Gûco 32:5 - ÎVUKU RÎA ÛVORO MWARO

⁵ Nwatî ciana ciake itirî na wîvokeku, tî agîrîru gûtuîka andû ake, nî rûciaro rwaganu na rwîvia.

Gûco 32:5 ပူးပေါင်းရင်းမြစ်များ

Kîam 6:12

Nake Ngai nîwaroririe na akîona nthî îrî njûku nîûndû andû onthe maatûûraga mevagia.

Thaburi 78:8

Matigekara ûrîa methe mao meekariî; andû aûmû ngoro na mataarî athîki, rûciaro rûtaarî na wîtîkio mûkinyanîru, na rûtaarî rwîvokeku mbere ya Ngai.

Ntha 32:7

Ngai-Mûnene nîwerire Musa atîrî, “Nyûrûrûka narua nîûndû andû aku arîa warutire vûrûri wa Misiri nîmevîtie na makaregana nanie.

Nthi 8:8

Maûndû monthe marîa mbaragia nî ma ma; tî ma maveeni kana ma kûvîtithia mûndû.

Isaia 1:4

Mue andû a vûrûri mwîvia, kaî mûrî na thîna-î, andû mecûrîtwe nî maûndû macûku, rûciaro rwa andû mekaga maûndû macûku! Andû matûûraga maveenanagia! Mue nî mûtiganîrîtie Ngai-Mûnene, nî mûnyararîte Ûrîa Mûtheru wa Isiraeli, na mûkamûvuvatîra.

Isaia 63:8

Ngai-Mûnene arauga atîrî, “Nama aya nî andû akwa; matikaamveenia.” Kwoguo nîwamavonokirie

Hosea 9:9

Nîmarikîrîte mûno maûndûrî ma ungumania, wata ûrîa kwarî vîndî ya Gibea. Ngai nîakaaririkana waganu wao, nîakamaverithia nîûndû wa mevia mao.

Zefania 3:7

Neîraga atî, nama andû akwa makanîtigîra, na metîkîre ngîmarûnga, nao matikariganîrwa nî ûrîa namaverithîtie. Nwatî andû ake nîmaathiîre na mbere kwîrirîria mûno gwîka maûndû mao macûku.”

Ndari 23:21

Gûtirî ûndû mûcûku Ngai-Mûnene onete kûrî andû a Jakovu. Gûtirî îvîtia onete kûrî andû a Isiraeli. Ngai-Mûnene, Ngai wao arî vamwe nao, maugaga atî nîke mûthamaki wao.

Mathaayo 16:4

Na kaî andû a rûciaro rûrû nî aganu na magatura wîtîkio-î! Mue mûrambûria nîmûringîre Kîamma! Gûtirî Kîamma mûkaaringîrwa tiga kîrîa mwaringîrwe nî Jona.” Kwoguo nîwamatigire akînathiî.

Mathaayo 17:17

Nake Jesû nîwacokirie atîrî, “Na kaî mue andû a rûciaro rûrû mûtiîtîkîtie na mûrî acûku-î! Nîmbîkarania namue nginya rî? Nî mûkirîrîria nginya rî? Ndetereni kamwana kau ava!”

Mathaayo 3:7

Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.

Luka 9:41

Jesû nîwacokirie atîrî, “Mue rûciaro rûrû rûtetîkîtie na rwîvia! Nîmbîkarania namue nginya rî? Na nîmûkirîrîria nginya rî?” Nake Jesû nîwacokire akîîra mûndû ûcio atîrî, “Rete mûvîcîguo ava!”

Johana 8:41

Mue mûreka ûrîa îthe wenyu eekire.” Nao nîmaamûcokerie atîrî, “Ngai ke mwene nîke Îthe wetû na tue tûrî ciana ciake cia ma.”

Ciîko 2:40

Petero nîwamaarîrie na akîmathaitha na ciugo nyîngî akîmeeraga atîrî, “Îîvonokieni kuuma îverarî rîrîa rîgûka kûrî andû a rûciaro rûrû rwaganu!”

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

2Akor 11:3

Nînîretigîra atî mwavota kûveenererua wata ûrîa njoka yavenererie Awa na mûtiganîrie ûma na wîrutîri wenyu kûrî Kristû. Na njîra ta îo Awa nîwaveenirue nî njoka na njîra ya wara wayo.

Gûco 31:29

Nîmbicî narîkia gûkua nîmûgaatuîka andû aganu na mûregane na maûndû marîa naamwathire mwîkage. Mavinda marîa magaaûka nî mûkaanyitwa nî mîthiro, nîûndû mûkethîrwa mûrakarîtie Ngai-Mûnene na njîra ya gwîka maûndû macûku marîa areganîte namo.”

Gûco 32:20

Nîwaugire atî, ‘Nîngaamathitha ûthiû wakwa,’ nîngaaroria mone ûrîa makaarîkîrîria, nîûndû nî rûciaro rûremi na andû matarî evokeku.

Gûco 4:16

nîguo mûtikevie na njîra ya kwîrûthîra ngai cia mîvuanano ya kumua, îrî na mûvuanîre ta wa mûndûmûrûme kana mûndûmûka,

Gûco 4:25

“Rîrîa mûgaatûûra vûrûrirî ûcio wa Kanaani îvinda îraca na mûgîe na ciana, nacio ciana icio igîe na ciana ciacio, mûtikevie mbere ya Ngai-Mûnene, Ngai wenyu, na njîra ya kwîrûthîra mîvuanano ya mûthemba wa wonthe, nîûndû ûndû ûcio nwa ûrakarie Ngai.

Gûco 9:24

Mûtûûrîte mûreganîte na Ngai-Mûnene kuuma rîrîa naamûmenyire.

Afil 2:15

Nîguo mwîthagîrwe mûrî ciana cia Ngai nginyanîru ntheru na itarî na ûcuke, irîa itûûraga nthî îno îrî na andû aganu na evia. Mûrî gatagatîrî ka andû acio, nwanginya mûkengage ta njata irîa ikengaga matuurî,

Atir 2:19

Nwatî rîrîa mûtongoria akua, andû nîmaacokaga gwîka maûndû macûku wana gûkîra marîa methe ma tene meekaga. Nîmaatungatagîra ngai cia mîvuanano na makenamagîrîria mothiû mao mbere yacio makîigoocaga. Nîmaathiîcaga na mbere gwîka maûndû macûku na matiatiganîria mîtugo yao mîcûku.