Gûco 33:11 - ÎVUKU RÎA ÛVORO MWARO

¹¹ We Ngai-Mûnene, mavotithie gûtonga, na wîtîkîre wîra wa njara ciao. Cûkangia vinya wa nthû ciao, nîguo nthû ciao itikavote kûrûa nao rîngî.”

Gûco 33:11 ပူးပေါင်းရင်းမြစ်များ

2Sam 24:23

Arauna nîwavere mûthamaki indo icio cionthe na agîcoka akîmwîra atîrî, “Ngai-Mûnene, Ngai waku aroetîkîra îgongoona rîaku.”

Thaburi 20:3

Aroririkana matega maku monthe, na etîkîre magongoona maku ma kûvîvua.

Isaia 29:21

Ngai nîagaacûkangia arîa marutaga ûira wa maveeni nîguo mûndû atuwe mwîvia, arîa mavîtithagia atucanîri ciira magootirî, na arîa maragia maveeni, nîguo maime arîa matarî na mavîtia kîvooto Kîamo.

Jeremia 15:10

Nyanya, kaî nîrî na thîna-î! Wanjiarire nîkî, nîûndû ndûûraga ngucanagia na andû vûrûrirî wonthe? Ndianakombithia mûndû kana ngoba kûrî mûndû, nwatî andû onthe nîmaranuma.

Jeremia 17:18

Arîa manyariraga maroconorithua, nwatî ndûgatûme njonorithua, marogîa na guoya, nwatî ndûgatûme ngîa na guoya, ûrotûma makinyîrwe nî mavinda ma thîna, maretithîrie mûthiro ûmathirie viû.

Ezek 43:27

Mîthenya mûgwanja yathira athînjîri-Ngai nîmakaarutagîra metharî îo ya kîgongoona matega ma kûvîvua na matega ma thayû, nanie nîngaamwamûkîra. Ûguo nîguo Mwathani Ngai-Mûnene augîte.”

Amosi 5:10

Mue nîmûthwîre arîa marûngamagîrîra kîvooto na arîa maragia ûûma îgootirî.

Luka 10:16

Jesû nîwacokire akîîra arutwa ake atîrî, “Mûndû wa wonthe ûrîa ûmûthikagîrîria, nînie athikagîrîria; na mûndû wa wonthe ûrîa ûmûregaga, nînie aregaga, na mûndû wa wonthe ûrîa ûndegaga, aregaga ûrîa wandûmire.”

Gûco 33:10

Nîmakaathomithia njiarwa cia Jakovu irîra ciaku; na mathomithie andû a Isiraeli watho waku. Nîmagaakûvîvîria ûbani, na nîmakaarutîra matega ma kûvîvua metharî yaku ya kîgongoona.

Gûco 33:12

Ûvoro wîgiî mûvîrîga wa Benjamini nîwaugire atîrî, “Ûyû nîguo mûvîrîga ûrîa Ngai-Mûnene endete, ke ekaraga aûgitîrîte, ekaraga aûrigicîrîtie vîndî cionthe, na atûûranagia nao vîndî cionthe.”

1Ath 4:8

Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.