Gûco 33:17 - ÎVUKU RÎA ÛVORO MWARO

¹⁷ Josefu arî vinya ta ndegwa, arî na mvîa ta cia mbogo. Nîagaatindîka andû a mavûrûri nacio, nîakaamatindîka onthe nginya mîthiia ya nthî; Andû a mbarî ya Efiraimu marî na vinya ta ûcio maita ngiri makûmi meengî, nao andû a mbarî ya Manase marî na vinya ta ûcio maita makiri.”

Gûco 33:17 ပူးပေါင်းရင်းမြစ်များ

Kîam 48:19

Nwatî îthe Jakovu nîwaregire na akiuga atîrî, “Mûvîcîwa, nîmbicî ûrîa nîreka. Njiarwa cia Manase wana cio nîigaatuîka rûrîrî rûnene. Nwatî mûrwang'ina ûcio mûnini nîagaatuîka mûnene kûmûkîra na njiarwa ciake nîigaatuîka ndûrîrî nyîngî.”

1Atha 22:11

Ûmwe wa arathi acio, Zedekia mûvîcî wa Kenaana nîwarûthire mvîa cia cuuma na akîra Ahabu atîrî, “Ngai-Mûnene arauga atî; ‘Ûgaatûmîra ino ûkîrûa na Asîria nginya rîrîa ûkaamavoota viû.’ ”

1Maû 12:31

Kuuma nuthu ya Manase kwarî na andû ngiri îkûmi na inyanya (18,000), maathuurîtwe nîguo mathiî magatue Daudi mûthamaki.

1Maû 12:32

Kuuma mûvîrîgarî wa Isakaru kwarî na andû maarî na ûûgî wa kûmenya maûndû marîa magekîka na ûrîa andû a Isiraeli magîrîrwe nî gwîka. Andû acio maarî atongoria magana maîrî (200) vamwe na andû ao arîa maarî rungu rwao.

1Maû 5:1

Ino nîcio njiarwa cia Reubeni îrikithathi rîa Isiraeli. (Reubeni nîwamenyanire kîîmwîrî na mûka ûmwe wa îthe wa kwiga, kwoguo îgai rîrîa aagîrîrwe nî kûvewa arî ke îrikithathi nîwacunirwe na nîrîaverwe avîcî a Josefu. Josefu aarî mûvîcî wa Isiraeli. Nîûndû wa ûguo mûtaratararî wa avîcî a Isiraeli, Reubeni tîke wa mbere.

1Maû 5:2

Juda nîke wagîre vinya gatagatî ka aa mûrwang'ina acio engî, na mûthamaki aaumire mûvîrîgarî ûcio. Nwatî maûndû marîa maagîrîrwe kwîthîrwa marî ma Reubeni ma ûrikithathi maaverwe avîcî a Josefu.)

1Maû 5:23

Andû a Manase ya mwena wa îrathîro maarî engî. Nîmaatûûrire vûrûrirî wa Bashani nginya Baali Herimoni, Seniri na Kîrîmarî Kîam Herimoni.

2Maû 18:10

Nake mûrathi ûmwe wetagwa Zedekia, mûvîcî wa Kenaana nîwarûthire mvîa cia cuuma na akîra Ahabu atîrî, “Ngai-Mûnene augîte atî, ‘Mvîa ino nîcio ûgaatûmîra kûrûa na andû a Sîria nginya ûmathirie viû.’ ”

Thaburi 22:21

Mvonokia kuuma tûnyuarî twa mînyambû, ndingîvota gwîtethia mbere ya mbogo ino.

Thaburi 29:6

Nîatûmaga irîma cia Lebanoni irûgarûge ta tûcaû, na nîatûmaga kîrîma Kîam Herimoni kîrûgarûge ta ndegwa.

Thaburi 44:5

Na vinya waku nîûtûvotithagia kûvoota nthû cietû, rîîtwarî rîaku nîtûvootaga arîa matûtharîkagîra.

