Gûco 33:10 - ÎVUKU RÎA ÛVORO MWARO

¹⁰ Nîmakaathomithia njiarwa cia Jakovu irîra ciaku; na mathomithie andû a Isiraeli watho waku. Nîmagaakûvîvîria ûbani, na nîmakaarutîra matega ma kûvîvua metharî yaku ya kîgongoona.

Gûco 33:10 ပူးပေါင်းရင်းမြစ်များ

2Maû 26:18

na makîmûgiria avîvia ûbani. Nîmaamwîrire atîrî, “Mûthamaki Uzia, ndwagîrîrwe nî kûrutîra Ngai-Mûnene îgongoona rîa kûvîvia ûbani. Ûcio nî wîra wa athînjîri-Ngai, njiarwa cia Aroni nîûndû nîo amûrîre wîra wa kûvîvia ûbani. Thiî ume vandû ava vatheru, nîûndû nîwavîtia na ûndû ûyû ndûngîkûretere kîrathimo kuuma kûrî Ngai-Mûnene, Ngai.”

2Maû 30:22

Nake Hezekia nîwagathîrîrie Alawi onthe nîûndû wa wara wao wa gûtungatîra Ngai-Mûnene. Kwoguo andû nîmaarîre irio cia kîrugo îvinda rîa mîthenya mûgwanja (7). Nîmaarutaga magongoona ma thayû na magîkumagia Ngai-Mûnene, Ngai wa methe mao.

Ezira 7:10

Ezira nîwevecanîte ûtûûrorî wake kûthoma watho wa Ngai-Mûnene, na gwîka ûrîa watho ûcio ugîte, na kûthomithia andû a Isiraeli mawatho, kîrîra kîgiî watho ûcio, na maûndû megiî mûtûûrîre.

Nehemia 8:18

Kuuma mûthenya wa mbere wa kîrugo, Ezira nîwamathomagîra gîcunjî Kîam Watho wa Ngai wa mûthenya wa mûthenya. Nîmaakûngûîre kîrugo kîu kavinda ka mîthenya mûgwanja, na mûthenya wa kanana nîmaagomanire vamwe kûgooca wata ûrîa watho waugîte.

Thaburi 51:19

Nîûgaacoka ûkenue nî magongoona marîa ma ma na matega metû ma kûvîvua; na ndegwa nîigaacoka irutîrwe metharî yaku ya kîgongoona.

Ezek 43:27

Mîthenya mûgwanja yathira athînjîri-Ngai nîmakaarutagîra metharî îo ya kîgongoona matega ma kûvîvua na matega ma thayû, nanie nîngaamwamûkîra. Ûguo nîguo Mwathani Ngai-Mûnene augîte.”

Hosea 4:6

Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Alawi 1:13

Mûndû ûcio nîakaathambia mara vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 1:17

Nîagaacoka amînyite mathagu na amîtarûranie, nwatî ndakaamîtucanie, na amîvîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.”

Alawi 1:9

Nwatî nîakaathambia mara ma ndegwa îo vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 10:11

Nwanginya mûthomithie andû a Isiraeli mawatho monthe marîa nîmwîrîte kûvîtûkîrîra kûrî Musa.”

Alawi 16:12

nîagooca kanyûngû ga kûvîvîrua ûbani gecûrîte makara marî na mwaki na ngundi igîrî ciîcûrîte ûbani mûnungi waro na aivire vandû varîa vatheru Mûno.

Alawi 16:13

Aroni arî vau mbere ya Ngai-Mûnene nîagekîra ûbani mwakirî, nîguo ndogo ya ûbani îkaamika gîkunîko Kîam îthandûkû rîa kîrîkanîro nîguo ndagakîone akua.

Hagai 2:11

Nîwamwîrire atîrî, “Îra athînjîri-Ngai matue îgûrû rîgiî ûndû ûyû:

Hagai 2:12

Ethîrwa mûndû nwa oce nyama îno ntheru kuuma îgongoonarî na amîkuue yovetwe na nguo yake. Ethîrwa nwa areke nguo îvutie mûgate, irio irî nduge, ndivei, maguta ma ndamaiyû, kana irio cia mûthemba wa wonthe, irio icio nwa ituîke nyamûre wanacio?” Nao athînjîri-Ngai nîmaamûcokerie atîrî, “Naarî.”

Ndari 16:40

Ngai-Mûnene nîwathîte Eliazaru na njîra ya Musa atî gûtirî mûndû wanarî ûmwe ûtarî wa rûciaro rwa Aroni ûkaathiî kûvîvîria ûbani metharî ya kîgongoona. Kwoguo gîkunîko kîu Kîamririkanagia andû a Isiraeli atî mûthînjîri-Ngai ûtarî wa rûciaro rwa Aroni angîka ûguo agaakua ta Kora na arûmîrîri ake.

Ndari 16:46

na Musa akîra Aroni atîrî, “Oca kanyûngû gaku ga kûvîvîrua ûbani na ûgekîre makara marî na mwaki kuuma metharî ya kîgongoona na wîkîre ûbani makararî, ûvinyûre na ûbani ûcio kûrî andû a Isiraeli na ûrute îgongoona rîa kûtheria mevia mao. Ngai-Mûnene nîmûrakarie nî o, na nîmwambîrîriu kûmathiria.”

Ndari 7:50

Thaani îmwe ya thaavu ya ûrito wa ngiramu îgana rîa îkûmi (110 g) îcûrîte ûbani,

Gûco 24:8

“Rîrîa mûndû arwara mûrimû mûcûku wa ngothi, nîathiî kûrî mûthînjîri-Ngai Mûlawi na amenyerere eke maûndû monthe marîa mûthînjîri-Ngai akaamwîra wata ûrîa namaathire.

Gûco 27:14

Andû onthe a mûvîrîga wa Lawi nîmakeera andû onthe a Isiraeli na mûgambo mûnene atîrî,

Gûco 33:11

We Ngai-Mûnene, mavotithie gûtonga, na wîtîkîre wîra wa njara ciao. Cûkangia vinya wa nthû ciao, nîguo nthû ciao itikavote kûrûa nao rîngî.”

Ahib 7:25

Kwoguo, mavinda monthe nîavotaga kûvonokia arîa mathiîcaga kûrî Ngai na njîra yake. Nîûndû atûûraga vingo cionthe nîguo amathaithanagîrîre kûrî Ngai.

Ahib 9:24

Nîûndû Kristû ndaatonyire Vandû Vatheru vatumîtwe na njara cia andû, na nîvo mûvuano wa vandû varîa va ma. Kristû aatonyire îgûrû kuo kwene. Kûu nîkuo arûngamîte mbere ya Ngai vandûrî vetû.

1Sam 2:28

Na nî nie naathuurire andû a mûciî wa Aroni gatagatîrî ka mîvîrîga yonthe ya Isiraeli matuîke athînjîri-Ngai akwa, nîguo mekagîre nguo ntheru vîndî îrîa makwenda kûmbarîria, mathiîcage metharî ya kîgongoona, na mamvîvagîrie ûbani vo. Nie nînaamavere rûtha meigagîre iveo imwe cia irîa ciavothagwa nî Aisiraeli.