Gûco 33:13 - ÎVUKU RÎA ÛVORO MWARO

¹³ Ûvoro wîgiî mûvîrîga wa Josefu nîwaugire atîrî, “Ngai-Mûnene arotûma îme rîgwe kuuma îgûrû, na amaretere manjî marîa matherûkaga kuuma rungu rwa nthî.

Gûco 33:13 ပူးပေါင်းရင်းမြစ်များ

Kîam 27:27

Rîrîa Jakovu aathiîre vakuvî na îthe nîguo amûmumunywe, Isaka nîwanungîre nguo ciake, akîmûrathima na akîmwîra atîrî, “Mûnungo mwaro wa mûvîcîwa nwa ta mûnungo wa mûgûnda ûrîa Ngai-Mûnene arathimîte.

Kîam 27:39

Nake îthe Isaka nîwamwîrire atîrî, “Ûgaatûûraga kûraca na ûnoru wa gûkû nthî, kûndû kûraca na kûrîa kuuraga mbura.

Kîam 48:5

“Rîu avîcî aku aîrî Efiraimu na Manase, arîa wagîre nao ûrî vûrûrirî wa Misiri mbere ya mbûka nî akwa. Nîmataragwe marî akwa wata ûrîa Reubeni na Simeoni marî akwa.

Kîam 48:9

Nake Josefu nîwerire îthe atîrî, “Aya nî avîcî akwa arîa Ngai amvete nîrî gûkû Misiri.” Jakovu nîwerire Josefu atîrî, “Marete ava nîrî nîguo nîmarathime.”

Ayubu 29:19

Mbîkariî ta mûtî ûrîa ûtambagia mîri manjîrî, wîthagîrwa na îme mvûarî ciaguo ûtukû wonthe.

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Thaburi 148:7

Kumiani Ngai-Mûnene mue mûrî gûkû nthî, mue ciûmbe irîa nene cia manjîrî, na îriarî kûrîa kûrikîru mûno.

Nthi 19:12

Mûthamaki arî mûrakaru araramaga ta mûnyambû, nwatî ntha ciake nîta îme rîgwîrîrîte nyaki.

Nthi 3:20

Ûmenyo wake nîwatûmire nyûnjî ciume nthî, na matu maurithie mbura.

Isaia 18:4

Nîûndû Ngai-Mûnene ambîrîte atîrî, “Nîngaaroria gûkû nthî ngirîte nîrî îgûrû kûrîa ndûûraga, nîngaaroria ngirîte nîrî kûrîa ndûûraga, ngirîte ta ûrugarî vîndî îrîa riûa rîarîte, ta ûrîa îtu rîa îme rîgûcaga vîndî ya maketha.

Hosea 14:5

Ngethagîrwa mbîkariî ta îme kûrî andû a Isiraeli nao magacanûka ta yûa rîrîa rîmeraga rûnjîrî, makagîa na mîri ta mîtarakwe ya Lebanoni.

Mika 5:7

Nao andû a Isiraeli arîa magaatigara marî mwoyo makethîrwa mekariî ta îme kuuma kûrî Ngai-Mûnene marî gatagatî ka andû arîa engî kana ta mbura ya rûthuthuû rûrîa rûgwîcagîra nyaki, na ndiurithagua nî mûndû nwatî nî Ngai.

Zakaria 8:12

Nîmakaavanda marî na thayû. Mîthavibu yao nîîgaciara thavibu, mîgûnda yao nîîkaagîa na maketha meengî na nîgûkethagîrwa na mbura ya kwîgana. Andû akwa arîa matigarîte nîngaamava irathimo ino cionthe.

Ndari 1:32

Mûvîrîga wa Efiraimu nîwatarirwe na arûme onthe arîa maarî na ûkûrû wa mîaka mîrongo îîrî kûthiî na mbere na mangîatuîkire athigari a mbaara nîmaandîkirwe marîîtwa mao wa mûndû kûringana na mbarî yake, nyomba yake, na mûciî wake.

Gûco 32:2

Kîrîra gîakwa nî kiura ta mbura, ciugo ciakwa igwe nthî ta îme. Ciugo ciakwa ciure ta mbura ya rûnyunyuû îgûrû rîa nyaki nini, ta mbura ya rûnyunyuû îgûrû rîa mîmera mînini.

Gûco 33:14

Ngai-Mûnene aromarathima na matunda maro marîa matunîvaga vîndî ya riûa, na amavecage maketha meengî maro wa kîmera.

Gûco 33:28

Kwoguo andû a Isiraeli matûûraga marî na thayû, njiarwa cia Jakovu itûûraga itarî na thîna, vûrûrirî wîcûrîte ngano na ndivei, kûrîa mbura yuraga kuuma îgûrû.