Thaburi 60:7

Gileadi nî yakwa, na Manase nî yakwa; Efiraimu nî ngovia yakwa ya kûgitîra kîongo, nayo Juda nîyo mûragi wakwa wa ûthamaki.

Thaburi 92:10

Nwatî nîûtûmîte ngîe na vinya ta mbogo, na nîûmbîtîrîrîtie maguta ma kûnjanjamûra.

Isaia 34:7

Mbogo cia njamba ikaaûraganîrua vamwe nao, natuo tûregwa tûraganîrue vamwe na ndegwa irîa irî vinya. Vûrûri wao nîûgecûra nthakame, naguo mûthetu wao ûnorue nî maguta mao.

Ezek 34:21

Mwatindîkire ng'ondu irîa itarî na vinya na ituro cienyu na mûkîimunda na mvîa nginya mûkîinyagania kûraca na ndîthia.

Danieli 8:4

Nînoonire ndûrûme îo îkîtharîkîra mwena wa îthûîro, rûgûrû, na wa îveti. Gûtirî nyamû îngîamîtirîrie, na gûtirî nyamû îngîetethûrire kûrî yo. Yekaga wa ûrîa îkwenda na nîyeyonaga îrî na vinya mûno.

Hosea 5:3

Nîmbicî andû a Efiraimu, andû a Isiraeli matingînîthitha. Mue andû a Efiraimu nîmwîkîte maûndû ma ûtharia, andû onthe a Isiraeli nîmegwatîtie mûgiro.

Hosea 6:4

Nîmbîka atîa nawe, we Efiraimu? Nîmbîka atîa nawe, we Juda? Wendo wenyu kûrî nie nîta îtu rîa kîraûko, nîta îme rîrîa rîthiraga narua.

Hosea 7:1

Rîrîa rîonthe nenda kûrûnga andû akwa a Isiraeli na kûmavonia, wîvia wa andû a Efiraimu nîûguûragua, vamwe na ciîko njûku irîa ciîkîtwe nî andû a Samaria. Nao nîmaavenanagia; nîmavunjaga nyomba cia arîa engî, na acunani nîmaakavagîra andû njîrarî na makamacuna indo ciao.

Ndari 23:22

Ngai aamarutire vûrûri wa Misiri; amarûagîrîra ta mbogo ya njamba.

Ndari 24:8

Ngai nîwamarutire vûrûri wa Misiri, amarûagîrîra ta mbogo ya njamba. Nîmagaacûkangia nthû ciao na maunange mavîndî mao, na mamarathe na mîguî yao.

Ndari 26:34

Andû a mûvîrîga wa Manase maarî arûme ngiri mîrongo îtano na igîrî na magana mûgwanja (52,700).

Ndari 26:37

Andû a mûvîrîga wa Efiraimu maarî arûme ngiri mîrongo îthatû na igîrî, na magana matano (32,500).

Josh 17:14

Njiarwa cia Josefu nîciaûririe Joshua atîrî, “Nîkî kîratûmire ûtûgaîra gîcunjî kîmwe tu Kîam vûrûri gîtuîke gîetû? Tue tûrî eengî nîûndû Ngai-Mûnene nîatûrathimîte.”

Josh 17:18

Vûrûri ûrîa ûrî irîma nîûtuîka wenyu. Wana ethîrwa nî mûtitû, mue mûkaaûtheria na ûtuîke wenyu wonthe. Naguo ûvoro wîgiî andû a Kanaani, wana ethîrwa marî na ikaari cia mbarathi cia cuuma na marî na vinya nîmûkaamengata maume kuo.”

1Sam 2:1

Hana nîwavoire na akiuga atîrî, Ngai-Mûnene nîecûrîtie gîkeno ngororî yakwa, nie nîngenete nîûndû wa ûrîa ekîte. Nînthekagîrîra nthû ciakwa, nîrî mûkenu nîûndû Ngai nî amvonoketie!