarî.

Afil 4:13

Nwambîke maûndû monthe na njîra ya ûrîa ûmvecaga vinya.

Akol 1:11

Ngai aromûvotithia kûgîa na vinya îrîa yumanaga na ûvoti wa riiri wake, nîguo mûvote kûmîrîria maûndû monthe mûkirîrîtie na mûrî na gîkeno.

Josh 14:11

Nîrî na vinya ûmûnthî wata ûrîa naarî na vinya mûthenya ûrîa Musa aandûmire. Nîrî na vinya wa kûrûa wana wa ûndû wîngî.