Gûco 33:22 - ÎVUKU RÎA ÛVORO MWARO

²² Ûvoro wîgiî mûvîrîga wa Dani nîwaugire atîrî, “Mûvîrîga wa Dani wîkariî ta kaana ka mûnyambû; ûtharîkagîra nthû ciao kuuma Bashani.”

Gûco 33:22 ပူးပေါင်းရင်းမြစ်များ

1Maû 12:35

Kuuma mûvîrîgarî wa Dani kwarî na athigari a kûrûa mbaara ngiri mîrongo îîrî na inyanya na magana matandatû (28,600).

Ayubu 37:1

“Maûndû mau nîmaratûma ngoro yakwa îtetema, na îratetema takwa îkûgûûka.

Ezek 19:2

ngiugaga atîrî, Nyûkwe aarî û? Aarî mûnyambû wa nga. Eekaraga gatagatîrî ka mînyambû îo îngî akîrera ciana ciake.

Ezek 19:3

Nîwarerire kaana kamwe gake na agîkaruta kûvîta, na nîgaacokire kûrîa andû.

Josh 19:47

Vûrûri wa Dani nîwacunanirwe. Naguo mûvîrîga wa wa Dani nîwatharîkîre îtûûra rîa Laishi. Marîtharîkîra nîmaarînyitire na makîûraga andû a kuo na makîrîtua itûûra rîao. Nîmaatûûrire îtûûrarî rîu na makîgarûra rîîtwa rîarîo rîgîtiga gwîtagwa Laishi rîgîcoka gwîtagwa Dani. Maarîtanirie na Dani îthe wao wa tene.

Atir 13:2

Vîndî îo kwarî na mûndû wetagwa Manoa warî wa kuuma îtûûrarî rîa Zora. Manoa aarî wa mûvîrîga wa Dani na mûka aarî nthata.

Atir 14:19

Roho wa Ngai-Mûnene nîwamûnyûrûkîre wa rîmwe na ûkîmwîkîra vinya. Nîwanyûrûrûkire Ashikeloni na akîûraga andû mîrongo îthatû kûu îtûûrarî. Nîwacokire akîmaruta nguo ciao irîa mbaro mûno na akîinenganîra kûrî andû arîa maataûrîte ndaî. Vuva wa ûguo, Samusoni nîwacokire mûciî arî mûrakaru.

Atir 14:6

Roho wa Ngai-Mûnene nîwamûnyûrûrûkîre na vinya wa rîmwe na agîtucanga mûnyambû ûcio tûcunjî ta ûrîa mûndû atucangaga koori ka mbûri. Nwatî ndeera aciari ake ûrîa eekîte.

Atir 15:15

Nîwacokire akîona îvîndî rîa rûthîa rwa mvunda yakuîte îvinda rîtaarî îraca. Nîwarîocire na akîûraga arûme ngiri îmwe narîo.

Atir 15:8

Samusoni nîwaûragire Afilisiti eengî mûno, na agîcoka agîkara ngurungarî ya îthiga rîrîa rîarî Etamu.

Atir 16:30

na akiugîrîria atîrî, “Nîrokucanîria vamwe na Afilisiti!” Nîwatindîkire nyomba îo na vinya wake wonthe na îkîgwîra athamaki vamwe na andû onthe arîa maarî ndaarî. Kwoguo andû arîa Samusoni aaûragire vîndî ya gûkua gwake maarî eengî gûkîra arîa aaûragîte arî mwoyo.

Atir 18:27

Andû a mûvîrîga wa Dani nîmaathiîre na mûthînjîri-Ngai vamwe na indo irîa Mika aathondekete na makîtharîkîra îtûûra rîa Laishi kûrîa andû a kuo maarî avoreri na maarî na thayû. Andû a Dani nîmaaûragire andû a îtûûra rîa Laishi na makîrîvîvia.