Gûco 33:23 - ÎVUKU RÎA ÛVORO MWARO

²³ Ûvoro wîgiî mûvîrîga wa Nafutali nîwaugire atîrî, “We Nafutali, wîcûrîtwe nî ntha na irathimo cia Ngai-Mûnene; vûrûri waku ûrî mwena wa îveti wambîrîrîtie îriarî rîa Galili.”

Gûco 33:23 ပူးပေါင်းရင်းမြစ်များ

Kîam 49:21

“Nafutali ekariî ta mûgoma wa ngûrûngû, ûrîa ûvinyûraga wa kûrîa ûngîenda, ûrîa ûciaraga twori tûthaka mûno.

Thaburi 36:8

Marîcaga irio nyîngî irîa ûmavecaga; na nîûmavecaga gîa kûnyua kuuma rûnjîrî rwa wega waku.

Thaburi 90:14

Twonagie wendo waku ûtathiraga kîraûko wa kîraûko, nîguo twinage tûrî na gîkeno ûtûûrorî wetû wonthe.

Jeremia 31:14

Nîngaavaithia athînjîri-Ngai na indo mbaro, na mvingîrie andû akwa maavata mao monthe. Ûguo nîguo nie Ngai-Mûnene nauga.”

Mathaayo 11:28

“Ûkani kûrî nie, mue muonthe anogu na mûtitikîte mîrigo mîrito, na nîngûmûvurûkia.

Mathaayo 4:13

Jesû nîwaumire îtûûrarî rîa Nazarethi, na akîthiî gûtûûra Kaperinaumu itûûra rîrîa rîarî vakuvî na îria rîa Galili vûrûrirî wa Zebuluni na Nafutali.

Mathaayo 4:16

Andû arîa matûûraga ndumarî, nîmonete ûtheri mûnene. Nao arîa matûûraga mûtûûrîre ûrîa ûtagîrîrîte, nîmakinyîrîtwe nî ûtheri.”

Gûco 33:24

Ûvoro wîgiî mûvîrîga wa Asheri nîwaugire atîrî, “Mûvîrîga wa Asheri ûrorathimwa gûkîra mîvîrîga îrîa îngî yonthe, wendwe nî Ngai gûkîra aa mûrwanyûkwe, ûgîe na mîtî mîîngî ya mîtamaiyû îrîa îciaraga matunda.